تويوتا كامري 2013 2014 ووش الفرق بينها

شكرا اخوي مستغرب من هالشخص عنده جينسيس ويبي كامري :a1120(121):

وكل مره منزل موضوع وهو مو عارف شيء

عفوا كانت المشكلة في 2012 …2013
وتم التعديل قبل الفيس لفت هدي نتيجة اختبار 2013
http://www.iihs.org/iihs/ratings/vehicle/v/toyota/camry-4-door-sedan/2013

وهذي نتيجة اختبار 2014 وشوف الفرق

http://www.iihs.org/iihs/ratings/vehicle/v/toyota/camry-4-door-sedan/2014

التعديل كان علي فيس لفت

المشكلة كانت من 2012 الى 14 في امريكا وعندنا 15 هي الي عندنا مشلحه مشلحه

لكني ذكرتني بالنقطة ذي لعله يهتدي صاحب الموضوع ويتركها لانه هالموديل الي يبيه بالتحديد كان كارثي في الاختبار

في الواقع نعم حتى المساعدات حقت افالون ابد حتى صلابة البودي نفس الافالون

وتشارك بقطع كثيرة مع افالون البدي الكرتون اقصد ورق مقوى اقرب حادث تطعج ولا يمتص الصدمه ولا شيء والصداماا بعد يغيرها ابو جميل

تراه حنا نشوفها خرافيه كامري امريكا وهم عندهم شيء عادي

الكامري الموجهه للشرق الاوسط من استراليا ابد اردئ شيء ويجيب ابو جميل ويركبها اخاف مركبين نظام تعليق هليكس 2002 هههههه التنقيز من موديلات 2012 الى 2015 الاسترالية والامريكية مافيها 2016 ما ادري يقولون عدلوا نظام التعليق وانا ماجربت 16 الاسترالية لكن الامريكية مافيها الاسترالية ما جربتها ما ادري عن 16 اذا انت من ملاكها او ابو مؤيد يقدر يفيدنا ايش تبي مصدر على بدي كرتون هههههههههه

والله العظيم الزين حق امريكا وحنا ناخذ المشلحه الملعوب فيها

حمد الله التويوتا عندنا يابانية بالبيت فص فص ولا فيها كل نفس الفضايح الي هنا رغم السيارة قديمه ومافيها اصوات ديكورات وهنا تركب وكالة عند ابو جميل تسمع صوت الديكورات تقرقع انا من شفت وهم اشلون ينزلون السيارات من التريلا وانا غاسل يدي ومافيه كلها تلميع وترجع وكالة هههههههه


على فكرة عذرا على اللقافه من وين انت اي مدينه

الي اعرفة كان في الكامري 2012 و 2013 اول دفعات في مشكلة في السلامة
وذلك في اختبار small overlap iihs
وبعدها عدلو العيب
القصة قديمة

يا رجل صاحي انت والله العظيم ما فهمت شيء اقرا كلام طويل وما افهم شيء :bigggrin:

انت اولا في معلوماتك كاتب عندك جينسيس وش لك بالكامري ثانيا كامري اصفار 2014 مافيه

ياشباب وينكم ابي معلومات عن الكامري 2014 و2013 من مجربينها ياشباب سعرها كم فل اوبشن اس اي لمتد لؤلؤي وارد امريكا كيف اجيبه من هناك ووش رايكم بمواقع شراء السيارات الامريكي مثل كارس دوت كم وترادير كار وغيرها ووش الموقع اللي تنصحوني فيه

ايه اخوي خلنا نكمل الموضوع عن الكامري الامريكي ايهما افضل 2013 2014 ابيها اصفار او ماشيه قليل كيف اطلبها زودني بمعلومات عنها وش افضل موقع سيارات امريكي معتمد ومجرب عند الشباب وكم اسعارهم غاليه مره ولا معقوله يامسلوقه واخوي محمد 1368 جتني رسالتك على الخاص لاكن ابيك تعلمني من فضلك يعني عطني اسم موقع امريكي ممتاز للسيارات بحيث اطلب سيارة يابانيه لاكن نسخه للسوق الامريكي وكيف وضع الحراره في الصيف عندنا بالرياض تتحمل ولا لا وابي كامل المواصفات للكامري 2014 2013 ومين افضل بالموديلات 2014 او 2013 كامري لمتد اس اي وشكرا

هذه معلومات جديدة -بافتراض أنها معلومات وليست مجرد رأي شخصي- لأول مرة أطلع عليها.


لكن المعلومات غير كاملة،


هل تقصد بالمناقز، أن تعليق كامري "أستراليا" مختلف عن تعليق كامري أمريكا.


