لمن يملك سياره من شركة هونداي ((الرجاء الدخول هنا))

موضوع جيد وحبيت أشارك فيه ..

1- هيونداي فان ( تراجيت ) 2003 .. مشاء الله عليها مريحة وجيده للعائلة وللسواويق.. لكن الي عندنا قير عادي .
2- هيونداي سوناتا 2004 ..قير توماتيك صار لي عليها حادثين لكن الحمد لله طلعت سالم .. اما بالنسبة لقطع غيارها ممتازة مشاء الله متوفرة وسعرها مناسب .. حتى اذكر الباب الخلفي اليمين شريته من الوكالة مع الزيك حقه بـ700 ريال تقريبا ان ماكان اقل .
3- هيونداي النترا 2004 .. ماشاء الله عليها ممتازة واقتصادية طبعا قير توماتيك والماكينة 1600 سي سي .

بالنسبة للوكيل : الوعـــلان .
ممتاز بالخدمات واسعاره معقولة ومثل ماتفضل اخوي حارش خصوماته جيدة .. لكن اعيب عليهم اسعار تكاليف اليد ..لأنها غالية نوعا ما .. فمثلا صيانة الثلاثين الف تكلف عندهم للسيارة السيدان تقريبا 1500 ريال .. لكن في مركز الخدمة السريعة التابع لهم والموجود في محطة الهرم الي بعد الوكالة في طريق خريص .. راح تكلفك اقل بواجد ..

اما بالنسبة للتعامل مع العملاء جيد .. لأني مرة على أيام المطر كان داخل الانوار الامامية للألنترا ماء وأحيان اذا غسلت السيارة بمغسلة يدخل ماء ايضا .. عيب مصنعي .. ( أحسن من تنسيم الهواء حق الكامري ) .. المهم أنا رحت لهم وواعدوني من بكرة وصلحوا لي الثنتين والا الآن ولله الحمد مايدخلها موية ..

أتمنى اني افدتكم بتجربتي الشخصية لسيارات هيونداي ..




تحـــــــياتي للجميع ..