مشكله في المازدا 6 2014

abdullah alshumrani @user_319798 · 24-03-2017

ي اخوان تكفون السيارة ذي ذبحتني عندي مازدا 6
موديل 2014 يوم السبت جاء غبار او يوم الاحد
المهم السيارة كانت واقفه و بعدين اخوي اخذها
راح و رجع يقول السيارة مو راضيه تطلع الطلعه و لمبة مانع الانزلاق او مانع الانغلاق شغاله و الكهرباء تضعف
و اذا عكس الطاره يمين اشوي السيارة شويه تنطفي كذالك جهة اليسار
يقول وقفت حطيتها بالN نتعت السيارة بالقوه
كتمت ما تبي تمشي الا بالقوه و تضعف الانوار و ترجع
مادري وش السبب ع فكره لمبه مانع الانغلاق او الانزلاق اذا طفيت السيارة و شغلتها تروح بعد 5 دقائق ترجع حليمة لعادتها القديمة

المشكله الثاني رحت الوكالة قبل شهر ة شريت اقمشة جديدة و ركبتها برا و حتى الحين تصفر اذا مسكت فرامل ع خفيف

ي ليت احد يفيدني بالمشكلتين هذي

و اكون له شاكر
معليش ع كثرت الكلام

formula one @user_278648 · 24-04-2017

الله يعافيك اخي الكريم
ارجوا ان تزودنا بمعلومات دقيقة عن طريقة اصلاح الخلل وفي اي قطعة بالضبط , وهل كان الخلل في حساس السرعة ودائرته الكهربائية .
التفاصيل مفيدة لكي يتم تدوين الحالة في ( موسوعة اعطال السيارات ) ولكي يستفيد منها باقي الاخوة الكرام
بارك الله فيك
تحياتي

abdullah alshumrani @user_319798 صاحب الموضوع · 23-04-2017

الله يعطيكم العافيه
السبب الي عندي طلع من اسلاك القير في فيش الظاهر انه مقطوع او حاجه زي كذا ع كلام الورشه حق القيور

abukinan @user_61641 · 23-04-2017

شيك البطاريه والأصبع قبل كل شي

formula one @user_278648 · 18-04-2017

حياك الله اخي الكريم
ادناه رابط لرقم وتفسير الكود , انقله للفني
الرابط : http://www.troublecodes.net/p2codes/p2751/
لا توجد علاقة ما بين الكود والحالة الحاصلة في كهرباء السيارة
اطلب من الكهربائي ان يفحص صلاحية البطارية - اصبع البطارية - كيبل البطارية الموجب والسالب - صلاحية الدينمو - تأريض السيارة
بالتوفيق

abdullah alshumrani @user_319798 صاحب الموضوع · 18-04-2017

اسف ع الاطاله بالرد

اخوي ما فهمتك زين ابي توضيح ع شان افهم المهندس اي حساس خربان بالضبط

ثاني شيء

الكهرباء حق السيارة ترمش ع خفيف و ملحوظه
مادري وش السبب
هل هو من السبب الحساس او غيره

رحت كهرباء شيك ع الكهرباء قال ممتاز مافي اي مشكله ممكن مشكله الدينمو

formula one @user_278648 · 14-04-2017

عذرا على التاخير بسبب ضعف الشبكة
الكود يشير الى وجود انقطاع في اشارة حساس السرعة المثبت اعلى القير
عليك بفحص الدائرة الكهربائية للحساس ومن ثم فحص صلاحية الحساس
الاعراض التي لاحظتها عن عطل الحساس وعن تجربة شخصية هي :
1- استهلاك عالي في الوقود
2- حصول ظاهرة الطرق في المحرك
3- نتعه في المحرك
4- انطفاء المحرك عند التهدية
5- ضعف في قوة وعزم المحرك
بالتوفيق

formula one @user_278648 · 14-04-2017

حياك الله اخي الكريم
انتظر بعض الوقت لكي اوافيك بكل المعلومات التي تخص هذا الكود
تحياتي

abdullah alshumrani @user_319798 صاحب الموضوع · 14-04-2017

السلام عليكم المعذره منك اخوي ع الاطاله انا فحصت السيارة و طلع عندي الكود هذا p2751 ما فهمته من الرجال بالضبط مو عارف يوصل المعلومه زين

formula one @user_278648 · 25-03-2017

حياك الله اخي الكريم
عذرا على التاخير بالرد
بالنسبة للمشكلة الاولى فالافضل هو فحص السيارة بالكمبيوتر ومن ثم ارسال تقرير الفحص وكودات العطل ان وجدت .
اما موضوع الصفير فان الاحتمال الوارد هو ان الاقمشة غير اصلية , افضل انواع الاقمشة هي التي تكون مادة صنعها من الكربون , صحيح انها اسرع في الاستهلاك ولكن جيدة في المسك ولا تؤثر على الفلنجات .
بالتوفيق