مشورتكم ونصائحكم في سنتنيال 2014

osamah6163 @user_266218 · 14-12-2013

السلام عليكم ورحمة الله وبركاته

اخواني انا نويت ان شاء الله على سيارة من هيونداي اللي هي سنتنيال 2014

6 سلندر فل كامل

طبعا انا سيارتي الحالية لاندكروزر 2013 gxr v8 وطلعاتي للبر قليلة جدا والسيارة صرفيتها للبنزين مرتفعة وقاسية شوي مع العلم ان عندي سيارة ثانية للعائلة فورد اكبلسورر

فقررت اجرب السنتنيال قبل كم يوم عند الوعلان خريص صراحة روعة

نعومة وراحة وعزل صوت خرافي ونظام صوتي متعوب عليه وممشى السيارة وهيبتها ما يحتاج اتكلم عنه

لكن اللي افكر فيه اعتماديتها وتحملها لشوارعنا

ياليت تفيدوني وتنوروني بتجاربكم للسيارة ورأيكم بجودتها وسعرها ومواصفاتها

واي وكيل يقدم افضل مواصفات ؟؟

تحياتي لكم

الخالدي عبدالله @user_265532 · 17-12-2013

السلام عليكم
نصيحة نصيحة نصيحة
ابعد عن الجبر وعن سياراته الله لا يبارك فيهم من وكالة وصيانة
بعدين السنتينيال افخم من الكوريس بمراحل

فتى الانتر @user_223389 · 17-12-2013

هههههههههههههههه تلقاهم راعين بر و تفكيرهم يختلف من طبقه لطبقه اخرى
عموما نصحيتي لك لا تاخذ بكلامهم السينتينال موتر لارج لكسري سيدان فخم انت شاري موتر ينافس ال 460

osamah6163 @user_266218 صاحب الموضوع · 16-12-2013

انا متحمس للسيارة كثير

بس كل ما شاورت اقاربي واهلي واصدقائي يحطموني :blue:

يقولون لي من جدك تبيع اللاند عشان سنتنيال !!

انا معجبتني بس بعد الواحد قبل يسوي شي يشاور ويسأل بس ماش ما لقيت تحفيز ابد

هاوي707 @user_297607 · 16-12-2013

اختيار موفق

وافضل وكيل لهونداي المجدوعي واسعاره طيبة

لكن الناغي انحححش منه

على حد علمي المجدوعي أخذ افضل وكيل هونداي في الشرق الاوسط قبل فترة

وعليك بالأستخارة

تقبل مروري

osamah6163 @user_266218 صاحب الموضوع · 16-12-2013

انا ساكن بالرياض ورحت لفرع خريص يقولون دوام الموظف يبدا 8 ونص وانتظرت لين 9 ولا جاء بعدها قالوا لي يداوم الساعة 10 ونص !!! طيب وانا وش اسوي واقف كذا انتظر ؟! ليه محد قال لي طيب بدل ما اضيع وقتي كذا ؟ّ

انا احب اروح الصباح عشان اخذ راحتي بالتجربة لان الشوارع مافيها زحمة بس من بعد الساعة 10 ونص زحمة وماراح ارتاح بالسواقة واسوي اللي براسي بالسيارة من ناحية تجربة عزل السيارة على 120 مثلا وتجربة عزم السيارة والعصر بالمثل زحمة خروج الموظفين

عالعموم الجبر انا لاحظت انه من الوكلاء اللي يشتكون منه كثير من الناس من الصيانة وقطع الغيار

فتى الانتر @user_223389 · 16-12-2013

اخوي وين ساكن انت باي منطقه
كيف يقولون لك انتظر نص ساعه وانت بتشتري كوريس !! شي ينرفز بصراحه واذا تحتاج المساعده عطيني رقمك بس و ابشر بسعدك

osamah6163 @user_266218 صاحب الموضوع · 16-12-2013

بالنسبة للاخ كوري مكاوي
ميزانيتي بحدود 210 او 220 ألف

وبالنسبة للاخ salehhd
الكوريس حلوة جدا وهي اللي جذبتني للسيارات الكورية بس وكيلها سيء
مرتين اروح لهم واجلس انتظر نص ساعة ابي المسؤول عن الكوريس ابي اتكلم معه وابي اشوف السيارة من جوا واركبها اقل شي
ما احصل احد يقولون شوي يجي وانتظر نص ساعة واطلع واخرها يوم الثلاثاء الماضي وبعدها حرمت على نفسي سيارات كيا حتى لو نفسي فيها .. وتعامل الموظفين واسلوبهم ونفسياتهم سيئة جدا جدا
اذا كل ذا صار قبل اشتري السيارة وش بيصير بعد ما اشتريها

salehhd @user_17805 · 16-12-2013

السلام عليكم

ااختيار موفق ان شاء الله
افضل مواصفات حسب علمي هو الوعلان
اقترح عليك تنتظر شوي حتى تنزل السيارة المعارض وراح تحصلها بسعر حلو يفرق عن الوكيل قد يصل الي 30 الف ريال
واذا كنت تبي السيارة استخدام شخصي اقترح تشوف الكيا كورس
ولا تنسى الاستخارة
بالتوفيق

كوري مكاوي @user_292613 · 16-12-2013

كم ميزانيتك

فتى الانتر @user_223389 · 15-12-2013

الوعلان

و الاهم لاتنسى الضمان المميز vip

osamah6163 @user_266218 صاحب الموضوع · 15-12-2013

مشكور يا فتى الانتر

بس وش افضل وكيل يقدم افضل مواصفات وسعر ممتاز ؟

ننتظر تجارب باقي الاعضاء اللي جربوا السيارة

فتى الانتر @user_223389 · 15-12-2013

خير ما اخترت
السياره تستاهل كل ريال فيها
بخصوص الاعتماديه اششوف موديل قديم لها عند جارنا للحين تمشي معاه زي اللوز