مارأيكم بي دودج دورانجو 2016 ؟ السيارة والوكيل ؟

تسلم عزيزي كومبو 11 أستفدت كثيرا من تقريرك وتجربتك :xyxthumbs:

إذا في بالك GX460
تقريري وتجربتي جيب لكزس GX460 من 0 إلى 55.000 كلم ‏( 1 2 3 4 5 ... الصفحة الأخيرة)
هذا تقرير كتبته عن السياراة بتعطيك فكرة أوضح عنها
وأي سؤال عنها أنا موجود والشباب ما يقصرون
أما مسألة سريعة الإنقلاب لم أسمع عنها بل كان في 2010 يميل إلى اليمين ومشكلة الثباث لكن تم حلها في 2010
https://www.youtube.com/watch?v=IDTeOUu-w4E

1000 شكر ، وأبشرك معي حاليا فورد اكسبلورر ليميتد موديل 2016 له معي شهرين ولله الحمد

ومرتاح فيه ، بس ادور لي بجنبه سيارة عائلية متوسطة الحجم .

الله يجزاكم خير ، الأنفنيتي QX60 سيارة ممتازة ولكن وكيلها الغسان مالقيت من يمدحه وورشه نادرة


ومزحومه ! وعددها قليل جدا ! وماهو موفر اغلب قطع الغيار !


واما معلومة الباترول بلاتينيوم ال 6 سلندر فحقيقة عجبتني جدا وأضفتها لقائمة أولوياتي :xyxthumbs:



1000 شكر اخوي ABDULRAHMAN HEMI ، لإفادتنا بتجربتك القيمة كونك مالك للدورانجو


وجزاك الله خير ، لإسهابك وإفادتك ، وننتظر 2016 ويقولوا انهم داخلين على 2017 وماراح ينزلوا


2016 ، شمس تطلع وخبر يبان ...:wink:

السلام عليكم

من تجربتي بدورانجو 2014 ليمتد 8 سلندر له معاي تقريبا سنة و نص الموتر أكده كد تقريبا يوصل من 150كيلو ل 200 كيلو يوميا محافظ على الصيانات في مراكز الخدمات السريعة دخلت السيارة لملاحظات يمكت تقريبا خمس مرات و كلها بدلوا لي القطع اللي ابغاها من دون فلسفة كلها احالات من مركز الخدمة السريعة و يطلبوها لك دايركت تاخذ شهر تقريبا للقطع الغير موجودة بالنسبة لقطع الغيار تقدر تقول 70% تحصله و الباقي طلب ياخذ شهر بس الموتر بصراحة يعجبك خاصة ال8 و مركبة للخطوط و داخل المدينة أن بالنسبة لي جدا ارتحت معاه .

افضل خيارين بالنسبه لي هم هالسياراتين




خذ مشورة اخونا ارمادا الله يجزاه خير وانا والله معجب بالاكسبلور الجديد ملفت للنظر


من الامام رنج روفر ومن زمان انا اقول فيه شبه


صار مصمم الىنج انتقل ل فورد يعني السالفه فيها تهجين




افضل خيارين


1-انفينتيq60 جوده+شكل جديد وملفت +فخامه مع جوده للمواد الداخليه وبعض التحسينات بعد الفيس لفت+مكينه على قده مع قير 7نمر على ما اعتقد لكن عيبه الوكيل


2الاكسبلور ايضا شكل جديد وملفت واظافه مواصفات جديده +مكينه جديده ايكو بوست خيار ممتاز ومحرك اقتصادي




واذا تبي اللي يجمع كل هالمواصفات عليك ب الباترول بلاتينيوم
وانا انصحك اذا بتاخذ بلاتينيوم تنتظر مكينه ال6سرندل بتكون اقتصاديه وافضل من الحاليه
كلها كم شهر وينزلون المكينه الجديده بإذن الله

لو تبي مكينة قوية وشكل جميل فورد إكسبلورر سبورت 2016 ولكن قاسي شوي ولكن لمتد أريح منه ولكن أضعف
لو تبي راحة عالية مع مساحة ممتازة إنفنتي qx60 المحدثة جداً رائعة

اي والله صدقت عزيزي MAGNUM_62

" مافي شيء كامل والكامل الله سبحانه لازم أقدم بعض التنازلات,الحجم,الصرفية,القساوة,الوكيل "


وتسلمون وألف شكر ...

الـgx محافظ على مبيعاته في أمريكا وهالشيء يأكد ثقة المستهلك فيه

الفل كامل مواصفاته جدآ ممتازة,محرك قوي,نظام زحف,هدروليك مريح-متوسط-رياضي,تبريد وتسخين المراتب الامامية+تسخين الدركسون والنظام الصوتي من مارك ليفينسون,نقط عمياء+رادار+4 كميرات,إنارة أمامية وداخلية led وشاشات خلفية+تسفيط المراتب الخلفية بضغطة زر إلخ..


وداخليته تشرح الصدر بل أفضل من في اكس ار لكن يظل اقسى من الكروزر او ناشف حسب كلام ملاكه,طبعآ حسب الشوارع


اقترح انك تجربه,اخبر الوكيل مايوفر تجربه لأني قد سألتهم في 2015 غير متوفر ولايمنع تتأكد منهم وممكن تحصل عند شركات الاجار




الباترول بلاتينيوم يجمع كل شيء تقريبآ,وحسب مشاركتك السابقة ماتبي الأحجام الكبيرة




فـ الله يعينك,مافي شيء كامل والكامل الله سبحانه لازم تقدم بعض التنازلات,الحجم,الصرفية,القساوة,الوكيل

شرفني حضورك اخوي MAGNUM_62 ، أيه والله يهمني الصف الثالث وهذا اللي زايدني حيره !


ويش رأيك باللكزس GX-460 ولا ماتنصح فيها ؟

وعليكم السلام

180 الف كثيرة على درانجو
مع إحترامي لملاكها


يهمك الصف الثالث للمقاعد؟

المشكلة ماحد يمدح وكالة المتحدة للسيارات ( مواعيد ، ولاتوجد قطع غيار إلا بطلبية لأسابيع وشهور )


وهذا اللي مخليني متردد ! السيارة ممتازه ولكن الوكيل دامرها ! وسمعت انهم بإستقبال موديلات 2017


مباشرة ولم ينتجون موديلات 2016 ؟ لا اعلم هل هي سياسة تسويق ودعاية أم ماذا ؟


وتسلم اخوي راعي النيترو ...

خلال ملاحظتي ان مشاكل 2015 قلت مشاكلها

و2016 بتكون احسن


توكل على الله واشتري 6

الانفنتي QX80 ركبتها ومشكلتها ايادي \ مقابض غلق الأبواب بها بروز غريب يصطدم بطرف ركبتي


عند غلقه (كون اخوك ضخم شوي :bigggrin: )


اليوكون دينالي وغيره من هالأحجام ماعد لي رغبة بيها كوني ، مالك قديم للجمس سوبربان !


وبعته مؤخرا لضخامة حجمه !


وتسلم على تفاعلك ومشورتك ...

شوف الانفنتي QX80 او اليوكون دينالي

تسلم عزيزي ARMADA xKINGx على تفاعلك وإفادتك

ميزانيتي حول الميتين وشوي ، وحقيقة براسي ايضا جيب اللكزس الصغير موديل GX460


بس البعض يقول انه سريع الإنقلاب ؟ !