اخواني وجهة نظركم عالعين والراس ولكن انا عندي وجهة نظر اخرى
بالنسبة للماليبو :
سيارة حلوه وروعة ما عليها كلام .
بالنسبة للامبالا :
سيارة حلوة ايضا واحلى من الماليبو في حاجات بسيطة
بالنسبة للكابرس:
هنا انا ودي اتكلم كثير لانه الكابرس قالوا عنه اشياء كثير سيئة ولكن انا بقولكم وش وجهة نظري :
جميع السيارات في العالم كل ما ينزل موديل جديد يحسنون فيه اشياء ماهي موجوده في الموديل اللي قبله الى ان يغيروا الشكل تماما. على سبيل المثال الماليبو. بدأت الماليبو شكل جديد في 2013 ووقف في 2016. لو تقارن بين 2013 و 2016 راح تلاحظ انه في اشياء كثير معدلينها ومضبطينها في 2016.
احس اني طولت كلام بس بختصر عليكم خلاص : اي شكل ينزل في اي سيارة اخر موديل له يكون افضل موديل .
الكابرس احتمال يتغير شكله قريب على حسب ما سمعت وبالنسبة للي يقولون خرابات وما خرابات خذها قاعدة يا قلبي اذا انت محافظ السيارة بتعيش معك اما اذا انت كاد ام السيارة اكيد ان بتجيها خرابات. والكابرس يقولون عنه كله خربات لانه اغلب اصحاب الكوابرس كاديين ام امه. قومات تفحيط الخ... عشان كذا يخرب.
لحد يهاجم ولحد يزعل من كلامي كلامي ما هو الا وجهة نظر فقط لا غير ويمكن اكون غلطان ايضا فاللي عنده وجهة نظر اخرى يطرحها وشكرا لكم ... :) :xyxwave:
دام انك مقتنع برايك اشترها
ليش تشتشير الناس وانت مقتنع بالموتر
بس ع فكره لاتغرك مكينه ال6 لتر تراها بس 360 حصان الامبالا 3.6 ب 305!
صرفيه افضل
جوده افضل
مواصفات افضل
سعر افضل
متعه القياده متساويه
وكيفك
