السلام عليكم و رحمة الله و بركاته
بحاول إن شا الله ان ارد على استفساراتك واحد واحد و اذا عندكم شيء ما فهمته او تحتاج مساعده بخصوص الموستانج أنا حاضر
شنو افضل اشتري من الوكاله ولا استورده
هو الطبيعي بيكون المستورد أرخص لك خاصه لو كنت ناوي تشتري الشلبي لأنه بينزل عندنا في الخليج حول 300 الف و في امريكا سعره في حدود 200 الف يعني لو تجيبه جديد من امريكا ما يطلع عليك فوق 240
اما فئات 6 سلندر و فئة جي تي الفرق بيكون اقل
اذا ناوي تشتريه كاش عندك وارد البريمي ( عمان ) يجي فل كامل المواصفات لكن بدون رادار و يكون ارخص ب 30 الف تقريبا
ومافضل 2016-1015
لا يوجد فرق بين 2015 و 2016 إلا أنهم أضافوا فئة كاليفورنيا سبيشل ل 2016 و ألوان جديده و أشياء جدا بسيطه لا تكاد تذكر
وشنو الفرق بين العادي والجي تي وشلبي
وسعارهم من كم تبدا
عندك الموستانج عدة فئات و انا بذكرلك السعر التقريبي لأن عندنا في الإمارات ممكن السعر يخلف شوي عن السعودية
أقل نوع من الموستانج يجي 6 سلندر محرك 3.7 لتر يولد 300 حصان تقريبا
يجي قير عادي او اوتو و يجي منه فئة الكشف
اسعاره تقريبا بين 130 الف و ممكن تصل حول ال 155 الف بالنسبه لفئة الكشف
الفئة الي بعدها تكون فئة 4 سلندر توربو الي يسمونه ايكوبوست يجي محرك 2.3 يولد 310 حصان لكن عزمه اعلى من ال 6 سلندر و يعتبر خيار ممتاز كقوه مقابل اقتصاديه لكن عيبه صوته 4 سلندر و شوي سعره مبالغ فيه
اسعاره تبدا من 170 الف تقريبا و تصل حول 190 الى 195 الف تقريبا للفئة المكشوفه
الفئة المفضله لدى أغلب الشباب هي فئة جي تي و يكون محرك V8 سعة 5.0 لتر 32 صمام 4 كامات يولد 435 حصان و كالعاده يجي منه قير عادي و اوتو و فئة كشف
اسعاره تبدا تقريبا من 185 الف و توصل 210 الف بالكثير بالنسبه للكشف
الفئة الأخيرة تكون فئة شلبي GT350 للحين ما وصل الخليج لكن أول دفعه بتوصل تقريبا بعد شهر
هذا يكون بمحرك V8 سعرة 5.2 لتر مطور من محرك 5.0
المحرك تنفس طبيعي يولد 526 حصان و ما يجي هذا الا قير عادي ولا يجي الا كوبيه يعني ما في منه كشف
هذا تقريبا سعره بيكون عندنا في الخليج قريب 300 الف
بعد سنه بينزل شلبي GT500 و ما في معلومات رسميه عنه لكن متوقع يكون قريب 750 حصان و يكون توين توربو V6 و بدري الكلام عليه لان ما في اخبار رسميه لحد الحين
ايضا عندك فئة تعديل شركة راوش يكون 8 سلندر 5.0 سوبر تشارج يولد 670 حصان تقريبا و هذا بينزل عندنا بعد سنه
و متوقع تكون اسعاره فوق 330 الف
هذا رد على كل اسألتك و اذا تحتاج اي شي بخصوص الموستانج انا حاضر
