نخيتكم يالربع .. اللي عندة خبره في السوبارو !!!

impreza @user_27851 · 25-02-2006

-

تكفون يا شباب بغيت أعرف اذا الأمبريزا ال sti 2006 متوفرة عندكم بالوكالة وبكم سعرها بالدولار و اذا مافي sti شنو الموديلات المتوفرة مع قوة محرك كل موديل متوفر وسعره وفي أيدولة غير الكويت لانه الوكيل بالكويت مايجيبها ولا يرضى نطلبها ... عشان جذي ابي مساعدتكم يالربع وسامحوني أدري ثقلت عليكم بس فيكم البركة ويعطيكم ألف عافيه .

Black Arrow @user_21601 · 19-03-2006

انا سألت في وكالة اليمني..قالي في حدود 130 إلى 140 ألف ريال...

وزي ما قالو الشباب...تقدر تاخذها من الإمارات....

بس انك تغير اللوحة حقتها انسى.........إلا إذا عندك واسطة...

تصدق شفت وحدة في الأحساء ولوحتها سعودية....هذا شكله واسطته قوووووووووووووية...

وسلامي لك...

Initial D @user_10972 · 05-03-2006

في قطر يجيبونها لك طلبيه لانه مبيعاتها قليله جدا (( خلال 3 سنوات ماباعوا منها إلا 5 سيارات تيربو .... وانا كنت باخذ وحده بس قالوا لي بدون ضمان !!! ))
على العموم نصيحتي لك تروح للإمارات وتشتري من هناك لانها أرخص .... بتحصل موديل 2005 مستعمل إستعمال خفيف بـ 50 أو 60 ألف ريال لانه أنا العام لقيت موديل 2005 وماشي 20 ألف تقريبا بـ 70 ألف ريال , يعني اللحين ارخص :)

DRAGON team @user_25475 · 04-03-2006

والله يا خوي impreza انا مثلك ودي فيها وسالت الوكيل وقالي هذي مجرد للعرض ولا راح نجيبها للبيع...

لكن سعرها مثل ما قال اخوي ((مكسيما وبس)) حوالي 150000...

واحتمال كبير انك تحصلها باسواق الإمارات ويمكن تحصل المكينته لحالها بس بتطلع عليك حولي 18000 ريال

وهذا الي اعرفه واتمنى اني افدتك....

impreza @user_27851 صاحب الموضوع · 26-02-2006

تسلم يالغالالي و ماتقصر.

مكسيما وبس @user_18520 · 26-02-2006

أخوي انا شايفها في السعودية عند وكيل سوبارو في السعودية وركبتها
والسيارة رياضية مرررررة وماأعرف والله مواصفاتها لكن يقولون سيتم تسويقها قريبا في السعودية
وسألته عن سعرها قال أحتمال تكون حدود 150 الف ريال ماأدري كم تساوي بالدينار
طبعا أتكلم عن امبريزا النوع الرياضي حق الراياليات
لونها كان أزرق ومخطط بأصفر
واتمنى اني أفدتك
تحياتي.

impreza @user_27851 صاحب الموضوع · 25-02-2006

مشكور أخوي و ماتقصر ويعطيك ألف عافيه بس ظيقت خلقي يوم قلت ماكو STIبس أنشالله ألقاها بالأمارات .

Ghonaim.a @user_5082 · 25-02-2006

اخوي

impreza

مرحبا فيك بمنتدى السيارات

وان شاء الله نستطيع مساعدتك دوما

في الحقيقه وكيل سوبارو في السعوديه ايضا لا يسوق الامبريزا STI

ولكن يوجد امبريزا عاديه بمحرك اربعه سلندر بسعة 1.6 لتر

وهذا موضوع ممتاز للكاتب PاV ان شاء الله تجد ماتريده فيه

الموضوع الكامل عن السوبارو في السعوديه ((اسعار + مواصفات + الدفعات القادمه ....... ))

راح تجد ارقام وكيل السعوديه في الموضوع

وحنا في الخدمه عزيزي وبالعكس ما ثقلت علينا بل اسعدتنا بتواجدك معنا

وانتظر عشاق السوبارو ان شاء الله يفيدونك اكثر

اخوك ك ا م 717