سييرا و سيلفرادو vs فورد f150 ارجو دخول المجربين

خلها تقدم على 5.3 بالاول

اخوي خذها مني .. انا مجرب سييرا 2011

الموتر كديته .. طين , بر , ارصفه , تطعيس , مطانيج مخك يتقلب من كثرتها , مقاوم ,, ماشتكى الحمدلله

ورجلي حاره عليه , وماشاء الله مايقول لا

كل هذا وعليه جنوط 22 :bigggrin:

والديكور ماتفكك معي الحمدلله

ولا فيه اصوات .. متماسك جدا ماشاء الله

وقطع الغيار الصناعيه مليانه .. قطع غيار له ورخيصه .. فحمات اماميه ب 150 اصلي وتجلس معي 6 شهور .. ورجلي ع الفرامل ادعسسس وفرررمل :smilie16:

لكن خذ العيوب .. من التجارب ذي كلها

بسيطه جدا ولله الحمد

اولها والاهم ( مبرد القير صغير ) مايتحمل الجور اللي اسويه فيه

حراره القير فوق 120 .. هنا خطر جدا على القير ممكن يطيح عليك

ومع الجور والكرف القوي اللي يجيه ياصل كحد اقصى 115

هنا خطر عليه لكن لايضر مكونات القير .. لكن مع التكرار يضر

استشرت ناس خبره فيه .. نصحوني بمبرد معروف والكل يمدحه حتى ب امريكا

ناس تسوي مشاريع ع الجمس تيربوات وغيره .. واستخدمو المبرد ولا اشتكو منه

بالعكس مريح القير بالمره

واشتريت مبرد من امريكا طلبيه .. اكبر من مبرد الوكاله ب 4 مرات

والامور تمام :xyxthumbs:

بعدها .. مستحيل يتعدى 90 .. لو تكررفه بعز الظهر بنفود ام حزم

90 تعتبر عند القير مرتاح بشكل متوسط ..

هالعيب ذا وتم حله بكل سهوله ب 950 ريال فقط بدون تركيب .. والتركيب سهل بدون ترهيم حتى

العيب الاخر

الموتر نازل .. يعني يضرب بالنفود

هذي حلها سهل تفك اللحيه .. وترتاح .. لكن تبي تفك الكشافات معها

ويصير شكله قبيح شوي .. وفيه حل اخر .. تركيب كعكات وتضبط امورك

انا فكيت اللحيه السفليه فقط .. ولا رفعت الموتر

لاني ما اهتم بالتطعيس اللي تجي من ورا النفود تمشي 120 :bigggrin:

الموتر عزمه قوي ماشاء الله .. مايحتاج تاخذ عزم كبير .. مسافه سياره بينك وبين النفود تكفي للجمس

منها تضمن ان موترك ماراح يضرب بقوه ..

بس نزل القير ع 1 وادعس خفيف تحت النفود

لا وصلته ادعس البنص كله وشف العزم ماشاء الله :bigggrin:

وهذي عيوبه اللي واجهتها

والباقي ماشاء الله

اي استفسار عنه .. حاضر

ترا كلامي لايعني انه مجرب وافضل الجمس على الفورد

بس بقولك اني ماجربته .. لكن بالنسبه لقطع الغيار وعند البيع

الجمس افضل بكثير .. الفورد يمكن ماتحصل الا الوكاله لقطع الغيار

عكس الجمس لو تبي مسمار فلتر تحصله بالصناعيه نفس المقاس والشكل

بالتوفيق ,

وأنا بعد لو إني مكانه ما بآخذ إلا الفورد ياخي يكفيك من السييرا والسلفرادو الوجهية ناظر شلون دقنه نازل حييييل زي التاهو واليوكن لا تقدر ترقى به رصيف رفيع ولا تدخل طعس على سرعة وهذا شيء يمغص فضلاً عن تفوق الفورد الكاسح لدرجة إن الفورد مكينة 5.4 لتر يقدم أداء الجي ام مكينة 6.0

السيارات تظل عندنا في الشركة 3 سنوات وطول هذي المدة ما أتذكر أن الفورد f 150جاه عطل جامد يعني فحص وصيانة عادية وفي نفس اليوم يطلع لكن f 350 كان في أعطال واجد لكن الوكيل للحقيقة ممتاز القطع اذا ماكانت متوفرة بالكثير أسبوع ويجيبها اذكر مره f 350 كان في مشكلة في القير أخذ أسبوع لين رجع للخدمة.

