السلام عليكم ورحمة الله وبركاته
اخواني انا عندي سلفرادو 2007 غمارة أمريكي
شريته من شخص قال مفتاح عادي بدون ريموت
وسألت كم شخص عن سيارتي اذا جبت لها ريموت هل بالامكان برمجته عليها والا لا .؟؟
اغلبهم قال ما تقدر اذا هي بدون ريموت لازم تغير قفل الكبوت وتجيب ريموت وتسوي اعداداته من شاشة الاعدادات
طبعا سيارتي مافيها ازرار شاشة اعدادات
رحت التشليح وشريت الجهة اليسرى كاملة معها ازرار .. شبكة الفيش واشتغلت معي شاشة الاعدادات ولكن مافيها اعدادات للريموت !! صابني احباط
واستفسرت ايضا عن هالموضوع مالقيت اجابة كافية
فيه ناس قالو لابد يكون فيه اعدادات للريموت من الشاشة وناس قالو سيارتك سياحي مافيها
طبعا زجاج عادي وقفل الأبواب عادي موب كهرب
ركب لها جهاز فتح واغلاق الأبواب ابو 150 ريال لأني تعبت وانا اطامر للمرتبة الثانية عشان افتح الباب
لكن الي حيرني هل بالفعل يركب لها ريموت والا لا ؟
وين الاقي الشخص المختص الي ممكن يطلع لي هالمعلومة ؟
قبل ماتهور واركب لها تشغيل عن بعد واغير الزجاج العادي لكهرب .. يحاول اعدل الى فئة الفل او النص فل .. المهم ودي كل شي كهرب
دلوني (( موقعي الرياض ))