ماهو أفضل لون على الكامري ؟؟ وماهي طريقة التمرين الصحيحة ؟؟

الف شكر اخواني على النصائح وخصوصا اخي التويم :)

بس حبيت اسأل وش فايدة زر الاوفر درايف ؟؟

اخوكم متعود على كابرس :rolleyes:

باذن الله يوم السبت بروح اطلع السياره |4|

تحياتي

فيه زياده بسيطه

وهي لاتقفل الاوفر درايف في الالف الاولي يعني لاتضغط على الزر اللي بجانب

الجير الا بعد مرور الالف كيلو ولاتمرنها في طريق طلعات ونزلات :)

المعذرة على الازعاج

تحايايا

مساك ورد بالنسبة للألوان فاختلاف الاذواق يحكم وخذ بالمثل البس مايعجب الناس

وكل مايعجبك !!!

اخضر فااتح تفاحي:)

التمرين للجير الاوتوماتيكي

اولا لاتمشي اكثر من ربع ساعة على سرعة واحدة مثل 50 او 80
ثانيا لاتكبس فرامل في اول 300 كيلو
ثالثا لاتخلي الضغط يزيد عن 3000 دورة في الدقيقة
رابعا بعد 500 كيلو مشي القير على جميع النمر مثلا حطها ب L وامشي شويه بعدين وانت ماشي وضاعط على البنزين حركها ل 2 بعدين امشي شويه وبعدين حطها على D
خامسا اذا وقفت السيارة تمام لاتوقفها دائما بال P يعني مرة وقفها باالP ومرة خلها
على المحايد N .
المكيف شغله بعد 200 كيلو الاولى ومافيش اي مشاكل بس لاتشغله على العالي

بعد ال1000 كيلو الاولى ودها للصيانة وقلهم على اي ملاحظات شفتها مثل فرامل اليد تربط
اكثر من اللازم او فيه تنسيم هواء في الباب الامامي او اي مشكلة او صوة


اتمنى اني اكون افدتك

تحياتي

التويم

انا اشوف ان افضل الوان الكامري على الترتيب

1- البحري

2- العودي ( العنابي غامق )

3- الأحمر

4- الأبيض

وبالنسبة لطريقة التمرين

لا تسرع على السيارة فوق 100 قبل اتمام 1000 كيلو

مع التدرج في استخدام السيارة لساعات اطول

مع تمنايتي لك بالتوفيق

ومبرووك مقدما

أخوي الغالــي,,,,


اللون أنا أنصحك يالكشميري أو الفضـــي


أما عن طريقة التمريــن زي ما تفضلو الإخوان,,,,

كشميري وبس

حبيبي USB

انا افضل العودي والله مجرم وبطل

اما التمرين اهم شي لا تفحط فيها وخلااااااااااااااااااص تصير ممرنه تمرين صحيح

اخوك CAM 717

كاتب الرسالة الأصلية bashar_255
السيارة تنفحص قبل ما تستلمها مزبوط بس انك لا تسرع بها فأنا أقول لك ليش

السيايير الأربع سلندر تتمرن لـ1000 كيلو و الستة لـ1200 و الثمان و الإثني عشر لـ1500 كيلو

المفروض انك ما تدعس اكثر من ثلثي الدعسة و انك ما تزيد عن ثلثي الطبلون و المكيف مسموح ..

كل ذا عشان يتأكدو لك مو وضع عمود الكرن و الكامات و الكويلات هل هي ضابطة لها المسافة و لا لا؟

هذا الموضوع

تحياتي ،،،

ــــــــــــــــــــــــــــــــــــــــــــــــــــــــــ

هذا الكلام منقول من موضوع.......
تمرين السيارت الجديد وعدم السرعه بيها هل هو صحيحي ام مجرد اشاعت

وطبعا اللي يقولك لا تشغل مكيف انا اعتبرها طريقه خاطأة والمقصد منها ان السياره بيها تكون خفيفة علشان الواحد ما يدوس عليها لأنه اذا شغل المكيف أكيد السياره راح تثقل .......... وبالتالي الشخص اللي يسوق يدوس على السياره علشان كذا قال لا تشغل المكيف

والا عادي شغل ما في اي مشكله

ـــــــــــــــــــــــــــــــــــــــــــــ

بالنسبه للون أخوي أنا أقول أخذ " البحري " مع العلم أنه مو عاجبك

والا العنابي روعه

تحياتي لك :)

شكرا لكم اخواني على الرد :)

اللون الكشميري حلو صراحة بس المشكلة انه فيه اثنين في الحي عندهم كشميري :(

والتفاحي لك عليه :rolleyes:

والعشبي ماعجبني الا على الماكسيما القديمة - الشكل اللي قبل الأخير -

الفضي هو الاقرب الى الان :)

اااااااخ بس لو فيه أسود كان بيكون تحفة :eek: ... معقولة سياره مافي لها لون أسود :confused:


مع التحية

اخي الحبيب

الالوان

الكشميري الذهبي ( غير شكل اذا السيارة فتحة و جناح )

الفضـــي


العشبي


و مبروووووووووووووك مقدماً
يعطيك خيرها ويكفيك شرها

انا اشوف اللون التفاحي يجي منو

وبي النسبه لتمرين السياره اتفضل حبيبي الرابط دا فيلو جواب كل استفساراتك

http://www.assayyaratnet.com/forums/showthread.php?s=&threadid=47555&perpage=12&pagenumber=1

تحياتي : محب الفايبر

أخوي الغالــي,,,,


اللون أنا أنصحك يالكشميري أو الفضـــي


أما عن طريقة التمريــن زي ما تفضلو الإخوان,,,,

السلام عليكم ورحمة الله وبركاته

اول شي بالتوفيق ان شاء الله

ثانيا الالوان

اذا تبغا لون حلو على الكامري ومايتعب
وتنساه شهر ماغسلتها ماتدري

الكشميري(الذهبي)

وعندك الفضي حلو وهادي


لكن اذا تبغا لون شبابي نوعا ما
شف الكحلي


او العنابي
بصراحة حلو مع وجود معارضين كثيرين لهااللون






وبالنسبة لتمرين السيارة

اول ماتشتريها لاتشغل المكيف
لاتتعدى 80 او 90
حتى توصل 1000 كيلو
افحصها
ثم بالتدريج امشي عليها
يعني حاول من 2000 وطالع تعودها على دعسه شوي
عشان السيارة تعيش معك

طبعا مب معناته تهور
لاكن لاتخليها تغير على سرعات منخفضه
يعني خلها تعشق من 3.5 وفوق



اسف على الاطالة والفلسفة

وبالتوفيق اخوي

احلى الوان الكامري الفضي و العودي و الكحلي ايضا

و طريقة التمرين بالضبط زي ما قال لك اخونا مشكل

الفضي احسن
وبعدين الكامري الجديده فتحه بدون جناح احسن
انا معي فضيه فتحه قير أتوماتيك .
والأبيض برضو حلو .
اما التمرين ابد اول ما اطلعه لا تشغل المكيف ولا تمشي عليها اكثر من 80 حتى تمسي 1000 كليو بعدين غير الزيت والسيفون وشغل المكيف وانت مرتاح .