أول طلب لي في هالمنتدى..

اخوي اخنا عندنا bmw 520 والله سيارة بمعنى الكلمة واي واحد يقولك خرابات انا اتحداه والمكينة متطورة بشكل غير طبيعي مع انها 2,2 (وانا لا اقصد القومة مع انها قوية مقارنة بغيرها) خاصة ان المكينة ما تحتر نهائيا يعني انسى اي شي اسمه حرارة اصلا البي ام خراباته قليلة وعندنا 740 موديل 93 ماشاالله ما عليه زود مافيه حرارة بعكس المرسيدس القديم فانا ما ادري عن الجديد ام عن اسعار قطع الغيار فهي رخيصة بالكويت ومالة داعي تشتريها من الوكالة وبخصوص المرسيدس يتوفر لها محرك 4سلندر كمبريسر e200 ولكن ما انصحك فيها لانها ثقيلة اذا تبي اخذ 6سلندر في النهاية كل السيارتين حلوين وما عليهم كلام بس سعر المرسيدس e240 كلاسك كان اغلى وخصوصا الوكالة ما كانت موفرة 2005 كلهم 2004 لذالك شرينا البي ام (شريناها بسعر خاص) وفي النهاية انت الحكم والقرار قرارك فاذا شريت اي وحدة منهم فانت الرابح

ياشباب لاحد يفتي وبس
الاخ الي يقول قيمتها 160الى180مايشوف شر اولا ذا سعر ال 240ماهو 320 ولاينتهي عند 210الف وليس 180
وبعدين مايجي 4سلندر وين جالسين نحنا 4سلندر؟؟كلهم 6بس الفرق ان الاولة 177حصان والثانية 270حصان تقريبا وذا فرق كبير
وسعر 320مدري عنه بس غالي السعر الي حطيته الى 240
وبوجهة نظري الاودي مايصف تحت هالسيارتين ابدا صحيح فخم بس يعتبر من المبتدئين مو مثل مرسيدس
على العموم انا عندي مرسيدس E280 واشوف السيارة خاليه من الخرابات وقوتها رهيبه جدا وفخامة وراحة مالا نهاية
وانا ابي ابيعها بس ابي اطلع لها عيب وعذر لسبب اني ابيعها مالقيت
والبي ام سيارة مايحتاج اتكلم عنها بس فيها مشاكل
على العموم في موضوع طرح هنا على نفس الحكاية دورة في الصفحات السابقه يبين من عنوانه هو بمقارنه البنز مع البي ام وسيارات اخرى الردود فيه فوق المئة الظاهر
يمكن تستفيد منه
تحياتي

يعني ان السياره مافيها حامل اكواب امامي

تخلي الرجال مايشتريها ؟؟

سبب غير مقنع

أول شي حياك في بيتك الثاني , هذا المنتدى الشامخ اللي يأوي الكثير من الأعضاء الخبراء في عالم السيارات.

ثاني شي لكل سيارة عيوب و مميزات :

أنا بعطيك مميزات M.B E_CLASS :

1- تصميم خارجي مذهل يجمع بين الفخامة و الأنسيابية والسبور.
2- محرك قوي مع أداء ناعم و راحة قصوى ( هذا مع الطراز E320 V6 ) المحرك 4 سلندر ما عندي خلفية عنه.
3- أبتكار تقنية جديدة لنظام التعليق و المقاعد و المكابح.

سلبياتها :
1- تجهيزات كثيرة في القائمة أختيارية.

سعرها : مع الطراز 6 سلندر : يبدأ من 160,000 ألف ريال الى 180,000 ألف ريال .
(( لأن المقارنة مع بي أم دبليو 6 سلندر ما جابوا خبر ال 4 سلندر , فأرجو السموحة و المعذرة ))



ألحين مع مميزات BMW _ 5 _ SERIES
1- محرك ديناميكي يجمع بين القوة و السلاسة و الرشاقة و الأقتصادية.
2- التقنية البالغة التطور للهيكل و عجلة القيادة و الأمان.
3- متعة القيادة و راحة الركوب.

سلبياتها :
1- التصميم الخارجي للمؤخرة غير جذاب.
2- لاتوجد حاملات أكواب في الأمام.

سعرها : يبدأ من 165,000 ألف ريال الى 223,000 ألف ريال


أنا من وجهة نظري الشخصية لا بي أم و لا مرسيدس , أنا أنصّحك ب AUDI A6

شكلها جديد كليا , محركاتها متعددة و نظامين للدفع و ناقلات حركة متطورة, و تجهيزات متعددة للفخامة و الراحة و

الأمان.
بس عيبها أنا أستعمال شاشة المعلومات و البيانات غير سهل .

و سعرها معقول جدا و يبدأ من 142,000 ألف ريال الى 182,000 ألف ريال .



و يقولون : (( اذا تبغى تحيّر خيّر ))

الأختياارت قدامك ومالك عذر , أنت شاور و خاير , و ما خاب من أستشار.

و الله يوفقك لما فيه الخير و الصلاح

و مبروك مقدما

سلالالالالالالالالالالالالالالام