استشاره من الشمري ومن اعضاء القسم الامريكي

قاطع اشاره @user_10757 · 16-10-2005

السلام عليكم
بكل اختصار انا ابحث عن سياره تتوفر فيها المواصفات التاليه :
عمليه اقتصاديه نظام تعليق مريح توفر قطع غيار وبسعر معقول
وانا حاليا افكر في الكروان فكتوريا مع ان شكله قديم لكن الكل
نصحني بها بالمقارنه مع الكابرس وانا الحين استشيركم اخوي الشمري
واعضاء منتدى القسم الامريكي ابي الشور منكم هل اقدم على شرائها
ام هناك خيارات افضل منها علما ان سعرها في الوكاله ستاندر وبعد
العرض بــ 74500 الف انا في انتظاركم اخوكم قاطع اشاره

كابريس رويال @user_22670 · 18-10-2005

توكل وخذ لك الكابريس.........تراها ملكة جمال السيارت الأمريكية..........وتجاري الرياح بنفس الوقت.........واللي يقولك تعبانه وخرابات اعرف........انه هذا في يوم من الأيام جاه راعي كابريس وارتكب فيه جريمه............دمتم في رعاية الرحمن.

هاني السالمي @user_21363 · 18-10-2005

اخوي الشمري

الكابرس روووعه انا اتكلم من ناحية الشكل لكن تجربه ماقد جربته لكن الاخوان ماقصرو كفو ووفو

انا اللي بقول عليه اذا انك تركت الكابرس (مع اني انصحك به ) فلاتاخذ كراون فكتوريا لانه مافيه الفخامة المطلوبه

انا اقولك خذ قراند ماركيز افخم وافضل واسال مجرب

وقبل كذا اشوف انك تستخير وتجرب السيارتين

وبصراحه الكابرس ولا اروع من ناحية سرعه فخامة شكل جدا رائع

والا الفورد ترى يفصل على 180 <<< من يمشيها بس يعني للمعلومية

كابـــSSـــرس @user_6060 · 18-10-2005

والله يالغالي انا اقول مثل ماقالوا الاخوان

الكابرس هو الافضل

ومن ناحيت الخرابات مانيب عايد واكرر والله تعبت

الموتر مافيه شي وزي العسل

وصدقني ماراح تندم عليه

ومن ناحية الشكل يتغير كل 4 سنوات

غيره يتغير تغيرات تلاحظها بقوه كل سنتين او ثلاث

وعموما الكابرس شكله فيه يعني شف التسعاوي والصابونه وشكل 2000 و2004

انا اشوف انها مازال لها نظره يمكن القدام لانها قويه فقط

لومينا/تاون كار @user_22951 · 17-10-2005

والله يا اخي العزيزقاطع اشاره شكلك مثلي تحب تقطع الاشارات :D
بس خذ راحتك ترى برمضان ربعنا مايدققون

المهم باختصار ابعطيك رأيي وبصراحه
انا جربت اللومينا (الاخت الصغيره للكابرس )
وجربت من الفورد التاون كار

بصراحه اذا انت تبي سياره عزمها قوي وسريعه تشق الارض لا دعست
======> خذ الكابرس وانت مرتاح
واترك عنك الكلام الي يتكرر الي صار ماله طعم ولا لون ولا ريحه
يعني الي يقولك استرالي وهالاشياء
انشالله جعلها تجي من الهند انا ابي سياره جميله بمظهرها وقويه بمحركها ووكيل اقدر اختار من بين اكثر من شركه
وتوافر قطع الغيار واسعارها معقوله وفوق هذا اسم عريق واثبتت جدارتها بشهادة الشارع السعودي والمعارض دليل
وخذها مني تجربه هالسياره تكرمها تكرمك مثلها مثل غيرها
اما بتجور عليها وش تنتظر منها ؟؟

