عطوني رايكم.. آخذ أوبل..

والله نصيحه لاياخدها

اصلا السياره كلها سنتين ويتغيير شكلها

اضافه انو صاحبي كانت عندو وطفشتو وباعها

شكرا لكم إخواني على تفاعلكم مع الموضوع..

وعلى هذه المعلومات القيمه عن الأوبل والباسات..

ترى ولد خالتي يدخل على الموضوع ويشوف وش كتبتون..

وأهو عاد بكيفه بياخذ أوبل أو باسات..

والله يوفقه ويفقكم جميعا إن شاء الله..

مع تحياتي: عاشق الكورفت

ان جيت للمكيف .... وكالة الفولكس فاجن تفتخر انها مركبه على سيارتها كمبريسور ياباني !!!! مع أني أرى ان هذه نقطة ضعف لمؤسسه بحجم فولكس فاجن !!!! من أكبر مصنعي السيارات ان لم تكن أكبرها على الاطلاق بعد جنرال موتورز و تعجز عن تطوير كمبريسور !!!! يا للعار ...

على فكره المرسيدس مازالت تغرد وحيده في هذا المجال ... فهي الوحيدة التي تقلل من شرائها للاختراعات التكنولوجيه .... أي تحاول أن تبتكر بنفسها ... لذلك تجد بعض العيوب في سياراتها الجديده ... بعكس البي أم و غيرها .... التي تشتري معظم أجزائها من شركات أخرى .... مثل القير من المصنع جيتراغ ...وغيرها ....


تحياتي

أخ أوتنقر أنا معاك انه من أهم مقاييس الثبات توزيع الوزن بين المحورين .... و هذه النقطه تصب في صالح الأوميقا ...
أولا ... التجهيزات الميكانيكيه الواجب توافرها في منظومة الدفع الخلفي ... مثل
1- وضعية المحرك الطوليه
2- وضعية القير الوسطيه ..
3- الشافت...
4- الدفرنس ....
هذي كلها تساعد على توزيع الوزن على طول السياره .... بينما في الدفع الأمامي معظم هذه المكونات (ان وجدت) فهي تتركز في الأمام ... مما يؤدي الى understeering في المنعطفات أو انزلاق المقدمه ... وفي هذه الحاله يضطر المهندسون الى زيادة الوزن في الجهه الخلفيه و خصوصا أجهزة التعليق ....
لذلك مما لا شك فيه أن الدفع الخلفي أكثر رساوه ... و ان أردت معرفة الفرق ... جرب كلتا السيارتين في حلبه و ليس طريق مستقيم...

آسف على الاطاله ...

تحياتي

sHm0oKh
هلا اخوي

سمعت عن سيارة دفع امامي بنيت لتكون دفع رباعي مستمر؟؟
سمعت عن سيارة دقع امامي ووضعية المحرك طولية؟
سمعت عن سيارة دفع امامي قيرها في نص السيارة مثل الدفع الخلفي؟
سمعت عن قوانين الفيزياء في توزيع الوزن بين المحورين؟
بس صدقني انا مجرب السيارة الاوميجا ولا كان ما جيت في النص وتفلسفت!

عموما انا ما ادري عن الباسات الجديد! سمعت فيه بعض العيوب المصنعية والله اعلم ، بس الباسات الجديد او موديل سيارتي اللي هو 2000 نفس الشي بس الفرق المقدمة والمؤخرة وبعض التغييرات لا اكثر
الحقيقة سيارتي موريها نجوم الظهر من ثقل دم سواقتي والحمد لله مية مية

وسالفة اللي مخربة سوق الباسات الحقيقة اقولها لك في السعودية عندنا وخاصة الشرقية ما انتشر الباسات الا من 2002!
وحتى الاوميجا

من ناحية المكيف الباسات بلاشك افضل بمراحل من الاوميجا!

من ناحية الثبات وهذا اللي الشباب تكلموا عنه وذكرته في نقاط فوق تصب في صالح الباسات الستة سلندر طبعا ، اقول ، مستعد اي واحد في الشرقية اتحداه في اي اختبار ثبات او رساوة بالاوميجا ضد الباسات
وسالفة الدفع الخلفي والامامي هذي شي مو منطقي ، لانو كل دفع له مميزاته وعيوبه!! مو معناة هذا انو لما تصير اقوى السيارات في العالم دقع خلفي يعني هو الافضل!
لا الفكرة هي انو لكل دفع تطبيقات محددة
في سيارات التي قوتها ما تتعدى ال230 حصان كالباسات والاوميجا ، الدفع الامامي يكون فعال جدا جدا!
ولكن لما تزيد القوة يتطلب الامر مهارة اكثر في القيادة ومتطلبات في السيارة نفسها وتصرفاتها قد لا توفره السحب الامامي! مثل ال understeer اللي قد يكون بلوة مو نعمة!


