سوبربان2015 والصيانة الدورية في الوكالة والمهزلة

هذا بلى ابوك يا عقاب
انا لاحظت الفرامل صارت خفيفة جدا
الله يستر وش مسوين فيها

+1

أحذركم من الجميح (الدمام والرياض) يلعبون في السيارة لعب, يصلحون العطل بمبلغ وقدرة وتطلع لك أعطال ثانية ماكانت موجودة

أيضا أحذركم من الجفالي وكيا الجبر

هذا من خبرتي مع صيانة الوكالات

لين قالوا العمش ولا العمى, أقدر أقول من به عمش من الوكالات في الصيانة (يعني أفضل الموجود) تويوتا والحاج حسين علي رضا والعيسى للسيارات الأمريكية

أصحاب لي في الخبر يمدحون المجدوعي

فرع الوكالة في حي البديعة
تقدمت بشكوى ضدهم قبل شهرين
ولم يتغير شيء على الواقع

اخي اترك عنك كل هالكلام
واتصل عالرقم 0097143143333

هذا رقم مكتب جنرال موترز الاقليمي في الشرق الاوسط ومقره دبي

وان شاء الله بيرضونك

عملهم مراقبة وكلاءهم في الشرق الاوسط

يعني العمال ماشيكو على النقاط اللي يزعمون انهم يكشفون عليها
ويعتبر هذا الاهمال اساسه المدير والمشرف عليهم, المفروض الواحد مايسكت يقروشهم ويأدبهم ويعلمهم ويعطيهم خبر انه عارف كل شي وانهم غلطانين وماكشفوا على السيارة عشان مرة ثانية مايستغفلون احد

الوكلات عموما وضعها مزري و لازم ينتبه لها الوزير الربيعة وفقه الله و يعمل مركز خاص بجودة الصيانة لدى الوكالات
ماخذين راحتهم عيال اللذين في التلاعب و استفزاز العملاء لأنهم يعرفون أنه الأغلبية مو فاضين لعوار الراس و المتابعة و البهذلة و لأنه غالبا حتى مع المتابعة و القروشة وراهم غالبا ما تلقى حقك أو ما تلقاه كامل

أنا قبل يمكن سبع سنوات رحت العيسى اللي كان ماخذ سمعة أنه أفضل وكيل لجي إم و شيفوليه في وقتها ، كان فيه صوت طقة في اللومينا من جهة الكفر الأيسر تطلع إذا لفيت بالسيارة ، و آخذها لهم ، و الزبدة أنه لطعوني ثلاثة أيام و الصوت ما راح و لا أظنهم سوا شي و من زود اللعانة حتى سيارة ما أعطوني إياها و لا حتى تخفيض على إيجار و اكتشفت بعدين أنه عندهم مكتب يعطيك تخفيض و ابن اللذين الموظف أبو جاكيت و كرفتة و لا يقول لي شيء عنه على الرغم من أني كنت أكلمه عن تعويضي بسيارة علشان أمشي حالي خلال ها اليومين و ابن اللذين يرفض و لا حتى يعلمني عن التخفيض في الإيجار (طبعا حتى أنا غير متأكد هل فيه فعلا تخفيض أو لا لكني سمعت من ناس قالوا هذا الشي بعد ما علمتهم عن سالفتي)

فالوكالات لا بد من التفاتة لهم من وزير التجارة
و بصراحة صرت أؤمن بأن اللي يروح للوكالة لصيانة عادية أو حتى مشكلة عادية غلطان ، اشتر لك سيارة معروفة بقوتها و عملانيتها و انتشارها بين الناس (الانتشار يعني أن المشاكل و حلولها معروفة) و اترك عنك الوكالة و بربستها

اذا وزارة التجاره تقول مو شرط تعمل الصيانه في الوكاله بس جيب فواتير انك عملت الصيانه في اي محل عشان الضمان ..ايش جابركم على اسعار الوكالات الفاحشه وكذبهم واهمالهم وفوق كذا شغله تخلص في نص ساعه يتركوا السياره كذا يوم عندهم ...
انا من ناحيتي لو احرق السياره ماوديتها الوكاله

سألت الموظف اللي استقبلني عن تلبيس ارضية السيارة
قال لو اشتغلت لمبة الايرباق فإن التلبيس يلغي الضمان

مرة ثانية اعمل الصيانة في مراكز إي سي ديلكو أرخص وأسرع ولا تحتاج مواعيد ...

ولا تتركهم إذا أعطوك ورقة إصلاحات مغلوطة ..ارفع شكوى للتجارة وصدقني أن التجارة مسببة رعب للوكلاء وأقول هالكلام عن تجربة !!

اوسخ وكيل ووكاله الجميح حسبي الله عليه
وانت غلطان توقع على الورقه سلمتهم حلالك ببلاش ولا حتى كلفت على نفسك تشتكيهم عند الوزارة

الصيانة الدورية مهمة بس سويها برا وتحت عينك واترك عنك الوكالات بالذات الي عليها ضغط نصابين يبلعون فلوسك وما يسون شي من واقع تجارب كثيرة صارت معي ومنها الجميح في سيارة كابريس وعبداللطيف جميل في افالون كلهم نصابين
وبلغ وزارة التجارة وش خسران يمكن يعافبونهم بشي

ابو محمد 40

لو أني منك ما أترك الوكالة على كيفها

بلاغ تجاري لوزارة التجارة يجيبون العيد فيهم بسبب ورقة الي عطوك توقع عليها!!!

على كيفهم هم وهذي الورقة!


الوكالات ياشباب لا تستهينون فيهم أذا سوو أي غلط على طول بلغ لولا تاخذ جدالات او تعلمونهم بالطيب أذا الخطاء ما يغتفر بل بلغو عنهم لأنهم مايتأدبون إلا بهذه الطريقة وان سكت فالموضوع بيتكرر معك ومع غيرك

وكالة هوندا أتصلوا علي قال: ليش من بعد صيانة الـ1000
"مجانية" ماجيت للصيانة؟ قلت له: بتخرب إذا ماجيتكم!
ماعرف يجاوب وقال: ترا بيروح عليك الضمان!
قلت له: لا ما يروح ولا أنت أحرص مني على الضمان بس
تبون فلوس الصيانة!
وهذي حالتي مع كل سيارة أشتريها’ صيانة الألف
ولا عاد أسوي لهم زحمة