باركو لي شريت ماونتنير 2007

بلاط البحر @user_43303 · 04-04-2007

السلام عليكم

صراحة من مدة وانا افكر بالبليزر او الانفوي ..

ويوم عزمت على شراء سيارة بديت ابحث بشكل مكثف عن مزايا وعيوب هالسيارتين ^^^

ولقيت انها فعلا ما تناسبني .......

قلت مالي الا الفورد

وتتبعت اخبار الاكسبلورر لاني اعرفه من زمان

وجزمت عليه

ورحت لتوكيلات الجزيرة اللي بالتخصصي

وقالوا لي الاكسبلورر يجي بعد شهرين ان شاء الله

ووقتها كنت ما اعرف شئ عن الماونتنير نهائيا ( بنوب بالسوري )

رجعت للبيت وانا متردد اشتري اكسبلورر مستعمل ولا انتظر ولا وش السواة ؟؟؟

فتحت النت ودشيت موقع فورد وبعض مواقع السيارات وهذا المنتدى طبعا اللي افادني كثير

ولقيت مخلوق جديد اسمه ماونتنير

اعجبتني مواصفاته

ومن بكرة وانا عند الحاج حسين علي رضا اللي على طريق خريص واستفسر عن السيارة

وشفتها وركبتها

ويوم شافوني جازم ( شرّاي ) وافقوا اني اسوقها للتجربة ...

والحمد لله شريت هالمحروس ماونتنير جلد بقيمة 108000 ريال

علما ان المخمل قيمته 105000 ريال

والماونتنير الموجود بالسعودية فئة واحدة فقط بينما على موقع ميركوري يوجد اربع فئات ..

وهو ارخص من الاكسبلورر

وقريبا ان شاء الله صور للسيارة ...

ولكم تحياتي

كشاف599 @user_10670 · 22-06-2007

الله يعطيك خيرها و يكفيك شرها الحقيقة اختيار موفق
و لا تنسى انك وعدتنا بالصور و الا نسيت (:
قاعدين نحتري الصور ترى من زماااااااان (؛

رجل الجبل @user_7923 · 21-06-2007

السلام عليكم .. مرحبا

اخوي لو تكرمت بما انك استخدمت السيارة .. هل في فرق بينها وبين موديل 2002 في الشكل الخارجي والمواصفات

والله يعطيك خيرها ويكفيك شرها .. وشكرا

تـــMـــيـــM @user_46109 · 19-05-2007

ب

بلاط البحر

تراها سيارة يالاخو مو زوجة

اللهم امين واياك يالغالي

وشكرا لك |3|

هذا إنما يدل على ضعف ثقافتك الدينيه والله المستعان
أخي [COLOR=red]بلاط البحر لاتزعل مني بهالكلمه فوالله نحب لك الخير وأخونا أعطاك الدعاء الصحيح سواء زوجه أو دابه أو سياره أو سيكل[/COLOR]
وهو طبق ماوصانا به حبيبنا المصطفى صلى الله عليه وسلم (( بلّغوا عني ولو آيه ))

والله يعطيك خيرها ويكفيك شرها

taifprince @user_47018 · 19-05-2007

السلام عليكم
ها اخوي بلاط البحر
كيف السياره بعد هذه المده
تجربتك ورايك يهمنا
ننتظر تقريرك بالتفصيل
تحياتي

zyad2006 @user_36087 · 06-05-2007

أولاً مبروك أخوي ( بلاط البحر ) على السيارة ( ولو أنها متأخر ه)
وبعدين تراك دخلت السياره في راسي ، ولي أكثر من أسبوع وأنا أبحث عن مواصفاتها ، ورحت للحاج حسين ولقيتهم مسوين عرض عليها ( الجلد بـــ 96000 الف ) و ( المخمل بـــ 94000 الف ) وهذا اللي شجعني أكثر على السياره ، وبدات أجمع الفلوس لشرائها ..............

لذلك أود منك أخوي ــ وبصفتك الان مستعمل السياره لأكثر من شهر ـــ أن تساعدني

[COLOR="Red"]هل تؤيدني على شرائها ؟ وهل فيها مشاكل ظهرت لك خلال هذه الفتره ؟ وماهي ابرز المميزات التي اعجبتك فيها ؟

وكيف عزلها لصوت الهواء ؟ وكيف وعضلاتها ؟

أتمنى أن لاأكون قد أطلت عليك وأزعجتك .

أتمنى سرعة التجاوب ، فأنا بإنتظار ردك على أحر من الجمر ...............[/COLOR]

وتقبل تحياتي