ماسبب تدني مواصفات تويوتا الخلجية؟

مافي قناة باليويتوب مافيها دعم
والوكالة حقها تفتح قناة عشان يجيها دعم سواء إعلاني أو مادي

الوكيل اجشع منه ماشفت مو بس ينهب من السيارات عنده قناة في اليوتيوب حقت تويوتا والناس تدعم القناة وهو يكسب فلوس

ضعف المواصفات زي ماقلت سابقا اربعة اسباب
جهل الشعب والتمسك بالسياره الكاسحه للسوق
ضعف الانظمه والرقابه حماية المستهلك
جشع الوكيل و عدم اهتمام المصنع الام

ذي عقلية التويوتا صعب تتغير في يوم وليله
تويوتا امبراطور كل شيء يتصنع ونيت وسيدان وجيوب وفانات
وباصات وكل شي يمشي على عجلات اقرب المنافسين نيسان
للاسف مشاكل ممتاليه وعلى شويه شويه يستعيد مستواه

نفس كلام اخوي حسن

بالمرتبة الأولى المشكلة والغلطة من الشركة الأم

بالمرتبة الثانية غلطة هيئة المواصفات المقاييس! ببعض مواصفات السيارات الي تدخل عندنا ومنها تويوتا فمثلا هل يعقل أن سوقنا متدني لهذي الدرجة علشان تدخل عندنا سيارات بعضها لا تمتلك أيرباق واحد! أو نظام ABS؟! أقرب مثال معكم الهايلكس ولا تعال اسمع ردود بعض الناس الي يقولي هذا ونيت موتر غنم! حق تحميل بس وش تبي بالموصفات؟! وبالاخير فرحان ان معه سييرا ولا فورد F-150 مليان تقنيات؟ طيب مو معك الحين موتر غنم! وش الفرق بين المتوسطة الحجم Mid size والحجم الكامل Full size؟

بالمرتبة الثالثة الوكيل الغفلة والبخيل الي ماينرجى منه خير كمستهلك :a120(115):
انزال بعض مواصفات السيارات ليس بالنسبة لي إلا أستحقار لمن يشتريها بالمرتبة الاولى قبل فكرة انه يبي يزيد هامش الربح وللأسف ليست تويوتا الوحيدة بذلك لكنها الأكثر تصرفا بمثل هذا الحركات الاستغفالية

المشكله الأساسيه هي من الشركه الام ( تويوتا )
لأنها فاتحه الباب على مصراعيه للوكلاء في الخليج لطلب المواصفات كما يحلو لهم بعكس بعض الشركات اللتي تلزم الوكلاء بمواصفات معينه

بإختصار الشركه مدلعه وكلاءها و الوكلاء مستغلين هذا الشيء بطلب أرخص شيء ممكن و بيعه بأغلى سعر ممكن

السبب انه ضامن في ناس تشتريها فيجيبها بأسوء الجودة والمواصفات ويبيعها بسعر عالي كذا هو يربح ملايين والسبب الثاني انه ماعندنا حماية للمستهلك شركة تويوتا ماتقدر تتحكم بمواصفات الخليج لانه ابو جميل عند اسهم واهو الي يتحكم بالشرق الاوسط في والدليل في دول كميات تويوتا فيها قليلة ومافيها حماية مستهلك مع ذلك بقت تويوتا فيها جودة عندهم
يعني السبب الاول ابو جميل الحل تويوتا تشتري اسهم ابو جميل وتعطي الوكالة لواحد غيره متى يصير هالشيء لاجتمع الشعب وقدموا شكوى بعدها الجهات المسؤولة مجبروه على هالشيء وتويوتا بتضبط او نقاطع تويوتا وتشوف تويوتا نقص مبيعاتها وتبحث عن السبب تشوف ابو جميل انه السبب وتلعن خيره

أنا الكلام الي قلته من عند الوكيل
الفل 6 اير باق
الفئات الباقية 2
روح شوفهم لو منت مصدق

:xyxthumbs:
https://www.youtube.com/watch?v=Kt3N8_YCiPQ

الأكورد الأمريكية كل قطعها من المصنع ما تجي ناقصة ويركبها
وكيل تويوتا مثل المكيف والمسجل والسماعات والكشافات
والااكسسوارات والريموت والتخشيب والحساسات ويمكن الجنوط؟
الأكورد الصينية على الاقل مواصفات قياسية تبع أكورد تتركب في المصنع
مو مركبينها في الغرابي.

