صورة توضح منفذ الايبود في الكامري 2007

ترا هذا المنفذ مهب حق الايبود يا جماعة.
اسم المنفذ Aux إختصار لـAuxiliary ينطق بالعربية اوقزيلري
هذا المنفذ موجود في لومينا 2000-2001 او يمكن في بعض الموديلات الجديد لكن غير متاكد, وايضاً موجود في الكابرس الجديد.

:D أنا عندي Ipod Nano لونه أسود وحجمه 4 جيجا ...... الصراحه الجهاز فنان ,,,,, ولا بعد حاطله كراك منزله لي احد الاصدقاء يخليه يشغل الافلام على الشاشه |5| لكن عيبه شاشته صغيره (( هو أصلا ميزة ال Nano انه صغير ))

حسافه سيارتي مافيها منفذ Ipod ولا كان فااااااااااااااااااااله

والله روعه .. وهذي مميزات الاي بو د:
iPOD هو جهاز صنعته شركة آبل .. يشغل MP3 .. والموديلات الجديده تقدر تنزل فيها افلام وتشوفهم بس العيب انه الشاشه صغير ..

طبعا بتقولون شو فايدة للسياره .. ..الاي بود يشغل الاغاني او الاناشيد او الاحاديث اي شئ بس لازم يكون على صيغة MP3 |6| .. يعني بالمختصر المفيد تجيب الوصله لي تجي مع الاي بود وتوصله بالكمبيوتر وتنزل على الاي بود لي تباه وبعدين ارجع وحطه في الوصله لي في السياره ...

الاي بود يجي بسعات مختلفه واحجام مختلفه بس احلا شئ nano >>

i هذا هو النانو حجمه صغير وااايد

وهذي هي السعات لي تجي على النانو:
1- 1GB - تقدر تحط فيها 240 اغنيه
2- 2GB- تقدر تحط فيها 500 اغنيه
3- 4GB- وتقدر تحط فيها 1000 اغنيه

هذا كله في هذا الجهاز الصغير .. وتخلص راس من سالفة انك تسوي سيدي كل ما بغيت تسمع شئ في السياره


النوع الثاني وهو الاكبر حجما ولي تقدر تشوفه من الفيديو اسمه iPod


هذي السعات لي تجي على الايبود فيديو:
1- 30GB
60 GB -2

طبعا هذا يتميز بسعته لكبيره جدا وتقدر تنزل عليه مقاطع فيديو و صور وفي ناس اعرفهم ينزلون عليه افلام كامله

-----

هذه هي انواع الايبود المتوفره في الاسواق حاليا لو تروح ودور بتلاقي اكسوارات كثيره للسياره تصلح تركبها على الاي بود.. طبعا صناع السيارات يتجهون لهذا النوع الاسباب عده

1- تكلفه اقل يعني لما يحط لك الوصله احسن له
2- اسهل للعميل يعني انت اذا عدك ايبود بتفك راسك من صدعة السيديات ..وخراباتها

|4|

هذي كل المعلومات لي عندي عن الا ي بود اذا في اي سؤال انا في الخدمه