اما اذا كنت شخص هادي بطبيعة سواقتك وريلاااكس ورايق
=====> الفورد سواء فكتوريا او ماركيز او تاون كار
راح تكون مريحه لك
قيادتها ناعمه ومراتبها واسعه ووثيره ===>متعوب عليها هالكلمه وثيره :D
وعزمها ما اقول شين بالعكس قوي وملائم لطبيعتها كسياره صالون عائليه وآمنه
بس ماهي حقت مقاومات وتشطيف
واعتقد حجمها الكبير ووزنها كذلك يغني عن اية شرح للاسباب
وبالنسبه لقطع غيارها ايضا متوفره لكن طبعا بشكل اكبر من الكابرس وارخص
وهذا بحكم بقاء موديلها لفتره اطول
وانا اعتقد ورأي شخصي بحت انه حتى لو اخذت الان وحده جديده وتغير الموديل بعد سنه او سنتين
فأنت ياعزيزي في خانة الامان لان لك زملاء على مدى 7 او 8 سنوات
وهذا يجعل المعادله سهله فالشكل منتشر ومحبوب ومرغوب والقطع لن تخاف من ناحيتها ابد لا من محلات قطع غيار ولاتشليح

وسيارة كابريس تتغير كل 4 سنوات تقريبا
فتحس شوي ان شكلها يبهت بسرعه
رغم اني بأمانه مازلت ارى موديل الثمانينات 82 او 86 وغيرها شكلها جميل ومحبوب ولا يمل منه
عكس سيارات اخرى كانت معها بنفس الفترة الزمنيه وفقدت بريقها وتبين مهربده وقديمه ......

وفي النهايه انت شاور نفسك وجرب هذي وذيك في وكالاتهم كلها نص ساعه ممكن تعطيك انطباع افضل وتقرب لك الصوره اكثر مع ملاحظة انه السعر ستاندر متقارب بشكل كبير
بس تبقى رغبتك الشخصيه
وطبيعتك ومزاجك في القياده والصوره الي تحب تظهر فيها

مندفع وشرس ===> وحش الشفر |6|
كوول ورايق===> عليك بالفورد |4|

وتقبل تحياتي اخوي واسف على الاطاله ....

عاشق الـ407 @user_22789 · 16-10-2005

نصيحه مني لا تاخذ كلام الناس حتى كلامي الي بقوله لا تاخذه بعد اهم شي راحتك للسياره بس بقولك اشياء ..
الفورد والكابريس نفس المواصفات تقريبا اذا كانو ستاندر كلهم ..
الكابريس يجي سي دي وفيه معلومات تقدر تاخذها في الشاشه الي تحت الطبلون كم مشيت في اليوم وكم باقي والبنزين يخلص ويعلمك المسافه الي بينك وبين الحاجز الي امامك بس تتحدث بس فتره وفتره مو على طول شكلها ماراح يتغير الا 2008 ونزل الحين ال اس مطوور تجيك بكبوس تحت يعني ماباقي لك من برا الا تغير على ال اس وتحط ال تي زد وتصير توب التوب ..
الفورد لها اكثر من سنه ما تغير شكلها وممكن تتغير 2007 ومو ممكن اكيد بتتغير غير ان صرفية البنزين اكثر من الكابريس بكثير السياره مع الوالد وقد جربتها كم مره مافيها سي دي بس كاسيت من ناحية الطبلون كشكل الكابريس افضل من ناحية المكيف وتبريده الكابريس افضل من ناحية الراحه فقط ممكن تكون الفورد افضل واذا تبي رايي خذ كابريس وانت مغمض شكلها افخم اصلا من برا والشكمان حق الكابريس يجيك كروم مو زي الفورد تقول شكمان كامري الزبده انا لو اني مكانك اخذ كابريس وانا مغمض
وكانك خايف من ناحية الخرابات والتحمل ترا ما كثر الله الا الكابريس نص شوارعنا مشالله كابريس 2000 و2001 والى الحين موجوده وتشوف اصحابها مشالله كلن يمدحها غير ان فيه خوينا بالمنتدى كابريس عنده ال تي زد 8 سرندل يمدحها مدح غير طبيعي ويقول انه راعي مطامر ارصفه وسرعه غير طبيعيه ولا تعبته السياره في الصيانه ابد يعني لا تروح تسأل واحد ما عنده كابريس يجي يقول الصراحه اسمع الكابريس خرابات رح لم ناس جربو الكابريس ولا يلعبون براسك تكفى وترا الكابريس ما تنتفوت نصيحه مني محد يحصله كابريس ويقول لا وتذكر سيارات شفروليه من لومينا وكابريس مصنوعه للخليج يعني مصممينها لجونا الحار والبايخ وشاورعنا الي زي الزفت وبسسس هذا الي عندي