لدي استفسار عن الباجيرو 2007

الشكل الجديد راح يوصلنا تحت إسم موديل 2008

أواخر شهر 3 وأوائل شهر 4 نقلا عن الوكيل في دبي

بالنسبه للقدره الحصانيه فدائما متسوبيشي تزيد القوه للشرق الأوسط يعني في اليابان 252 حصان

أتوقع الزياده بتكون بنسبة 8 - 10% يعني ما يعادل 270 - 275 حصان

تحياتي

حسب معلوماتي 2008 (نزل 2007 في كلا من اليابان واستراليا) .... مابتوصل قوة المحرك الي 290 ... وستكون في بحر ال 250 مع استلاك اوفر في البنزين (اوفر من المحرك الحالي و اقوى) ... اعتقد بان العزم يكون افضل بكثير في المحرك الجديد وهذا الي يفرق في الرمال (قوة الاحصنه مالها تأثير كبير في البر) ....

بالنسبه لتانكي البنزين لم يتغير (وصعب يزيدوا سعته في الربع )

طبعا كامل المواصفات والتغييرات موجوده على موقع ميتسوبيشي استراليا (لمن يتقن الانجليزيه) على هذا الرابط :
http://www.mitsubishi-motors.com.au/mitssite/jsp/pages/vehicles/vehicles_group.jsp?group=pajero

أخوي GGTi

على فكره 2008 راح يتغير المحرك 3.8 إلى محرك اكثر تطورا نفس الأول بس فيه زياده في العزم ولأحصنه 290 حصان وتانكي البانزين راح يكون 90 لتر بدل من 70 لتر الحالي

من وين جبت المعلومة ممكن الرابط :cool:

أخوي CADILLAC

نصيحتي لك هي

لو تاخذ مثل هذا بالضبط



ولون أبيض عسللللللللل |1|

على فكره 2008 راح يتغير المحرك 3.8 إلى محرك اكثر تطورا نفس الأول بس فيه زياده في العزم ولأحصنه 290 حصان وتانكي البانزين راح يكون 90 لتر بدل من 70 لتر الحالي

كانك لسا ماشريت .. تراك يالخو بتغلط غلطة عمرك بشرائك محرك 3.0 لتر لأن 3.8 قمة وملك ولايقارن ابدا بالأخر وصرفيه البانزين يمكن اقل من 3 لتر لأن الثاني متطور جدا

وختيارك موفق جدا في الباجيرو الربع .. واحسن لون برأيي هو الأزرق المحروق ولداخلي اسود ولأبيض والداخلي بيج
ثم الأسود

سلا م عليكم ...

سمعت ان الباجيرو سيارة قوية وعملية وثابتة في الطرق بس يقولون مشكلتها مشكلة واحدة ارتفاع درجة الحرارة ......

ولست ادري انا غلطاان والا لا

حياك الله اخوي ... انا معي 3800 موديل 2004 مواصات كاملة اللومن فضي

و أقول لك إنه ممتاااااااز ومثل ما قال إخوي KeN (((ياليت تشوف تعليق الباجيرو وتقارنه بالجيوب الأخرى .. وراح تلقى إن الباجيرو فيه نظام تعليق مستقل لجميع الكفرات ويعطي تماسك التصاق أكبر في الأرض))
وهو ملاحض في الطرق الزلقة ...

السلام عليكم..

شوف أخوي كاديلاك..

أنا عندي باجيرو ربع 3.0 2005 والحين ماشي 60,000 بعد إستخدام سنتين تقريبا

السياره ما عليها كلام ومثل ما شرحلك الأخ ميتسوبيشي (والله نسيت إسمه السموحه) نظام التعليق فيه مستقل وهذا بحد ذاته ميزه

وعندي اللون الرصاصي الغامج لون حلو ولكن يباله حفلة غسيل مرتين في الأسبوع على الأقل

نقطه مهمه اللغالي: الـ 3.8 صرفيته أقل من الـ 3.0 في الباجيرو وذلك لأن الأول معزز بنظام المات MATT وهو نظام تشغيل إبتكرته ميتسوبيشي

وظيفته تقوم على موازنة العزم المطلوب عن طريق إدخال كمية معينه من الهواء هذا عند أوقات المشي البطيء

