تجربة سوزوكي بالينو 2020 السيارة الأقتصادية والعملية سيارة المدينة

اشكرك اخوي ع الموضوع

لكن بصراحة سعرها غالي

بسعرها اخد سيارة اكبر وافضل منها

حتى لو سيارات توصيل مطاعم صغيرة ماتشيل اغراض

إذا مانزل سعرها اعتبرها ديكور بالوكالة

مرحبا الف فيك اخوي محمد الوكيل توه جديد اخذ الوكالة من الوكيل السابق بامعروف اتمنى النظر في اسعار الوكيل الجديد سوزوكي معروفة بأنها السيارات الأقتصادية شكرا لمداخلتك

شكرا للتجربة والتقرير أخي محمد
عرفتنا على السيارة أكثر.

كنت أتوقع سعرا أفضل فهذا سيساعد كثيرا على اقتنائها

اتفق معك من ناحية السعر وكل الياباني ارتفع سعرة والسيارة عملية وسيارة التجربة كانت نص فل شكرا لمداخلتك

مساء الخير

حياك الله أخوي محمد

يعطيك ألف عافية

سيارة جيدة لابأس فيها مع انه فيه اللي أفضل منها ولكن الشئ اللي ماعجبني هو سعرها المرتفع

.​شكرا لمداخلتك اخوي مكارم

كل الشكر لكم كابتن
تجربة شاملة

مرحبا الف فيك اخوي DRAG FORCE السيارة فئتين فيه فئة اعلى GLX ومااظن اشركة اليابانية تنزل في سعرها اذا الجيب الجمني واصل 105 الاف الأسعار مرتفعة في الياباني والكوري كمان اشكرك على مداخلتك

.

أحس السيارة هذي على مواصفاتها المفروض تكون 45 ألف مع الضريبة وهذا حدها لا أكثر ..

لالا مااتفق معك سيارة مدينة ممتازة عن تجربة 3 ايام كاملة وحتى لو استخدمتها شركات الديلفري فهذي نقطة قوة لصالح السيارة اشكرك على مداخلتك

سيارة تافهة لا تتحمل طرقاتنا المعفنة والخايسة وحقت عمال توصيل المطاعم العمالة يسوقونها ومستناسين

.مرحبا الف فيك اخوي عبدالله البالينو ماهي جديدة على السوق نازلة من التسعينات حتى في فلبيني معنا معه وحد موديل 2000 ولازالت نظيفة محركها 1.6L كانت اول تجي سيدان وستيشن واجن (بوكس) ومليان قطع السوزوكي في جدة والرياض وبالذات جدة وكلاها السابقين عندهم محلات بعي قطع غيار ومنهم الوكيل باريان اللي هو فصل قسم السيارات واكتفى بالدرجات النارية ومحركات القوارب ومحركات الماء والكهرباء والمحركات الصناعية الجديدة تغير تصميمها الى هاتش باك وحتى مدير صيانة سيارتي البي واي دي كان شغال مع بامعروف وعندة سيارة لازال محتفظ فيها سيدان محركها 2.3L اسمها ليانا والعيسى راح يقوي العلامة اذابغى يستمر في المنافسة لان عندة شركات اتو ستار واليسر ووكيل ايسوزو الثالث مع اليمني وباخشب وعندك كمان الهند رقم واحد وباكستان رقم اثنين وبنقلادش السوزوكي عندهم مثل مايقولون مثل الرز يحبون الماركة هذي لأن الشركة متخصصة بالسيارات الصغيرة والأقتصادية ومصانعها هناك عندهم اغلب الموديلات يصنعوها بما فيها الجيب الصغير الجمني يستخدمونة للشرطةولونزل عندنا من الهند كان ممكن سعرة يقل 30% عن استيرادة من اليابان والجيب الثاني الفيتارا ايضا نفس الكلام بد مايجيبونة من هنقاريا في اوروبا يمكن ينزل عن سعرة 15% بدل ماسعرة حولي 75 الف ومحركة ماصار مثل اول 2.4L اربع سرندلات او 3.2L-V6 وحتى فيه موديل كان يجينا من كندا اسمه XL7 كان محركة مشترك مع جنرال موتور وكان V6 واصبح الأن يجي من اليابان وعدة مصانع بحجم اصغر ومحرك سعته 1.5L اربعة سرندلات ارجو ان المعلومات وضحت اشكرك اخوي عبد على المداخلة

كل السيارات غاليه وماتستاهل سعرها خصوصا هذه الفئه ناقصه مواصفات وسلامه
لكن المقصد ان السياره جديده وغير معروفه مفروض سعرها يكون اقل من المنافسين عشان تلقى لها مبيعات

اكسنت وريو ويارس وصني كلها افضل منها في السوق وبنفس سعرها وقطع غيارها في كل صناعيه
بس سوزوكي ماعندك الا الوكيل لو احتجت فلتر زيت او هواء ووكيلها ماله حس توه جديد
.

مرحبا الف فيك اخوي FLATNE السيارات اليابانية كلها في نفس الأسعار هل تبغاها ارخص من الياريس للمعلومية الياريس معدية الخمسين الف والكورولا وصلت للواحد وتسعين الف ريال وبالنسبة للعيسى فهو قديم في الوكالات وبالنسبة لتصميم الداخلية تختلف اذا كان قصدت على الالوان وهذي فئة GL الوسط فيه فئة اعلى هي GLX اشكرك لمداخلتك

من الخارج جميله وتصاميم سوزوكي المعروفه

الداخليه قديمه ومافيها اي لمسه حديثه

السعر غالي لان الوكاله يبغى لها وقت حتى تثبت نفسها قدام الكوريين متسيدين هذه الفئه


شكرا محمد على التجربه

مرحبا الف فيك اخوي لايف ليست كل سيارات سوزوكي تتجمع في الهند فيه سيارات تتجمع في اليابان وفيه سيارات تتجمع في امريكا وفيه سيارات تتجمع في المجر اللي تسمى هنقاريا وفيه في الهند من زمان لها شراكة مع شركة هنديىة اسمها ماروتي ومصنع في كندا ومصانع في الصين ومصانع في امريكا شكرا لمداخلتك اخوي لايف

.​مرحبا الف فيك اخوي سهيل هذي الفئة نص فل قبل الفئة العليا فطبيعي تلاقي المقاعد قماش ماهي جلد المواصفات تختلف بين فئة وفئة فيه اعتقد لون البيج هي على حسب لون السيارة شكرا لمداخلتك

يازين البراد ... الله يهنيكم يا اهل الجنوب
سمعت ان سيارات سوزوكي تتجمع في الهند صحيح هالكلام والا فين بلد الصناعة