ارجو المساعدة في تعلم القير العادي ( اليدوي )

استاجر سياره قير عادي وجرب عليها لا سمح الله صار شيء والا شيء ماهي في موترك

*ذكرتني يوم كنت اتعلم تعلمت كل شيء الا اني اقومها كانت السياره تنتع في كل مره لدرجه اني فقدت الامل وصرت اخليها في الاول معشقه واشغل السياره وادعس بنزين لين تمشي واتصرف في الباقي* هههههههههه

بس ترى جدا جدا سهله والله يوفقك

شكرا لكل من رد و بصراحة افدتوني جدا

و لكم جزيل الشكر .......

بالنسبه للتهدئه من 100 او120 لاتحرك شي إلى سرعة 50 تقريباً اقل من كذا ممكن تعشق النمره الأقل من اللي انت تمشي عليها إذا كانت 5 سرعات او اربع سرعات حسب السياره لكن ترا المسأله سهله والمفروض تطبق هذا الكلام في مكان خالي من السيارات حتى تتعود اثناء التهدئه لاتفضّي القير لأنه اثبت للسياره ,,بأختصار كل ماتهدّي اكثر تعشق للنمره الأقل حتى تصل 30 او20 بتكون وصلت للثاني وعند الوقوف تدعس كلتش وتفضي السياره ..

بالتوفيق..

في الحالات الطارئة تقدر توقف السيارة بطريقة اسرع وهي التعشيق لنمرة أقل ..

مثلا كنت ماشي 120 واللي قدامك وقف فجأة وما انتبهت له في الوقت المناسب وسيارتك مافيها ABS يعني لو مسكت فرامل بقوة احتمال تنحرف معك السيارة :(

فتمسك فرامل قوية لكن ما تخلي الكفر يوقف .. وتنقل القير من الخامس إلى الثالث أو الثاني .. راح تهدي معك السيارة بشكل كبير جدا وبدون ما تنحرف عن المسار ..

ومثل ما قلت لك هذي في الحالات الطارئة فقط لأنها تؤثر على القير ..

والله يبعد الشر عن الجميع ..

بالتوفيق :xyxthumbs:

الصراحة لساني يعجز عن شكرك

يعني اذا اردت ان اقلل السرعة و كانت السيارة لا تحتاج لتنقيص نمرة اضغط فرامل فقط بدون كلتش و عند الوصول للسرعة المطلوبة اترك الفرامل >>>> هل ما فهمته صحيح ؟؟؟

و بعد اذنك عندي سؤال اخير :

اذا كنت ماشي بسرعة مثلا 120 و اردت ايقاف السيارة بشكل كلي ماذا افعل ؟

و في حالات الطوارئ و الحوادث ( لا قدر الله ) كيف اوقف السيارة باسرع شكل ممكن ؟

و اسف مرةاخرى على ازعاجك بأسئلتي

هي تختلف من سيارة لسيارة
مثلا عندي لما امشي بالكامري على 120 النمرة تكون على الخامس
ببساطة اضغط فرامل الى ان توصل 100 لان السيارة مهب محتاجة تنقص نمرة

و زي ما قلت لك تختف من سيارة لسيارة فيه سيارات ما تحتاج تنقص
زي الكامري و فيه سيارات لازم تنقص
و اذا تبي تدري متى لازم تنقص فيه خيارين اما اذا عداد الضغط
نزل عن النمرة اللي انت حاطه او اذا سمعت المكينة تحن
ولا تخلي المكينة تحن لأن احتمال يضر بسيارتك حاول تكون سريع
و تعرف متى تدري اذا المكينة محتاجة زيادة نمرة او تنقص
قبل لا تسمع صوت المكينة

و بس لا تتردد اسأل في اي وقت :)
تحياتي

اشكرك جدا على شرحك السهل و الواضح

لكن بعد اذنك عندي سؤال اخر

اذا اردت تخفيض السرعة بمقدار قليل ( مثلا من 120 ل 100 ) و السرعتين في نفس الغيار

هل اضغط فرامل و كلتش بدون تغيير السرعة ام ماذا افعل ؟؟

شف شرح القير العادي بيبيله شرح تفاعلي فاهم علي
ممكن يكون التعلم عن طريق الكتابة شوي قلق

عموما موضوعك جدا بسييييط ولا تشيل هم :)
بس ممكن ازعجك شوي بس بعلمك بعض المبادئ
اعطيك مثال

الحين قبالك مطب و انت ماشي حول 50 كيلو وش بتسوي؟
اول شي اضغط الكلتش على اخر شي
ثاني شي فضي القير و خلك ماسك الكلتش و انت تفضيه
ثالث شي شل رجلك عن الكلتش
بعد ما ترقى المطب اضغط على الكلتش و حطه على الاول

و بعدين كل ما حنت السيارة اضغط الكلتش و زيد نمرة
كذا خلصنا من الزيادة

نروح لتقليل
اولا انتبه لعداد الضغط بشرح لك الحين
مثلا انت ماشي 80 و النمرة على الثالث
و تبي تهدي الين 20 وش تسوي؟

اول شي اضغط على الكلتش لاخر شي
ثانيا فضي القير و نفس ما قلنا خلك ماسك الكلتش
بعد ما تفضي القير شل رجلك عن الكلتش
الحين اضغط فرامل عشان تهدي
و اذا وصلت لسرعتك اللي تبيها راقب عداد الضغط اذا هي على
مستوى 1 حط النمرة على الاول
اذا هي على 2 حط النمرة على 2 و كذا
علشان ما تحن عليك السيارة

ولا تشيل هم مع الوقت تسوي شرحي كله بثانية وحدة
ملاحظة مهمة حطها في بالك حاول قدر الامكان ما تدعس على الكلتش
كثير عشان ما تحرقه
و بس هذي كانت تجربتي على كامري 98 قير عادي
الله يوفقك :)