لو انا مكانك بأخذ f 150 بدون تردد.

وأي سؤال انا حاضر

سعر اعادة البيع مهم :c0038:
بس اتوقع اني مارح ابيع لو اشتريت full size pickup :bigggrin:
مازلت في حيره بس شكلي رح اتوجه للفورد والله يكتب اللي فيه الخير
شكرا لمرورك

يتفوق السييرا بسعر البيع
لكن الفورد أقوى

يعطيك الف عافيه على هذا الرد
كنت ابحث عن ردود اشخاص مجربين
بخصوص الجمس اعتقد من بعد 2009 اضافو قير 6 سرعات
وكلامك بخصوص الفورد طمني كثير مع اني ماشك في اعتماديته
بس ياليت تفيدني بخصوص قطع الغيار هل هي متوفره؟وهل المختصين في صيانته قليل؟
وشكرا :wavey:

السلام عليكم
انا في رأيي وعن تجربة الفورد افضل بيك اب ، انا جربت كل السيارات اللي تسأل عنهم وزيادة عليهم الدودج.
الفورد أريح سواقة وخفيف تحس انك تسوق سيدان وصرفية البنزين قليلة تكييف جيد وفوق كذا أكثر اعتمادية واقل أعطال وللعلم بحكم طبيعة العمل الاستخدام شاق تحميل كثير وطرق برية وعرة وتظل السيارة شغالة من الصبح إلى الليل.

السلفرادو والجمس بعد 2008 صاروا افضل لكن يعيبهم القير 8 تعاشيق أو 7 اذا ماني غلطان تحس السيارة ثقيلة وسواقتها ماتقارن براحة الدودج أو الفورد.

الدودج سواقته مريحة وعزم يطرب وفخم من داخل لكن يعيبه الاعتمادية لك عليها والوكيل خايس تظل السيارة عنده بالاسابيع عشان يجيب قطع الغيار.

أتمنى أني أفدتك

^
فعلا الفورد مظلوم عندنا من وكالته ومن الناس اللي تعودت على الجمس
لكن قررت اني اخذ بيك اب من جي ام سواء سييرا او سيلفرادو
شكرا على مرورك

الفورد أفضل بكثير ترى لكن الوكالة هنا ماتجيب مواصفات عدلة يا استاندرد يا فل واحد من الشباب راح الامارات أخذ له واحد نص فل غمارة ونص ب120 تقريبا ياشيخ تتعب من المواصفات سيارة صح للإستخدام والكرف.
لكن اللي منتشر في المنطقة هنا الجمس بحكم سمعته

يعطيك العافيه :smile:

الموديل على حسب الميزانيه
لكن اكيد من 2010 وفوق سواء كان فورد او جي ام
كلامك خلاني اركز على شاحنات جي ام اكثر
يعطيك العافيه

ماادري اي موديل بتاخذ
لكن نظريا الفورد في منطقة الخليج شبه منقرض عكس السيرا والسلفرادو
وبتالي ستواجه مشكله من حيث الصيانه وتوفر قطع الغيار واعاده البيع

اما من حيث الاستخدام فماعندي علم
السيرا من 2013 ونازل سياره كويسه ماوجهنا ولله الحمد مشاكل معها
اما السيرا والسلفرادو موديل 2014 فقد تغير ومن الصعب الحكم عليه دون تجربته