اغرب مقاومة حصلت في الكون

صراحة ما عندي تفسير لكن انا اعرف الجمس حقنا 2002 حجم 15 وماشاء الله عليه نفس واحد من 40 إلى 185 وبعدين يقطع. بالنسبة من 0 إلى اربعين الموتر ما يقصر لكن تعرف بحكم الوزن يكون اضعف قليل (وليس ضعيفا)
يمكن موتر الرجال انشط من موترك اصلا لكن لسبب خفة موترك (نوعا ما) او يمكن انت رصّيت الدعسة اسرع منه (لو اجزاء من الثانية تفرق) قدمت عليه وعلشان يبدى يطوفك لازم يعني سرعة كبيره(للتقارب القوي في العزم) ويمكن ما يقدر يلحقك إلا على سرعة 150-160 وبعدين يبدى يطوفك. يعني شكل موتر الرجال انشط

هي نفس المحرك سواء اليوكون او 1500 سوبربان

ولكن بنبهكم لشئ حصل معي وجربته شخصيا
لو اخذت سياراتين نفس بعض ونفس الموديل وتقاومو اكيد وحده فيهم راح تطلع على الثانية ومافيه تعادل
حسب نشاط السيارة وتمرينها

اخوي clk_200
مشكور على مرورك الكريم
وصدق وكل شئ جايز

اخوي عاشق الالماني
طيب العمود حق الدبل او الدفرنس
ماله دور بالوزن
ومشكور على مرورك ومشاركتك

اخوي Lexus.Com
كلامك يمكن او اكيد صحيح
يمكن العيب من سيارتي
ومشكور على مشاركتك

اخوي steps
انا ماقلت انه قطع عند 160 انا قلت ان العزم قام يضعف الين وصل 181 وبعدها فصل
حتى خويي يقول لما استلمت السوبربان بعد مرور سنه اي قبل شهر تقريبا
يقول دعست ابو الدعسه وكان اول مره يدعس عليه
المهم وصل 195 والرجال يحلف لي ثم رجع 180
حتى ان سوبرهم مايتفتف او بمعنى اخر يقطع والمعنى يدعس الدعسه كلها ويوصل الضغط لـ 6 ويبدأ بالتفتفه او التقطيع
ومستحيل خويي يضحك علي تدري ليش
لانه مطوع ذو روحً شبابيه
ومشكور على المرور الكريم

اخوي راعي 8100
طيب وش السبب المقنع الي يخلي اليوكون يضعف بعد 160
بعدين في فرق بين سوبربان 8100 فورتك و5300فورتك في القوه
ومشكور على مرورك

اخوكم
عبدالعزيز

اخوي الغالي خذ العلم مني شي اكيد انك بتروح علي في القومة وفي الخط بيجيك


لاني اكثر مرة اتقاوم مع واحد من العيال معه يوكون 2003 دفرنس وانا معي 8100 دفرنسين

نتقاوم من الصفر طبعا يروح علي الى 140 تقريبا بعدين اجيبه واتعداه بمسافه موتر تقريبا

واليوكون احسن مافيه بالفزة لكن في الخط مو لذيك الدرجة

خويي راعي اليوكون فز على اكثر من باترول وفز على التيما 4 سلندر وعلى فكتوريا وعلى مواتر كثيرة لكن حول

ال 160 يقل عزمة شوي وموترك مافيه شي وموتر خويك برضوا سليم .,.,.,.,.,.,.,.,.,.,.,.,.,.,

أخ عبدالعزيز

السالفه ومافيها إن موترك قطع عند 160 يعني غير مسموح بتجاوز هذي السيارة لهذه السرعة

وهذا الشيء معروف في الجمس السوبر واليوكون

وهو أنه عند وصول السيارة لسرعة 160 كلم يعشق القير في الفاضي يعني في N ولكن لايظهر على

الشاشة الخاصة بالنمر وبمجرد النزول عن 160 يعشق مرة أخرى في ال D


خويك أتوقع إنه فصل سلك تحديد السرعه وحب يضحك عليك ..

على أي حال أخي السرعه ماهي طيبه ينفجر كفر وأنا أخوك وإلا شيء ويحصل مالا تحمد عقباه ..

شوف اخوي العقل يقول انك انت تطلع عليه فزه وخط والعيب من سيارتك مو من سيارته

انا عندي لكزس وتقاومت مع لكزس نفس مالي ونفس الموديل وطلعت عليه لين 220 وبعدين اهو طلع

وانا كنت متوقع لاني اعرف سيارتي عقب ال220 اتنح مع اني مسويلها صيانه وكل شي بس ما ادري وين العله ؟؟ ..

اخوي الغالي مايبي لها شغله .

المشكله ان موترك دبل وموتره بدون دبل لاتنسى ان العامود موجود ويقلل من عزم السياره ويعطي السياره عزم بس تحس الموتر صاير ثقيل .

لو أحترت اسأل الشيبان عندهم خبره بالجموس .


بعدين اخوي وش لك بالسرعه واليوكن يقطع مع 180 يعني لو ينزل تحت 220 قلنا مافي اشكال . هههه

اخوي تأكد لو موترك بدون دبل راح تقوم عليك بكل راحه .

بعدين على حسب كلامك الفرق بالوزن شيء لايذكر .

في أمان الله ..،،

اخوي الغالي صحيح انه السوبربان ثقيل واليوكن خفيف

الا ان السوبربان له مثل ما نقول السنه بس ماله في القومة

وجايز بأن فتحات السلندرات سيارته اكبر من سيارته اي

سعة الماكينة ,,, والله كل شي جايز هل الايام من السيارات

aa2006aa, محبوب قطر, مستر رنج روفر, Azera, لوريل 86, البرنس277, Cefiro, Denali2005, بواحمد, HMATO 4004, kuwait, راعي اليوكن5300, ooo.ooo, سنتافيه, saadrsk, T.H

وين يالاخوان تخشون ولاتتقهوون مايصح هذا الكلام

المفروض تتقهوون وتشاركون معنا

اخووووكم

عبدالعزيز

صراحه كلامكم غير منطقي

كيف السوبر مكينته اقوى من مكينة اليوكون

مع انهم ثنينهم 5300 فورتك و285 حصان ( قوه صافيه ) و 325 رطل

والسوبربان وزنه الصافي 2390

واليوكون وزنه الصافي 2355

ومشكورين على مشاركتكم يأخوان

والله يا اخوي اظن انه بسبب الدبل في سيارتك و معروف السوبر انه يفرد في الخط (حق خط)