نصيحه من أخ: الغصه الوحيده فيني الحين إني ماخذته فل يعني الـ 3.8 للأسباب التاليه اللي وقت ما إشتريت السياره قلت مالها داعي:

الأسباب الرئيسيه:

- المكينه أكبر والفرق في القوه واضح
- الجير 5 سرعات وهذا بيعطيك راحه أكبر
- فتحة السقف كبيره ومربعه والله حلوه في الشتاء

الأسباب الأخرى:

- ليتات زينون
- خشب من الداخل
- جلد + تحكم كهربائي
- رنجات 17 يعني أثبت شوي على الخط مع إني ما أعاني من الثبات على رنجات 16

وفي الختام يا خوي الثنتين ما عليهم كلام وأصبر لين شهر 3 بينزل موديل 2007 ومن غير مبالغه قفزه نوعيه في المواصفات

تحياتي

الاخ السائل،

انا عندي اربع ابواب فل كامل ليميتيد، 12600 ريال عماني (يجي معاها نظام ملاحة في الوقت الحالي للترويج)
واعتقد ان سعرها مناسب جدا مقارنة مع الجيوب الاخرى والمواصفات رائعة ومتكاملة وفي الرمال سيف يشق الطريق بكل سلاسة،

بحبحها شوي وخذلك 3.8 وخلي بالك مرتاح، لكن لو خذيت 3.0 عشان صرفية الوقود ماهي ساوية
ونصيحة ابعد عن الباث فايندر ... صغير وضيق وغالي وما يقارن بالباجيرو في البر


على فكرة الباجيرو الجديد من الخارج نفس الهيكل مع تعديل بسيط على الزوايا ولكن من الداخل فهو اجمل بكثير (قمرة القيادة) واتوقع سعره رايح يكون مرتفع بنسبة لا تقل عن 30%
تمنياتي لك بالتوفيق

مبروك مقدما اخوي كاديلاك

اختيار موفق

و عندنا في البحرين شركه بابكو سياراتها كلها من متسوبيشي و اغلبها باجيرو و غالنت

و قبل فتره حطوا موضوع في الجريده عن الباجيرو مع الشركه

عندهم باجيرو موديل 1996 ماشي اكثر من 500000 لف كلم بدون مشاكل فقط الصيانه الدوريه .

الفرق بين صرفيه 3.0 و ال3.8 قليل جدا و يمكن مايتلاحظ الا اذا كنت كابس

وعن اللون
انا اجوف الاسود و بعدين الازرق deep blue mica

شكرا لكم على افادتكم

ودي ب 3.8 لكن هاذي ميزانيتي اصلا و بعدين اخافه يصرف بترول

و هو ما يجي الا على الفل الفل

اما عن الدقمه

هي الي يشغلونها في التطعيس على قولتكم

تحياتي

سيارة رائعة وخيار موفق, واختر اللون اللي ترتاح له

السلام عليكم

اختيار مناسب لسيارة جبارة وبسعر ولا احلى والسيارة معروفة بثباتها والشباب فادوك كثير

اللون الاسود ممتاز لاكن يحتاج عناية

في الختام لاتنى الاستخارة فما خاب من استخار وبالتوفيق

هلابك أخوي كاديلاك

أنا عندي باجيرو ربع 2005 كامل المواصفات و مكينته 3800 سي سي

والحين الموتر ماشي 32000 وشوي .. والشهادة لله .. ما شفت منه إلا كل خير .. وما غيرت فيه إلا القماشات ( الفحمات)

من ناحية التسارع .. اللي عندي وهو 230 حصان وعزمه 35,1 كلج-متر هو 10 ثواني تقريباً .. اما تسارع المحرك الإقتصادي من باجيرو 3000 سي سي بقوة 188 حصان وعزمه على ما أظن 27.5 كلج - متر فهو على ما أظن 13 ثانية .. وكلا المحركين متوفر بكامة علوية مفرده SOHC

على طاري الدقمة ( إذا كنت تقصد الدبل ) فالسيارة إذا حطيتها على التيب ترونيك .. سواءاً كانت بدبل أو بدون فإنك ما تقدر تقومّها ( بمعنى تمشيها من سرعة صفر ) إلا بالأول أو بالثاني .. وغيره لا .

