تعشيق الدبل وصوت قرررررررررر

فيصل @user_218 · 07-08-2002

كلما جيت اعشق الدبل وخاصة الثقيل يطلع صوت الاحتكاك قررررررررر ولا يمسك فيه ، فما هي الطريقة ، معليش توني عليمي؟

فيصل @user_218 صاحب الموضوع · 20-08-2002

بس الحكاية بسيطة ، حضرتي اني كنت لا اقوم بالنقل من الخفيف الى الثقيل مباشرة وبشكل سريع نسبيا ، وبعد هذا انتهى الصوت، وشكرا للاخوة ، وذكرت هذه الفائدة للاخوة في هذا المنتدى الجميل بجمال روادة ومشرفينه ومن يهتمون بالرد من الاخوة الكبار.

الفني @user_742 · 14-08-2002

هلا فيصل :
إذا كنت ناوي تضعه في 2H أو 4H فيمكنك فعل ذلك وأنت تمشي بسرعة يفضل ألا تزيد عن 60كم /ساعة .
أما إن أردت وضعه في 4L فلابد من الوقوف التام بالسيارة ورجوع ال RPM الى الحد الطبيعي ثم وضع الجربكس في وضع N ومن ثم تحريك العصاة الى 4L ..
إن كنت تفعل ذلك وما زال عندك صوت كما تقول ...فإحتمال هناك خلل في أحد التروس داخل الدبل ..

هذا والله أعلم .

راعي بر @user_1043 · 11-08-2002

اذا كنت ماشي بدون دبل وتبي تحطه بالدبل الخفيف 4H بس ارفع
رجلك عن الدعسة وعشقه (السرعة لازم تكوى 40 ونازل)
اما الدبل الثقيل 4L لازم توقف الموتر تماما وتعشق ولا تدوس بنزين
وانت تعشق ودوران المكينة لازم يكون اقل مايمكن (تقريبا 1 في الباترول)
وكذا لا يمكن يطلع صوت

Iبو_فيصلI @user_1163 · 11-08-2002

اقول فيصل خله يقور قررر لين مايقول بس اهم شي ان الدبل يشتغل وخلاص :D :D :D

لاندكروزر vxr @user_910 · 11-08-2002

اسمع كلامي اذا كان القير اوتماتيك فض القير وعشق حتى لو طلع

لك صوت قررررر

اما ان كان عادي وانت ماشي يعشق بدون كلش او اي شء

واحنا مجربينها في السفاري 96

جرب وشف

وان كان عندك سؤال ثاني احنا حاضرين

مع السلامة:باي: :باي: :باي: :باي: :باي: :باي: :باي: :باي: :باي:

فيصل @user_218 صاحب الموضوع · 11-08-2002

اولا / شكرا لك..

بالنسبة للكتيب ، لايوجد السيارة مستعملة.

مسامح @user_1002 · 11-08-2002

سلامتك خبرنا ليس قديم . انت كلامك صحيح بخصوص النمر الي ذكرتها انت وهي نمر الجيب الي قيره اوتوماتيك اما القير العادي فهو زي ما انا تكلمت من قبل H2 و H4 و N و L4 . لعلمك القير العادي يختلف عن الاوتوماتيك في نمر الدبل وحتى موديلات 2002 باقيه على ما هيه عليه وشكرا .
اخ فيصل انا الي اعرفه في جيب السفاري القير العادي ان الدبل اذا حطيته على N تضغطه تحت وعلى ضغطتك ترجعه الى ورا وكذا يصير على الدبل الثقيل الي هو L4 .
اخوي فيصل انا انصحك انك تقراء كتيب السياره وتقراء تفاصيل تعشيق الدبل بتمعن او تروح لاقرب وكاله .

فيصل @user_218 صاحب الموضوع · 09-08-2002

سؤالي باقي؟؟؟

فيصل @user_218 صاحب الموضوع · 07-08-2002

السيارة سوبر سفاري ، قير توماتيك موديل 98،،، حاولت تطبيق تعشيق القير فيمس في الخفيف لاول مرة اما بعد ذلك فيخرج هذا الصوت قرررررر ولايمسك ، حتى اقوم باطفاء السيارة ثم التعشيق بالنمرة المطلوبة.

فكما قلت اذا وضعت السيارة في الفاضي N وحاولت تعشيق الدبل فان الصوت ـ قرررررررررر ـ يخرج . وانا عليمي؟؟؟؟

لاندكروزر vxr @user_910 · 07-08-2002

بس انتو خبركم قديم ال فور

الحين اللاند اتش وال وان في الوسط

والسفاري 2002 صار مثل اللاند في التعشيق والأصوات اللي تسمعونها بالسفاري في الموديلات القديمة

مع السلامة:باي: :باي: :باي: :باي: :باي: :باي: :باي:

Iبو_فيصلI @user_1163 · 07-08-2002

انا عندي نيسان بترول وتصير هالمشكله بعض الاحيان
لازم تكون موقف السياره وتعشق شوي شوي مهوب بقوه تصير متحمس وتبي تطعس :D وتخليه القير بالفاضي وماتكون داعس بنزين وبس
انشالله اكون افدتك ولو بشي بسيط :باي:

مسامح @user_1002 · 07-08-2002

انا اقولك سبق وحصلت لي نفس مشكلتك وكانت عندم عشقت دبل السياره اول مره في حياتي وبعدها عرفت للوضع تمام. هناك خطوات من الافضل لك ان تتبعها في تعشيق الدبل:
1_ اوقف السياره وفض القير ثم اضغط الكلتش وعشق الدبل كل نمره في وضعها الصحيح وعلى مهلك .(( لاتحاول تعشق الدبل والسياره تمشي تراه يضر بالسياره)).
2_ اذا كانت سيارتك لاندكروزر فإن النمره الثقيله للدبل تكون برفع القير الى الاعلىوذلك بعد نمره N ثم تضعه على نمرة L4 وهذا هو الدبل الثقيل. النمره H4 للدبل الخفيف . وطبعا N فاضي وهو يستخدم للونش اذا في السياره ونش. H2 اذا وضعت الدبل عليه يطفي الدبل وتصير السياره بالدفع الخلفي فقط.
دبل النيسان السفاري النمره الثقيله تكون بضغط القير الى الاسفل بعد N وهو عكس اللاندكروزر الذي يرفع لللاعلى .
اتمنى اني افدتك بمعلوماتي البسيطه هذه . واذا عندك اي استفسار تفضل.
تقبل تحياتي