أبحث عن سيارة ما بين 30000 إلى 40000 ، لا تحرموننا من آرائكم

انا برايي تاخذ لك كوري جديد ازين لك .. واحد من الشباب مطلع النترا بــ 30.000 وماشاء الله ممتازه .. وبظني ..
هالايام الكوري تحس انك راكب ياباني من مميزاته وراحته وجودته .. وماتحس انك راكب خلاط مثل بعض السيارات ..
واكيد بتلقى لك سوناتا مستعمل موديل 2002 او حوله فيه كم ميزه يعني تخشيبه او قير اوتو ومن اللي فيه ..
حول الــ 35000 او ارخص بعد .. هذا من جهتي للكوري .. وفيه عندك سيارات يابانيه ..
مثل الصني .. بــ 37.000 اتوقع ..او كوكو بــ 42000 ..
تحياتي لك ..
والشباب ماقصروا

ابوك تدري وش يصلح له

انا اعتقد الكراون فيكتوريا راح يناسبه

هو يجيك مستعمل استعمال امريكي لكن

تشوفه تقول جديد وبسعر اللي ذكرته

انا ودي بسياره بحدود السعر الي انت طالبه

هلا بالغالي ،
ينصحون بالكامري 2002 .. |1|

وإذا ملزم على الجديد فالسيفيك بنت حلال ،
وأظن سعرها فوق الأربعين ببلاطة .. :D

جزاكم الله خير

وما قصرتوا ، خصوصا الأخ الاسم للبيع

طيب ، ما فيه آراء ثانية ؟

السيارات الأوربية ما لها نصيب ؟؟

ما انصح بالمستعمل



الإلنترا حلوة بس ظيقه شوي


والكورولا حلوة مره مره مره


بس اظن ظيقه



ما في الكامري لو يدور بالمعارض يمكن يلقى وحده جديدة بس يبغاله يزود فلوسه شوي وياخذها تصير واحد شاريها تقسيط وهو محتاج


فيبيعها بأقل من قيمتها





تحياتي

والله ياخوي بعدة فرة المعارض هالاسبوع واسابيع فاتت.. بعطيك اسعار السيارات المستعملات اللي شفتها... وطبعاً كلها استعمال نظيف والبدي ماجاه طقة شاكوش...

السوناتا 2003 قير اوتو وتخشيبه وبيج من داخل بـ 35 الف... والفل كامل 2003 بـ 40 الف..
الالنترا موديل 2003 قير اوتو قزاز اوتو بـ 24 الف... وفيه بـ 25 الف...
الكورلا 2002 XLi مطور تلقاها من 30 الف الى 34 الف واذا اكثر عاد على المواصفات... وال2003 تلقاها من 35 وفوق...
الكامري ما تلقى بـ 40 الف الا من موديلات 98 / 99 / 2000 .. اخر مره لقيت وحده جي ال اي نظييفه بـ 40 الف... وتلقى قراندي 98 على 39 أو 37 الف.. موديل 2001 اقل شي بتلقى بـ 43 الف .. واذا لقيت بـ 40 الف... فهي نص ونص.. يعني جايها سمكره
الاكورد تلقى موديل 2001 سعرها من 40 وتحت ..

وان شا الله اكون افدتك باللي تبغاه...

اخوي أكورد وبس
فيه مستعمل نظيف,وفيه غير النظيف
وأنا من رأيي أنه ياخذ اكورد 2002 مستعمله مثل ما اقترحت أنت وتكون نظيفة,على الأقل افضل من الهونداي.
ومبروك مقدما.

ولا عط ابوك سيارتك واشترلك غيرها أنت :)

أنا أنصحك بالكورلا..أو النتراء...

أما عن المستعمل فأبعد عنه أفضل لك..

حتى لو كانت من أخوك ما تضمن شيء خذ جديد

فك وكاله ولا لا تاخذ...

مشكورين على الآراء الحلوة

على فكرة يا شباب ، السيارة لازم قير أوتو

والهوندا أكورد الجديدة غالية ، والوالد قلت لك حده ، لأن عنده سوبربان 2001 ويكفيه للمشاوير الطويلة

طيب ، وش رايكم بالألنترا أو السوناتا ، أو أكورد 2002 مستعملة ، لاحظوا إني حريص على الوسع

مرحبا
انا اشوف لو ياخد هوندا اكوورد الجديد لنه حلو وواسعه شوي وعملية وخراباتها قليله اهو صحيح الوكيل كل مايجي له يخترب اكثر بس انت عليك من السيارة
تحياتي

انا اشوف ومن رايي اذا كانت السياره للوالد الله يطول بعمره
فانصحه
الكورلا بحدود 42 الى 44 الف طبعا اتكلم عن الاستاندر
الصني بحدوود 37 وطالع على مااظن
اما المستعمل ففيه كثير
فيه الفكتوريا موديل 99 و 2000
وفيه الكامري من 99 الى 2001
والاكورد من 99 الى 2002 وهذا اللي انصحه فيه لانها سياره اقتصاديه وتستاهل
وسلامتك
تحياتي ومبرووووك مقدما

اخوي شوف انا بقولك جديد عندك الهونداي عد واغلط انا من ناحيتي النترا


اما مستعمل عندك كامري



انا اتكلم عن عملي واكيد الاخوان افهم مني فبيفدونك