للأمانة وقبل ما ابتدي هالطريقة ما جربتها، لكن ان شاء الله عما قريب اجربها، لكن حبيت انقلها لكم للي حاب يجرب ويقول لنا انطباعه :tongue: طبعاً الطريقة ان نحط شريط عازل داخل الأبواب
الأدوات اللي بنحتاجها:
لفة من الشريط العازل وتقدرون تطلبونه من هالموقع
http://www.amazon.com/FatMat-Thick-Self-Adhesive-Deadener-Install/dp/B003TTX2H2/ref=sr_1_3?s=automotive&ie=UTF8&qid=1423374414&sr=1-3&keywords=fatmat+50
المفروض معاه عدة التركيب، واذا مو موجودة بنحتاج "موس" لتقطيع الشريط، وأيضاً بنحتاج إلى استشوار
العدة بتكلف حوالي 350 ريال تقريباً بدون الشحن
خطوات التركيب سهلة ولكن يجب الحذر من كسر أي شيء، والخطوات في الصور التالية للباب الأمامي، وباقي الأبواب مثل الشيء تقريباً (اعتذر عن عدم وضوح الصور لكنها واضحة بشكل كافي للي عارف هالامور):
1. فك القطعة اللي بجانب المرايا الجانبية للأبواب الأمامية:
2. فك القطعة اللي داخل مقبض الباب:
3. فك القطعة اللي داخل مسكة اليد عند ازرار التحكم بالدرايش
4. اسحب البلاستيك بعد الفك، ولا تنسى تفصل جميع الوايرات:
5. تغطية داخلية الأبواب نفس الصورة التالية، وعلى فكرة مو شرط يكون الشغل تحفة فنية أهم شي تغطي الأماكن كلها لأنه في الأخير بيختفي داخل ومحد بيشوفه
حسب المصدر، فإن الوزن بيزيد تقريباً 15 كيلوغرام أو أقل، وإن العزل صار أفضل بنسبة 30% وهذي نسبة كبيرة جداً، حتى انه افضل من البي إم 128 اللي عنده، العزل ما اختفى نهائياً لكن الفرق كبير جداً
يلا جربوا وخبروني :tongue: انا ان شاء الله راح اطلب اللفة الحين
طبعاً الطريقة تنفع لأي سيارة لكن خصصت المازدا في هالموضوع
هذا المصدر
http://forum.mazda6club.com/3rd-gen/281729-how-i-fixed-our-3rd-gen-road-noise-issue.html