كامري فل كامل 6 ايرباق
ستاندر 2 اير باق

صح أكورد مصنعها في الصين بس تعطيك مواصفات أحسن من كامري نفس سعره
أكورد لها 6 أيربقات وهي فل كامل وكامري فل كامل لها ايربقين فقط لا غير

الاكورد كلها صينيه:bigggrin:

نرجع للكامري

ابو جميل يرفع سعرها لانها تمسك سعرها

ممكن السعر الزايد ضريبه لمسكت السعر:tongue:

الموضوع يتركز على السعر مقابل المواصفات,,
الكامري مشلحة وكل شي فيها صيني يركبونه
في محلات الزينة وسعرها في سعر الأكورد
الي مافيها تقريباً قطعة صينية,
أما المواصفات الي ذكرتها وماهي متوفرة
في السوق الخليجي على الأقل مواصفات الي
تجي عندنا مقبولة مقابل سعرها إذا ما قارناها
في خرابيط تويوتا, وتوجد أمثلة أكثر مثل الCRv
ماتجي عندنا المواصفات الكاملة لكن لو جت بيكون
سعرها مرتفع فوق ما الناس يعدونها غالية ولا أحد شاريها.
هذا موضوع عن مواصفات الكامري الأمريكية
وفرق السماء عن الأرض عن الكامري الخليجي والأسعار متقاربه!
http://www.assayyarat.com/forums/t260950.html

وكيل جشع
عميل لا يقارن الاختيارات المتوفرة

الكامري وصل 110
وفي نفس الوقت الاوبتيما فل اوبشن 90 الف
ماليبو 4 سلندر 90 الف
مازدا6 97 الف
بينما الكامري في الفئة اللي سعرها حول 90 لا تحمل نصف مواصفاتهم

ي راجل كامري عند عبدالطيف عندها 2 ايرباق هذي فل كامل جايه من تايلند وفي نسخة أستراليها هذي جات عندنا بس كمية قليل وبعدها ما تجي عندنا وفيها 8 أيربقات ونسخة أمريكية تجي ب 10 أيربقات يعني حنا ملعوب علينا من جميع نواحي

معناها هو استهتار المصنع الام بنا

مو بس تويوتا

ترى كل السيارات كذا


الجينيسيس تجيك بقيادة ذاتية وما تجينا هنا

اللكزس تجي بايقاف الي وما تجينا هنا

الاكورد تجيك برادار امامي وما تجينا هنا


ليش لاننا محنا قوة شرائية تستاهل انها تستمتع ولا تستحق انهم يتصارعون في المواصفات علشانهم

فيه فلوس صحيح لكن مافيه قوة شرائية بسبب قلة السكان

للاسف

مو فقط وكيل السعوديه كل دول الخليج نفس الشي مواصفات تعبانه وسعر غالي وتيجي تلفيق عندنا بالامارات كله شغل جبل علي شاشات صينيه والحساسات حتى الجلد تركيب محلي والاكسسوارات بشكل عام.

عبداللطيف جميل يتحكم بكل المواصفات القادمه لدول الخليج ومن ضمنها السعوديه وحتى الاختيار من مصانع تويوتا حول العالم ومعروف انه الوكيل المدلل لتويوتا ولديه اسهم فيها وهو نفس الوكيل اللي فرض الترجمه العربيه لسيارات ليكسوس وجعلها لكزس