ومن ناحية البدي "الكرتوني" هذا تقدم مذهل لتويوتا، وبحثت ولم أجد شيئا عن "البدي الكرتوني" يمكن له اسم آخر؟:bigggrin:



سأكون شديد الإمتنان لك لو وضعت مصادر هذه المعلومات هنا

بيض الله وجهك يعني الاحين اخذ الكامري الامريكي وارد امريكا وخلي الكامري السعودي والخليجي طيب شلون اطلب من موقع سيارات كامري اس اي لمتد 2014 لؤلؤي يصير ستة سلندر 264 حصان بس وشو الموقع الامريكي الموثوق والمجرب موقع امريكي شلون اطلب سيارة اصفار جديدة موديل 2014 كامري تماتيك فل اوبشن اس اي لمتد اقدر اختار لون السياره الداخلي والخارجي وكم تستغرق حتى تصل الطلبيه وهل تحتاج دفعه اولى والجمارك كم تاخذ عليه مضاعفه اكيد طبعا كم سعرها هناك بالدولار وكم بالريال السعودي مر على موديلها ثلاث سنوات والحين وصلو الكامري 2017 وهل سعرها مقبول هناك يعني ارخص من البازعي وابو جميل وهل اعتماديه اكثر من وارد السعودي يقولون كرتون ضعيف جدا يعني الامريكي متماسك وقوي جدا يعني ويعطيك الف عافيه يا محمد 1363 وشكرا

تبي الصدق صادق بكل حرف كامري امريكا واستراليا فرق السماء عن الارض

انصحك شوفلك كامري امريكي برسلك وسالة على الخاص

الكامري الامريكي افضل في صلابة البودي تحسه ثقيل والسيارة راسيه ومريحه وتكرف وعزلها جدا جميل حتى الديكورات كل شيء شد بلد وتحس بالشغل النظيف والتشطيبات الصح حتى الديكورات متماسكه واهم شي مافيها المناقز الي في كامري استراليا هههههههههههه

كامري روسيا ما اظن تجي
كامري هنا كرتون
كامري امريكا البودي مدعم برصاص تحس شيء رزين

وترى كامري روسيا المكينة مختلفه غير

كامري روسيا
I4 2.0 dual vvt-i direct injection 165hp 195Nm

اما كامري اغلب العالم تجي بمحركين اربع سلندر متوفر عندنا واغلب اسواق العالم و v6 ًحقً الي ما عندهم اوريون كامري v6ً تجي امريكي
بعطيك مواصفات المحركين

I4 2.5 dual vvt-i efi electronic fuel injection 178hp 231Nm

V6 3.5 dual vvt-i efi electronic fuel injection 268hp 336Nm

براسلك خاص وبفيدك ومالك الا موتر شيوخ ههههه

الهيكل كرتون لو تعطيها ركبه ينعفط 😂 وجربتها في سياره واقفه جمب المسجد (اذي)
يبالك تتعب الين تلقى اصفار وحتى لو لقيت يبالك تغير كل القطع الاستهلاكيه بسبب وقفتها الطويله جدا
حتى ممكن تحتاج تنظف البخاخات والثروتل (بوابة الهواء) والهوبات والزيت والفلتر حق المكينه والبواجي والكفرات والخ.
وفيه مشكله واجهت (بعض اصحاب الكوامري) وهي تنقيص المكينه للزيت الله يبعدها عنك
عزل الصوت لاتطلب الكثير ممكن حتى تلقى الجلد حقت الابواب قلت جودتها بكثير بسبب التراب والرطوبه والوقفه
نعم تتحمل المساعدات وهي من شركة كي واي بي (kyb) وهذي الشركة تصنع لاغلب شركات السيارات
الصرفية ماراح تزيد عليك نهائيا
ياعمي خلي الجلد يطير في الظهر ظهر ينشوي والمكيف يصير صحراوي حتى لو انه المكيف بارد بسبب انه الجلد يمسك البراد والحر يعني الظهر يبالك البصل والطماطم وتحط الدجاجه وتخليها نص ساعه الى ساعه في السياره وتطلع مستويه (مقمره) 😂 فاشرد عن الجلد من مجرب صدقني نقمه وكمان تدفع فلوس على شيء ضدك
ولاتنسى تستخير
كلامي اللي فوق للتوضيح فقط (فقط) الله يوفقك

هل فئة الاس اي لمتد مراتبها جلد وفل اوبشن ولا الجلكس افضل منه وضحولي اصحاب الكامري 2013 و 2014 لاهنتوا عزل الصوت وشلون التسارع وقومة الموتر وهل يصلح للكرف بالرياض ولا خطوط طويله خاصتن ان شوارع الرياض كلها حفر ومشاكلها صرفية البنزين شلون ابيها كامري اصفار جديده بس موديلها 2014 2013 له سنتين او ثلاث تقريبا بس للكرف ويقولون انها اعتماديه وهيكلها قوي وشكرا