هل تضع الصابون (الفيري) اثناء السفر ؟

سبشل @user_10971 · 31-07-2005

السلام عليكم

هلا بالجميع

موضوعنا اليوم .. إن كثير من الشباب اذا بغى يسافر يروح ويسرق من المطبخ علبة فيري :D ويجي ويبدء يحط الفيري على وجه السيارة ؟؟

السؤال : ليش كثير من هالناس يسوي هالطريقة ؟

فيه كثير من التعليلات .. منها انهم يقولون عشان مايتقشع وجهية السيارة .. ( من الحصى الصغيرات )

وفيه ناس يقولون .. عشان ماتروح اللمعة ؟؟

فنبغى نسمع ارائكم .. عشان نستفيد ونفيد

سبشل

salehhd @user_17805 · 01-08-2005

السلام عليكم

اكيد المشمع افضل شي وخاصة اذا كان نوعية ممتازة

حسب علمي زيبارت عندهم مشمع يطعونة على الكبوت وعلية ضمان 5 سنوان لاصحاب الخطوط

وقيمتة 750 ريال

azoOoz 100 @user_12685 · 01-08-2005

والله انا شفت سيارات كثيرة وجهيتها لونها بيج واتوقع ان اللي

فيها هو الشمع اللي تقصدونه ..

وبغيت اعرف وش سالفته واضرارة وفوايدة ..

تحياتي

بو العابد @user_15343 · 31-07-2005

كم قيمته الشمع ذه وشنهو أسمه؟

سبشل @user_10971 صاحب الموضوع · 31-07-2005

مشكورين ياشباب على الرد ...

والله الصراحة اشوف ناس واجد يحطون الشمع .. اول ماشفته احسبه موضة

طيب التشميع مايروح اللمعة ؟

وهل اذا جيت ابعده يروح بالماء ؟؟

سبشل

BLACK_JAGUAR @user_10944 · 31-07-2005

والله ان هذا اللي كنت ابفوله

فيه شمع ينباع على شكل بخاخ

تجده في محلات زينة السيارات

أفضل من الفيري ومن البرقع

طبقة سميكة وتحافظ على الوجهية

إسأل مجرب <<<<=======

تحياتي

غريب الراي @user_16763 · 31-07-2005

كلامك صحيح اخووووي الوليد الطائر

افضل من الفيري والبرقع

الوليد الطائر @user_17749 · 31-07-2005

في مواد تشميع تباع في محلات الزينة هذه تعتبر افضل وطبقته أكثر سمكا من الفيري .... انا عن نفسي اضع التشميع فقط ... ودروه انه يحمي واجهة السيارة من الحشرات والاتربة.. والصراحة انه أفضل من الفيري والبرقع

غريب الراي @user_16763 · 31-07-2005

س

سبشل

طيب سؤال ؟؟

من فيه يفصل البرقع ؟؟

في الرياض ؟

عندك بالرياض بشارع الغرابي محلات الاسماعيل

هذا اللي اعرفه

|3|

*الـسـفـيـر* @user_7407 Banned · 31-07-2005

أنا من رأي حماية للبدي واللمعة تتأثر لأن البوية تتعرض لتيار هوائي قوي ويمكن بعد فترة وتدريجياً تضعف اللمعة بسكل غير ملحوظ

غريب الراي @user_16763 · 31-07-2005

اشكررررررررك اخوي سبشل على الموضوع

لانه مهم مرررره لراعين السفر والخطوط..

فانا بالنسبة لي متلخبط بالسالفه هاذي

لاني فصلت برقع وركبته بس بعد مامرت ربع ساعه

وانا توني طالع من البيت ومتوكل على الله ابسافر

مااشوف الا الحرارة ارتفعت قلت يمكن توها واقفه ومافي مكان تنفس منه

المهم مشيت حوالي 10 كيلو الا مااشوف الحرارة تعدت النص شوي وصلت الا ربع

المهم طفيت المكيف ورجعت البيت .. مع ان البرقع فيه فتحات للشبك ومن تحت مفتوح

شلته من السيارة المس البودي والقاه جمررررررر جمررررررر

خليته يبرد وحطيت بداله ((( فيري ))) وتوكلت على الله

ووصلت للشرقية غسلت السيارة ماشوف الا الصدام رايح لونه

مع ان الخط كان فيه تراب خفيف .!!!!!!!!

فانا الحين محتار شسوي

اركب البرقع والا احط فيري

سوبرا @user_11499 · 31-07-2005

أخوي البعض يستخدم الفيري ..
والبعض أشوفه يكون لون أصفر أعتقد هذا هو الفيري بس تغير لونه ..
لكن الفيري يخرب لون السيارة مع الشمس ..
أنا أفضل البرقع ..
إن كان يركب ويخرج بسهولة كان أفضل ..
هذي نصيحة وانتم أحرار ..

سبشل @user_10971 صاحب الموضوع · 31-07-2005

والله فيه ناس يمدحون البرقع .. خاصة انه سهل تركيبه

طيب سؤال ؟؟

من فيه يفصل البرقع ؟؟

في الرياض او في القصيم ؟

بو العابد @user_15343 · 31-07-2005

نضع الفيري لكي لاتتلف وجهية السياره من العج لكن يجب مراعاة إزالة الصابون في أسرع وقت

وأنا اقول البرقع احسن بس ما يندرى متى أخذ واحد

:)

تويوتاوي @user_19419 · 31-07-2005

مدري والله وش اقول لأني داااااااايخ مرة وبروح انام لكن لي عودة انشاء الله

الرائد @user_16969 · 31-07-2005

سبب وضع الفيري هو كي لا تتسبب الحشرات والاتربة التي تصطدم بوجه السيارة في الخط في اتلاف بوية وجهية السيارة...

القناع أو البرقع يعطي السيارة شكل قبيح....

واسمع كلام قديم أنه يتسبب في تغيير لون البوية إذا بقي مثبت لفترة طويلة....... لكن لأدري هل ينطبق هذا الكلام على السيارات الجديد؟؟

كوري و لكن @user_6947 · 31-07-2005

و الله أنا أشوف إنه يشتري برقع بـ 150 ريال بالكثير .. أفضل له من الفيري لكما جا يطلع مشوار و خط حط فيري .. البرقع أحسن

مشكور أخوي على الموضوع

تحياتي .. محب المنتدى و محبكم ..
.... Octavia 2002 ...