نيسان بترومين واخيرا وفروا باترول EX !

مواصفاته مقارنة مع لاندكروزر أقل فئة , أفضل.

لكن من الداخل أتفق مع عبدالله , الداخلية السوداء غير جميلة على الإطلاق

نظام التعليق ممتاز ومايحتاج وبالنسبة للارتفاع, انت شكلك تبيه يقلب :bigggrin:
ترا وزنه اثقل منن الفتك لعلمك

عنده صالة عرض وحدة بجدة فقط

شكرا علمعلومة الطيبة لكن مدري ليه مايعرض هالفئة .. بلعكس هالفئة هي الي بتظمن المبيعات اكثر خصوصا v8

شكرا ابو اسد علمعلومات الطيبة لكن صحيح خزان الباترول اكبر لكن الجمس اقتصادي اكثر
لو ابي المدينة بحط خيارين ياباترول ستاندر او تاهو ستاندر فقط

كمسكة سعر مايمسك
كتوفر قطع فصراحة بعض القطع فيه قريبة للسفاري
والتاهو فئة وهو فئة .. التاهو يعتبر سيارة رياضية متعددة الاستخدامات يعني شبيه لحد ما بالكروس اوفر
والباترول من فئة luxrty larg off road

طيب سؤال بسيط وبديهي

لنا اكثر من 3 شهور نسمع بهالوكيل

وين صالات العرض حقته؟؟

تمنيت لو غيروا نظام التعليق والارتفاع ويكون مخصص للطرق الوعرة
وكذلك اضافة مثبت سرعة وتغيير الداخلية الى اللون البيج.

العيسى متى يترك نيسان ويفك الناس من شرة
واحسلة يكون وكيل مكانس ولا سياكل عشان مايتورط العميل كلها سيكل ويرمية لكن سيارة مصيبة
العيسى عدو لقطع الغيار
شعاره عدم توفير قطع الغيار واحتكارها لرفع سعرها
حسبي الله علية دمر نيسان في السعودية شر تدمير

هذه موجودة عند العيسى من زمان وهذه اسعارها 150 المميزات انها 4 نوافذ اوتو والزجاج الامامي ودبل وفيها انواع التضاريس ودفلوكس بس عيبها الداخلية اسود وهذه مخصصة للشركات مثل ارامكو وغيرها اللي يطلعون للصحاري بس العيسى مايعرضها بصالات العرض يعرض فقط البلاتينيوم و SE

الفئة هذي أخبر سلمها من زمان من عام 2013 هي XE وليس EX




متوفرة بنسبة كبيرة والميزة فيه محلات خارج الوكالة تبيع قطع غيار نيسان

يمسك سعره تقريبا لكن مو زي اللاند

ويعتبر من نفس فئة التاهو واليوكون بالحجم فقط وهو أن كلهم Full size SUV

لكن لا يتقارن التاهو ولا اليوكون بالباترول واللاندكروزر لان هالسيارتين الاخيرة مخصصة أكثر للطرق الوعرة وطبعا يقارن بهم وافضل منهم باستخدام المدينة بحكم أنهم دفع رباعي مستمر طوال الوقت فيعطي ثبات ممتاز جدا وخزان الوقود لهم أكثر من التاهو واليوكون (140 لتر مقابل 98 لتر)

* كيف اسعار قطع السيارة و مدى توفرها

* هل يمسك سعره عند اعادة البيع

* هل له يعتبر من فئة تاهو و يوكن كسعة و استخدام داخل البلد

أرخص من اللاند بعشرة آلاف ويتميز عنه بمحرك 8 سلندر جبار مع ميزة (الديف لوك)

ومكـيف كامل في الخلف ، أعتقد أنه خيار مناسب لسيارة اوف رود عائلية وقوية جداً .

سعر ممتاز لسيارة بحجم الباترول وسمعتة

مبارك عليكم وصولها وسعرها ممتاز ماشاء الله مقارنة بسوقنا
المواصفات لم تتغير نفس السابق

السيارة خيار ذهبي مقارنة باندكروزر الجي

اشكرك على التنويه اخوي فارس

فيه وأنا اخوك فئة SE 1 ..مثل الاستاندرد بس يجي داخلية بيج
ميزتها .. انه باترول بمكينة وقير وتضاريس وازرار طارة زي النص فل ..
بس بدون زنون + بدون اصطبات ليد + بدون مسجل وازرار النص فل + الشبك أسود

طبـعا ...أتكلم عن نفسي ..ويمكن غيري كثير ..
يقول خلني اخذه ..بسعر منافس وأجلده بالسفر والدوام ..
وأوفر مبلغ بحدود 25 ألف...

لكن التجار المجرمين الحاسدين .. رفعوا سعره ..عشان ما يضرب سعر النص فل...

https://haraj.com.sa/1110194977/**13555403**12864191**13656476**13124113**13064673**13664569**13181325**13661474**13032516**13634097**13480115**13199082**13055770**11015646**13585353**13640607**13137177**13269126**13118444**13456841



أقول لك خبر .. ترى سعره غالي بـ 153 ألف..
وقبل فترة ..انباعت على 145 ألف ريال..والمفروض ينباع على 140 ألف..

لكن التجار ..اتحدوا واتفقوا ..واشتكوا عند الوكيل ..لأنه ضرب اسعار النص فل...
وافتح موقع حراج ..وارجع لمواضيع قبل 4 شهور...بتلاقي اسعار الباترول (بجميع فئاته)يبيعونه على نزول..
ثم قبل شهر ...جاهم بلاهم...وصاروا يرفعونه عشان رمضان والعيد ..
وعشان يلحقون يكسبون منه ..قبل ما ينزل موديل 2017 ..

انا كنت متابع لأسعاره..لأني كنت ناوي أشتريه ..
بس الحين لقيت ان الافضل ان الواحد يشتري بعد العيد ..

والسلام مسك الختـــــــــام.

ممتاز جدآ بنسبة لسعرة لأن بسعرة هوندا بايلوت و برادو نص فل !! , هو صفقه رابحه الصراحة تاخذه اسود وهو من داخل اسود :xyxthumbs: وبنسبة للأصطبات و النور اطلق نوع بالغراب تركبهن 7 الالف اعتقد ما تزود و يطلع مثل اخوانه .