أشتري ماكسيما ولا كامري :: ومعاناتي مع الاوبل اوميغا :: ابي رايكم تكفون

اخوي انا انصحك بالكامري Gli 2 ترى حلوه من جد فيها سي دي وزينون وممدري وش بعد...

او خذللك التيما 2005..

السلام عليكم

اخوي اوميغا

انت قلت ان كيل اوميغا وقطع غيارها مو عاجبك بالمره

فانا اتوقع ان الشي اللي تبيه في السياره ان تكون قطع غيارها موجوده ومناسبه لك ووكيل جيد وصيانه جيده

عشان كذا اقولك كامري وبس

اما اذا عندك استعداد للقطع الغاليه من جد خذ امورد ترى بطله

حدد السعر وانا انصحك بكل ما اقدر عليه

اخوك Cam 717

السلام عليكم
انا اقولك رح اركب السيارتين وجربهم وشف الى يعجبك
...............
والى يقول الماكس تخرب كثير هاذا ماعندة سالفة لان بس يسمع ماهو مجرب انا عندي ماكس لها الان سنة ومافيها شي لاالة الا اللة
بس جاها صدمة وولد عمي معاه اكورد صدم نفس صدمتي(يعني مع نفس المكان)انا صلحتاه بـ7000
وهو 1000

والله يالغالي إذا انك تبغى تاخذ لك فل خذ الماكسيما وانت مغمض ترا القراندي حرام تدفع فيه ريال واحد!! قيمته توصل 90 وهو مافيه اي شيء والله ! لا Abs ولا اي وسيلة حماية !! والله ماله داعي ..

وبعدين ترا الماكسيما شكلها احلى من الكامري وشبابية اكثر وتتضبط اكثر بعد وعليها تعديلات رااايقة ..

بالنسبة للقطع اعتقد انها رخيصة لأني اشوف الألتيما اللي نزلت بعدها اسعار قطعها معقولة!! ووكيلهم ماعليه كلام ابد (الحمراني)

لكن حط ببالك ترا يسمونها بالتابوت المتحرك! لكني اشوفها تتفوق عالكامري في كثير من الأشياء ..

على كل حال إذا انك بتشوف غير هالسيارتين عندك الأكورد والألتيما .. :)

تحياتي ..

والله الماكس افضل لكن مشكلته انه وقف خلاص مايجي للسعوديه

لو تاخذ الاتيما افضل .,

بالتوفيق

هلا اخوي omega

انا للأسف ما عندي خلفية عن الكامري ..

اما بالنسبة للماكس انصحك نصيحة اخو لا تقرب عندها ابداً ..

واحد يقرب لي عندة ماكس ويقول انها عذبته بالخرابات وكل يوم عند الصيانة

وبالنسبة لقطع الغيار اظن ما فية اغلى من نيسان لان اسعار قطع غياره خيالية

اخوك راعي الصني