--------------------


OPEL_OMEGA
عطني بالله ال formula-sheet حق قوانين الفيزياء اللي حسبتها بها عشان نشوفها!!
تحياتات

شباب انا امتلك وحده موديل2003 بمحرك3.2
الصراحه السياره والله العظيم ما عليها كلام
قويه جدا وفيها رساوه غير طبعيه استجا بتها عجيبه
ولا تصرف بنزين مثل اي محرك بنفس السعه
نقنيه الامانيه موصفاتها ولا اروع منها
صدقني خليه يشتريها ولا راح يندم
انا مثله يوم جيت اشتريها قالو عنها كثير
الا درجت اني شلتها عن بالي
بس يوم رحت الوكاله الصراحه شفت شي يختلف
شوف لا تسئل احد الا وهو مربها
وانا كثير اطلع عليها الدمام الاحساء
امتر الشارع تمتير ولا قالت شي
انصحك اتوكل علا الله واشتريها

أخ OPEL_OMEGA أشكرك على ردك و لو انه فيه بعض الاستفزاز لأصحاب الباسات ... أخ لأوتنقر و الله السياره الوحيده الي كنت محتار بينها و بين الأوميقا هي الباسات ... شكل محترم و أناقه و رياضيه ... لكن لو انت من سكان أبوظبي روح الوكيل و اسأله ... وش هي السياره الي مخربه سوق الباسات ... والله انه رد قال الأوميقا ... قلت له ليش ؟؟ قال دفع خلفي + بعض المواصفات الاضافيه ... الباسات كم مره سمعنا فيها أصوات غريبه في مكينتها (موديل 2002) .... لكن الحق يقال ... الباسات و الأوميقا ما عليهم كلام ... يعني يبقى الخيار لصاحب الموضوع ...

تحياتي للجميع ...

يا oettinger الأوميجا ارسى وافخم واجمل من الباسات (( لا تضحك على نفسك ))
وعلى قول اخوي وحبيبي sHm0oKh احسبها بقوانين الفيزياء -تشكرات -

أخ أوتنقر ...طيب أنا عندي أوميقا ... و عندنا في البيت باسات ... أول شي قير الباسات تغير على الضمان ... ثاني شي مستحيل الدفع الأمامي يكون أرسى من الدفع الخلفي (احسبها بقوانين الفيزياء) .... أجل كان شفت فراري واقف عند ورشه يبدل عكوس ... المهم ... الدفع الأمامي يتميز بأن العزم ينتقل مباشرة الى العجلات الدافعه ... بينما الدفع الخلفي يضيع قليلا من العزم في الشافت و الدفرنس وغيرها ....

أما بانسبه للباسات فأنا من عشاقها ... لكن أنصحك بتجربة أوميقا 2002 و ما فوق ... صدقني أحلى من الباسات ...

لاتقدم على شرائها لان ال omega بالفعل توقف انتاجها وانصحك بال passat وخاصة 2800cc وتوكل على الله

sHm0oKh
مجربينها يا اخوك! وطلعت فاشلة من عرض مو بس من طول

وبعدين انا عندي باسات وصار لها عندي 3 سنوات! وماشية 110 الاف! ويش الفاشل فيها عشان انها دفع امامي؟؟
والله انها ارسى من الاوبل الاوميقا وجودتها فووووووووووووووووووق مستوى منتج من GM!!
ومافي شي فلتة فيها الا سعرها ، عشان الناس تشتريها وتاكل فيها مقلب

شبــاب اسمحولي أقولكم انه مافي منافس للأوميقا في نفس فئة السعر ... الباسات فاشل و دفع أمامي ... الماكسيما حدث ولا حرج ... البيجو من اطلعه من الوكاله المكينه تهرب زيت ... بالنسبه للأوبل جودته ممتازه .... ومحد يقول انه يتبع GM يعني أكيد جوده تعبانه ... بالعكس هذي السياره فلته .... وأنصحكم بتجربتها ...

تحياتي

الاوميقا من زمان تصنع في اوروبا!!

والكلام اليي يقول انها استرالية ومدرو وشو هذي خرابيط
السالفة انو اللومينا على ارضية اوبل اوميجا فقط

الاوبل سيارة من جد فخمة وراسية وفعلا قمة بالنسبة لسعرها...بس المشكلة القطع نااار...وغير كذا يقولون من بعد 2001 الاوبل صارت استرالية بمواصفات المانية...

يعني سلم لي عليها...

في الفخامه ولا أروع والراحه والرساوه صح بس القطع الغيار نار نار نار
في واحد الشباب خرب عنده الكمبرسر خرب عليه مرتين المره الأولى على الضمان وبعدها قالو له ادفع مبلغ مايقارب 4000 ريال للكمبرسر فقط وغير التهريب المويه
يعني بالعربي أي مشكله صلحوها على الضمان بعد ما انتهى الضمان بدت ترجعله كل الخرابات إلي صلحوها على الضمان وآسف على الاطاله ولكن النصيحه لايخذها .......

لا تشتريها ، الاسباب

- وكيلها الجميح !!
- منتج من GM!! ويكفي سمعتها الرديئة
- مبيعات متدنية حتى في المانيا واوروبا!!
- شركات التعديل التي كانت تعدل توبل اغلقت ابوابها لانو مافي سوق! او غيرت الى سيارات ثانية
- مكيف فاشل ماله داعي
- شكل قبيح (رأي شخصي بحت)

والله اخوي سامحني ماعندي ولا صورة للاوبل

وشكرا اخوكم delpiero

والله مادري وش اقول....اخاف تدعون علي!!!
السيارة مافيها كلام ممتازة جداً اللي معي 2002 ماشية ستين الف ..
لكن الوكيل دمــــــــار والأسعار نااااااار

مشكور أخوي دلبيرو على المشاركه..

وأقول لأخوي TSS_LUMINA SS أنا با أوصل الكلام الي قلته له وأهو بكيفه..

لكن ما أشوفكم حطيتوا لي صور حق الأوميغا