الأحد 7 يونيو 2026
عاجل

حياكم الله جميعــاً ....

منتدى السيارات العام
13 رد 2,821 مشاهدة 6 مشارك الأقدم أولاً
ب
بندر .. @user_306425 · 08-02-2015
السلام عليكم ورحمة الله وبركاته

أولاً أشكر القائمين على الموقع الجبار الذي يخدم فئات كبيرة من المجتمع
و أولهم أنا عند شراء أول سيارة لي وكنت لا أملك المعلومات الكافية الا بفضل الله ثم بفضل هذا المنتدى القائم على الأخوان من إدارة وأعضاء

ولانستغني عن مشورتكم مره أخرى


.......................................................


ودي أشتري سيارة جديدة
ومحتار صراحه

دخلت السوق وكل سيارة تتميز بشي

أنا أدور على سيارة يكون كل ريال فيها يستاهل
يعني جودة و مواصفات

وش تنصحوني فيه

ولا أفكر في سيارة معينة

يعني مايمنع شراء جيب ( شبابي )
أو السيارات السيدان

أنتظركم الله يحفظكم ...
z
zaizafoon @user_151742 · 11-02-2015
مع أخوي توروس sel 2013 عزك الله كادها كد حمير

اعطاني الموتر اسوي له صيانه بحكم انه بموقع مافيه محل لقطع فورد

الزبدة اسعار صيانتها جدآ معقوله لدرجة أني فكرت أشتري لي وحده

القطع كلها وكالة أصليه

العكوس (( 600 ريال للحبه ))

المساعد (( 300 للحبة )) التويوتا راف فور سعر الحبه منها 600 ريال !!!!!

الفحمات الخلفية (( 200 ريال )) الأمامية ناسي كم لكن حول هالسعر أو أقل

بواجي (( 80 ريال ))

فلتر هواء (( 55 ريال ))

فلتر الزيت (( كان ماخاب ظني 18 ريال ))

علبة زيت المكينة (( 15 ريال )) يمشيك 10 آلاف

صدام امامي (( 1400 ريال ))

أغلى شيء فيها حسب ما شفت المقصات وهذي غاليه بكل السيارت

سعرهن الأثنين يمين ويسار 2400 مع الجلد والجلد أذا بتاخذها لحالها 1140 ريال

موفق خير يالغالي أشوفها سيارة جميله وسواقتها جميله جدآ
s
sale77 @user_131028 · 10-02-2015
قولك : ( أنا أدور على سيارة يكون كل ريال فيها يستاهل
يعني جودة و مواصفات )

اعتقد ما يجي في بالي الا مازدا

سواءأ زووم6
او CX-5

الكل موديل 2015

وفالك التوفيق
&
ѕмѕм @user_299550 · 10-02-2015
صوتي للايدج اكيد ما قد شفت احد يشتكي منه

عكس التورس ، ضيقه من الخلف + قاسيه بالمطبات
f
flatne @user_305312 · 10-02-2015
ب
بندر ..
أخواني

أحترت بين الفورد ( التورس و الإدج )

مانستغني عن اراءكم ومشورتكم ؟


اذا تبي سيدان تورس
واذا سياره مرتفعه ايدج

اللي يحدد السياره رغبتك الشخصيه
ب
بندر .. @user_306425 صاحب الموضوع · 09-02-2015
أخواني

أحترت بين الفورد ( التورس و الإدج )

مانستغني عن اراءكم ومشورتكم ؟
f
flatne @user_305312 · 09-02-2015
ر
ر•ذ¼ر•ذ¼
الاسعآر من امريكآ :

SE اقل فئه : 28,100 ألف دولار = 105 الاف ريال سعودي

SEL نص فل : 31,500 ألف دولار = 118 ألف ريال سعودي

Titanium فل : 35,600 ألف دولار = 133 ألف ريال سعودي

Sport فل الرياضية : 38,100 ألف دولار = 143 ألف ريال سعودي



هذه اسعاره في امريكا يعني عندنا زياده في كل فئه 20 الف واكثر
&
ѕмѕм @user_299550 · 08-02-2015
الاسعآر من امريكآ :

SE اقل فئه : 28,100 ألف دولار = 105 الاف ريال سعودي

SEL نص فل : 31,500 ألف دولار = 118 ألف ريال سعودي

Titanium فل : 35,600 ألف دولار = 133 ألف ريال سعودي

Sport فل الرياضية : 38,100 ألف دولار = 143 ألف ريال سعودي
ب
بندر .. @user_306425 صاحب الموضوع · 08-02-2015
ماشاء الله تبارك الله شكل حلو ومميز
بس كم تتوقعون الأسعار بتكون ؟
&
ѕмѕм @user_299550 · 08-02-2015
والله اول رد كنت بكتب لك فورد ايدج وجبتلك صوره للشكل الجديد كمان بس قلت بسألك اول شي

جدآ جميله السياره وما بتندم اذا اشتريتها بس انتظر الشكل الجديد كلها كم شهر وبينزل



واذا ع سيارات السيدان بو علوه كفى ووفى .
ب
بندر .. @user_306425 صاحب الموضوع · 08-02-2015
أفكر بـ الفورد التورس أو الإيدج

بس سمعت أن التوروس ممكن يتغير شكلها ؟
b
bo 3low @user_300999 · 08-02-2015
وعليكم السلام

عندك امبالا

وكذلك عندك افلون

وكذلك عندك كيا كادينزا

وهونداي ازيرا,

ومازدا 6 ,

هذي بعض السيارات الي بميزانيتك

بس كل سيارة تتميز بشي نفس ماقلت انت.


شوف جرب السيارات وانتظر اراء باقي الاعضاء,,,


سؤال::

هل في بالك سيارة معينة او تحب سيارة معينة.؟
ب
بندر .. @user_306425 صاحب الموضوع · 08-02-2015
ميزانيتي حول الـ 100.000 ريال ويمكن تزود 10.000 ريال

الدبل موب مهم

مايمنع إذا 5 ركاب أو أكثر بشرط تكون السيارة رياضية أو شبه ..
&
ѕмѕм @user_299550 · 08-02-2015
يا ليت تذكر لنا كم ميزانيتك ؟

وهل تحتاج الدبل او لا ؟

5 ركاب او اكثر ؟
سجّل دخول للرد...