نعم .. السيارة جاها صبغ .. وين المشكلة؟

السلام عليكم

موضوع مهم وشيق فعلاً
اشكرك على طرحة وفي انتظار المزيد من الاراء

انا عندي عادي

الأمور ماهي بي هذي الصعوبة :smile:


يعني مين اللي ياخذ السيارة خمس سنين بدون ولا حكة ؟؟


اهم شي السيارة تم اصلاحها في مركز ممتاز << ( بعض السيارات تكون ماشية بالعرض ):a1120(82):

السلام عليكم ورحمة الله وبركاته


اخي العزيز , في عملية الشراء أغلب الزبائن يبحثون عن اي مخرج لـ تنزيل السعر . والبائع ايضاً يحاول يبسط امر الرشه ( الصبغه ) ويقلل منها لكي يحافظ على سعر سيارته .

طبيعي جداً وهالاشياء موجودة في جميع انحاء العالم .

انا عن نفسي اذا أعجبت بسيارة مستخدمة وعرفت انها فيها رشه ( صبغه ) بروح اقرب مكان موثوق واشوف هل الرش ( الصبغ ) تجميلي يعني امر بسيط جداً , من هالناحية مافيه اي مشكله لكن الحق يقال لا تستوي السيارة اللي بويتها بلد بسيارة مرشوشة . لازم يكون فرق بالسعر حتى لو طفيف .

وسبب تخوف البعض يعود لانه لا يعلم عن خلفية السيارة و دائماً الكل يبعد عن المرشوشه ويقولك المثل

( الباب اللي يجيك منه ريح سده واستريح ) .

بالنهاية الناس انواع و اطباع ولهم رغباتهم والسوق مليان وكل واحد رزقه يجيه .


وفي الختام اتمنى لك التوفيق .

مافي مشكلة لو كان اضطراري
لانه أكيد الصبغ أفضل لها من وضعها لما تكون محكوكة أو مخدوشة
وفي نفس الوقت أفضل شيء لها لونها الأصلي

بالعكس الصبغ لازم منه حتى لو ماتعرضّت السياره لأي شي لكن السؤال المهم هنا وين الورشه والصبغ الأصلي تجد السياره ماشألله اول ماتطلعها من الورشه وبعد فتره تبهّت وتروح اللمعه او تتشطب ,,لكن شوف السيارات اللتي تأتي من امريكا معضمها مرشوش او معاد صبغها انا قد استوردة سيارتين من امريكا مرشوشات كلهم مستحيل تعرف انها مرشوشه لأنهم يفكون جميع اللي بالبدي من ازياق ومقاضب البيبان حتى الأنتل اللي فوق التنده يفكونه وعندهم ورش مثل الوكالات ,,اما عندنا تلصيق جرايد ورش تعرفها ونت تمشي حتى اثر التلميع تشوفه واضح في بعض الأماكن ,,

شكراً على الموضوع..

اتوقع ان اجابتي راح تكون اولا ب : ان الرشة او الصبغة صعب جدا تكون مثل لون صبغة الوكالة ..
ثانيا هو شيء نفسي يعني اغلب الناس يقولك تطيح من عينه السيارة اذا تعرضت لمثل هالحلات وهييك والناس تختلف وكلن له وجهة نظر..
الثالث والاخير : ان اي سيارة تتعرض لهاي الامور راح تطيح من قيمتها عند البيع وزود على هالشيء انك ماتدري الصدمة كانت قوية او لا او انها اثرت على البودي و ممكن ماتبان بعد الرش ..