بعد تجربة سنة ونص للسيارة اقدر اقول انها جيدة جدا بالنظر لسعرها .
تعايشت وتعودت مع كل عيوبها من اصوات وعزل وغيرها الا مشكلة القساوة ! ماقدرت اتحمل هالعيب ولا ادري وش الحل !!
افكر اغير الكفرات ممكن تقلل من القساوة والنشفان !!
ممكن تقول لنا تعتبرها قاسية مقارنة مع أي سيارة؟
و هل سيارتك الفل ام الستاندرد؟
الستاندرد تجي جنوطها 18 و المفروض تكون ألين من جنوط ال 20 اللي على الفل.
بالنسبة لي لما جربتها عندهم قبل الشراء، وجدتها مريحة جدا (بالنسبة لسيارتي وقتها، و كانت سوزوكي قراند فيتارا موديل 2000).
بعد ما اشتريتها (الفل)، لاحظت انها اقسى من اللي جربتها بشوي، نسمت الكفرات من 47 الى 33 psi. ساعد شوي، لكن الفرق كان بعد ما وديتها لخدمة الخمسة الاف. الحمدلله، لانت بشكل ملحوظ. بالرغم من انهم ما رضوا ياخذوا ملاحظاتي على السيارة لأنه كان يوم سبت، و بزعمهم انه يوم السبت ما ياخذو ملاحظات. لكن هذه سووها بدون ما اقول لهم، مدري ايش عملوا.
وكانت خدمة ال 5,000 في طريق خريص بالرياض.
