ليش فشلت الأكورد 6 سلندر؟؟

اقول شباب الكلام الي زبدته فيه جربوا الاكورد4 سلندر وجربوها 6 سلندر والله ماتطالع في ال4سلندر رساوه وعزم قوي ومواصفات ومشكله الناس فرق السعر يعني الفرق بين السياحي والفل كامل تقريبا 35000 يعني بالمختصر قيمة سياره وللحديث بقيه

صدقوني الكلام اللي ذكرته هو السبب

اعتقد ان السعر المبالغ فيه هو سبب تدني مبيعات فئة ال6 سلندر

يعني ب 100 الف ممكن تاخذ سياره اوروبي

والله أعلم :)

بحفظ الله

مافشل بس غالي ويصرف بنزين ... والي يقول لان الشكل مايختلف تكفى لايسمعونك الشركه ويغرون شكلها من الداخل ويرتفع ضغطنا لان كذا اذا نبي سياره افخم شوي من الداخل نشري 6 سلندر ب 94000 مدري اكثر بعد...
على فكره احلى مافيه الماكس ان محركها واااااااحد ......

أعتقد أن من ضمن أسباب عدم انتشارها
عدم وجودها بقير عادي
وهذه وجهة نظري الشخصية
مع تحياتي

اول شي تسويق الوكيل سيء جدا خصوصا لهالفئة..يعني فيه ناس مايدرون اصلا ان فيه ستة سلندر...من نزلت الاكورد ماشفت الا اعلان او اثنين بالجرايد وواحد بالتلفزيون وهالكلام اول مانزلت يعني ترى الاكورد تغيرت وبس..!!،يحط لك صورتها ويقول راجع اقرب فرع..

صرفية الاكورد داخل المدينة متقاربة..وبالعكس انا تمشيني 510 بالراااحة ومعي 6 سلندر وبعض الشباب هنا يقول ماتمشيني 450 كيلو ومعه 4 سلندر..!!

طبعا الفروقات من داخل تكاد لا تذكر..وهذا من اهم الاسباب..بس غير كذا الوكيل..اول مانزلت الستة كانت بـ83 الف..يعني افرض سعرها الآن كذا تتوقع محد بيشتريها..؟!،اذا الاربعة سلندر الحين 81 والناس تشتريه بالهبل..وشلون لو الفرق الفين و6 سلندر..؟!

المسالة مسالة وكيل وتسويق وجشع ولعب بالاسعار..يعني زادوها 10 الاف عشان الين ارتفع..!!!،ماادري لاقينا ذا الوكالة ولا وش سالفتهم:confused:

السيارة مايعيبها اي شي..وبالعكس نجاح الفئة الاقل يعني نجاح الفئة الاكبر من الناحية العملية..لكن المشكلة زي ماقلت لك تسويقية بحتة..

فالمكينة لحالها ممكن تكون سبب كبير..لان الفرق بالاحصنة يوصل 100 حصان تقريبا في الحالة الاجمالية للاحصنة...،علما ان الفئتين نفس الابعاد بس يفرق الارتفاع عن الارض والوزن...

اذا الوكيل قدر الله عليه وصار يفكر..-مع اني اتوقع لو يصدم المريخ في راس هالهاشم وعياله مافكروا:rolleyes:-..راح تكسر السوق هالسيارة وصدقني كلامي من تجربة والله..وفيه فرق مهوب هين بالرساوة بين الاربعة سلندر والستة سلندر..فرق الوزن السبب وكذلك نظام الجر في الستة..




تحياتي...

بالنسبة لصرفية البنزين..
فالمقصود منها الصرفية داخل المدينة
وليس على خطوط لان اغلب السيارات على الخطوط تكون صرفيتها متقاربة

في البداية اشكر كافة الاخوان على مشاركاتهم واعتذر عن التأخر في الرد لأني ما توقعت ان المنتدى الياباني نشيط بهالشكل.........
ولكن للأسف ان بعض الاخوان فهموا الموضوع بالغلط..
فهموا من كلمة "فاشلة" انها غير عملية وخراباتها كثيرة ووووووو...
بينما اقصد فشلها من ناحية المبيعات..
يعني ما قدرت تنافس اللومينا والماكسيما...
لأن الهوندا معروف ما يحتاج جودة ورساوة وفخامة ورزة اكثر من اللومينا...
ولا يهونون الاخوان اللي معهم اكورد V6 ...