أما إذا كنت تقصد إن السيارة إذا كنت تستخدم الدبل ما تبدل إلا أول وثاني .. وثالث لا .. أنا ما عندي فكرة لأني دائماً أستخدم الدبل فترة قصيرة وما أغير عن الأول والثاني.

وأحب أرد على اللي يقول الباجيرو سريع الإنقلاب ... ياليت تشوف تعليق الباجيرو وتقارنه بالجيوب الأخرى .. وراح تلقى إن الباجيرو فيه نظام تعليق مستقل لجميع الكفرات ويعطي تماسك التصاق أكبر في الأرض بعكس السفاري أو اللاند كروزر .. وعلى فكرة هالميزة بدأت سيارات كثيرة تستخدمها ومنها فورد إكسبلورر ونيسان أرمادا والباث فايندر الجديد والمورانو والهوندا إم آر في وغيره وغيره
..
بس نصيحتي لك .. إنك تاخذ المحرك الأكبر 3800 سي سي .. تراه يفرق بالقوة كثيـــــــــــــــر .. لكن مو معنى كلامي إن الباجيرو 3000 سي سي مب قوي ..

بس انت لو تقارن هالمحرك بمحركات الجيوب الأخرى مثل نيسان باترول أو لاندكروزر .. راح تلقاه ضعيف .. وهالشي يحز بالخاطر .. خصوصاً بالرمل :)

عموماً الخيار لك ..

ولو تصبر وتاخذ الموديل الجديد .. تراه أفضل من كل النواحي

تحياتي

Kenny

حياك الله اخوي ... انا معي 3800 موديل 2005 ... الي فيه ميزه حلوه وهو نظام التحكم في التوازن ... يعني صعب جدا انه ينقلب ... هذا بالاضافه الي القوه الزياده ... وقفل الكفرات في الرمال (لما تكون متعلقه ) ... شخصيا انصحك بالماطور هذا لان الباجيرو ثقيله شوي والماطور الي انت اخذته ضعيف شوي ....

على اي حال السياره ماعليها كلام ابد ... طبعا الجيب سواقته تختلف عن السيدان خاصه في الخطوط ... واعتقد ان اكثر الانقلاب بسبب التهور وجهل كثير من الشباب بخصائص ونقاط ضعف السياره الي يقودوهاا ... الجيوب بشكل عام مرتفعه وسهل انقلابها ليا اخذت لفه وانت مسرع بعكس السيدان والكوبيه ...

الدقمه الي انت تتكلم عنها والله ماني عارف ويش تقصد فيها ....اذا المقصود الدبل ... ما واجهتني فيه مشاكل ابد ... والباجيرو في الدبل عنده ثلاث مستويات (خفيف ... خفيف مع قفل الدفرنس الوسطي ... الثقيل) ... على اي حال وضح اكثر عشان اقدر اساعدك ....

التسارع والله يخوك سيارتي (3.8) ما اعرف تسارعها ولا لي في الامور هذي ...والسياره ماهي للمقاوم ...

الالوان احلى لون عليها بنظري ... الذهبي ... والمرتبه الثانيه الفضي ..

على فكره :
ترى السنه الجايه الباجيرو بيتغير تغيير كامل (اعادة تصميم )... شوف صور الجديد قبل تشتري ... يمكن يعجبك اكثر ...

لا تنسى صلاة الاستخاره ... وبعد الاستخاره اشتر الي ترتاح له ... وبالتوفيق ان شاء الله ...

واي استفسار انا حاضر بكل ما يخص الباجيرو ....

ياخي شو ها الكلام

لا تلعب بفيوز راسي

انا خلاص معزم

وانا شاورت كل العالم مدحولي اياها

و سألت كل الي عندهم باجيرو عنها

و الله حتى واحد في الجامعه كويتي ما اعرفه سرت سألته

اما الي ينقلبون هاذي من السواق مب من السياره

عيل شو رايك لو اقولك اني شايف وايد لاند كروزرات منقلبات عالخط

هذا مب دليل على انها مب ثابته

عالموم انا بس ابغي جواب على ها السؤالين و اختيار لون السياره

و اذا في حد يبا يدخل يقولي ابعد عنها او لا تشتريها

لا يرد احسن

الا اذا معه تجربه شخصيه

تراكم تخلوني اندم اني شاورتكم