الشباب ما شاء الله كفوا ووفوا ..
وأحب أضيف أن الستة سلندر ما تختلف كثير ( خارجيا وداخليا ) عن الأربعة سلندر ..
وأزيدكم من الشعر بيت ،
أحد الجيران أشترى أكورد (6) سلندر وراح باع جنوطها للبنشري وركب للسيارة جنوط الأربعة سلندر |1|
بمعنى أن الأربعة سلندر أجمل من الستة في الشكل الخارجي ..
والناس أذواق .؟

ارى ان السبب انها نازلة فل اوبشن فقط وبسعر غالى فوق ال90 الف اي انها لو نزلت سياحي 6 سلندر لكان سعرها اقل يعني في السبعينات
خذ مثل الكامري منها عدة فئات 6 سلندر وباسعار تبدا من 73 الف مثل كامري التورنغ

أقـــــــــــــول الي ما يعرف الصقر يشوية

الاكــــــــــــورد V6 يعرفها زين اصحـــــاب الاكوردات بشكل عام

1- ان الاربعه سلندر غطة في نجاحها الفائق على السته
2- ان الوكيل لم يوفق في تسويقها بالشكل المطلوب
3- ان الصرفيه في البنزين اكثرمن الاربعه(وهذا هو السبب الرئيسي لان الشعب السعودي خاصه اهم شي عنده البنزين)
واتمنى ان المشارك افادتك

صرفية الاكورد الـV6 اقل او متساوية مع ال4 سلندر ؟؟؟؟؟؟؟؟؟

ما اعتقد ابداً

بديهيا ان ال6 تصرف اكثر من ال4

و الا القوة هذي من فين رايح تجيبها ؟


تقدر تقول انها اكثر من ال4 بقليل

عموماً الناس قل اهتمامها بصرفية البنزين
و الدليل انهم يشترون الـSS

اول شئ السعر 100 الف يعني الواحد مايحب يحطها في سيارة هوندا متوسطة والغريب اني افضل الأكورد 6 سلندر على اليجند الي انا اشوفها افشل سيارة هوندا من يوم استوت

الأكورد 6 سلندر ممكن تنجح بس ينزلون عليها مواصفات اقل وجير عادي وتمشي

بس حاليا الأغلبية تبحث عن سعر مناسب وصرفية اقل ومشاكل اقل لذلك 4 سلندر طاير


وفي النهاية المستهلك يغني في خرابة والوكيل يدور على سيارات تمشي اما السيارات الي ماتمشي يحط عليها سعر عالي ومايجيب منها الا كميات محدودة فتتقيد بالألوان والمواصفات

فرق في قوه الماكينه هذا شي كبير يعندي اداء الماكينه يكون افضل

اححححححححححححححححححم ترى انا هنا من يقول إنها فاشلة
بسم الله الرحمن الرحيم

إخواني اللي بيقول إنها تصرف بنزين بقوله اتحداك وإنها تصرف تقريباً نفس الــ 4
وانا مجرب ومقارن صرفية البنزين
والله اللي تصرف الــ 4
انا معي V6 وولد جيراننا معه أربعة سلندر
كلنا 2004
عبينا سوى وصفرنا العداد سوى واتفقنا مانسرع اكثر من 80 كم/س
انا مشيت 500 وباقي 3 شرطات والخط الأحمر
هو مشى 490 وولعت اللمبه
يالله قوليلي وش الفرق بالصرفية يعني اللي يقول انها تصرف انا أقوله إنها ماتصرف

هذا من واقع تجربه
والفرق مو كثير بين الفئتين

يعني لو تدفع زياده شوي راح تاخذ سيارة أقوى ونفس صرفية البنزين

آسف على الإطاله

تحياتي

من وجهة نظري أن سعر السيارة المرتفع هو سبب عدم نجاح السيارة ، 90 ألف !! كثير جداً ، زود فوقها 10 وجيب لومينا ss ...

والسبب الثاني مثل ما قال الاخوان هو أن شكل الأكورد 6 سلندر مشابه لشكل الأكورد 4 سلندر إلا في أشياء بسيطة لا تلتفت الأنظار ..

الاكورد 6 سلندر لم يفشل ولكن مبيعاته قليلة جدا بالمقارنة مع الاربعة لان الوكيل ما ميزبين الفاتين
ولكن لو تروح تشوف المازدا حاط الفرق بين السما والارض بين 2.0ومحرك 2.3 اولا الفتحة وثنيا القير 2.3 تبترونك اما 2.0 عايدي وبعدين جنوط 17 والثانية 16 وايضا زعانف من الوكالة من اليابان ولكن السياحية فلا(يركبونها) وبعدين الشكمانين