سيارة مستعملة من الشارقة للرياض

silk @user_46162 · 22-05-2007

يعطيكم العافية شباب وعساكم عالقوة
بصراحة انا راح ادخل في الموضوع عالطول لاني بصراحة حبيت اسأل قبل لا اورط
انا بصراحة فلوسي على قدي تقدروا تقولوا حوالي 20 الف بشتري فيهم سيارة مستعملة وانا ناوي اقضي اجازة الصيف بالأمارات والشباب معاي عطوني فكرة اني اقضي اجازتي وانا رجع اشتري لي سيارة من هناك ;)
قلت خوووش فكرة ومنها وانا راجع ارجع في السيارة :D
بس المشكلة اخاف اشتري السيارة من الشارقة وعلى ما سمعت من الشباب هنا انه في فلوس ادفعها في الحدود وفي فلوس كمان لازم ادفعها في السعودية حق هيئة المواصفات وخايف بعد الدفع هذا كله تطلع عليا السيارة بنفس قيمتها يعني ما اكون استفدت شي:mad:
والكل بصراحة قاعد يفتي لي اللي يقولي الجمارك 5 الاف :confused: واللي يقولي 2500 ! يعني مافي حد عطاني كلام واضح
بخصوص السيارة اتمنى اني الاقي زووووم او مرسيدس نظيف
وبصراحة اذا ما احد عطاني رأي ما راح اشتريها لاني زي ما قلت ما ابغى اورط في السيارة
وفي انتظار ردودكم الكريمة |3|

silk @user_46162 صاحب الموضوع · 30-05-2007

yaserx كلامك سليم 100% وفعلا خليتني انتبه على حاجات كثيرة كانت رايحة عني وبصراحة الواحد كان يحسب انه بيروح هناك بيلقى سيارة نظيفة وحلوة على طبق من ذهب
بس مداخلتك انت وكمان الشباب اللي كتبوا لي ارائهم ما قصروا معاي ابدا
وشكلي كذا راح اروح واقضي اجازتي اذا لقيت شي زين شريت وان لا يكون الواحد قضى اجازة واذا رجعت يصير خير
مشكووووووووووور مرة ثانية

yaserx @user_37552 · 29-05-2007

أولا : إن سلمت من نصب الشريطية هناك ولقيت موتر تأخذه من حرمه أو من شخص مستعمله إستعمال شخصي فهذا شئ زين .

ثانيا : السيارات جمركها الرسمي 5 % من قيمة السيارة , وتحسب قيمة السيارة بموديلها وذلك بأن تنقص 10% من قيمة السيارة لكل سنة 2006 تنقص 10 % من قيمتها جديدة و 2005 تنقص 20 % من قيمتها ومثال ذلك : سيارة 2006 قيمتها بالسعودية 100000 تنقص 10 % من هالقيمة تصبح 90000 ثم تحسب 5% فتصبح = 4500
هذا بشكل رسمي لكن الموضوع فيه أخذ وعطى ممكن شباب الجمرك يطيحون لك حسب مزاجهم و حسب إذا لك معرفة بالجمرك !!

ثالثا : لاتقرب السيارات الأوروبية وخااااااااااااااااااااااااااااااااصةً المرسيدس , بتقول ليش ؟؟
الإجابة من فلسفت الجمارك يقولون بسبب اليورو وسعر صرفه , فممكن هالكلام صحيح لكن أعتقد إن الجفالي محمية سلعته من قبل الجمارك , فأنصحك لا تروح تجيب سيارة أوروبية تأكد من الموضوع أكثر , وأتمنى كلامي يطلع غلط .

رابعا : الجمارك بعد ما تجمرك يعطونك لوحات سوداء مكتوب عليها جمرك والظاهر لها مدة معينة ولازم تبدلها بعد ماتجي ديرتك تروح للمرور ويبدلونها لك بـ 500 .

خامسا : لاتنسى النظام الجديد اللي يقول لا بد أن تفصح عن ماتحمله من أموال والظاهر إنهم محددينها بـ 60000
واللي لازم تدفع جمرك عليها .

ملاحظة : كل هالمعلومات بحث وتحري شخصي قمت به من شريطية ومن ناس إشترت مواتر من دول الخليج ومن الإنترنت والسبب لأنني كنت أنوي شراء سيارة من إحدى دول الخليج ثم ألغيت الفكرة من رأسي , وممكن تطلع بهالمعلومات أشياءغير صحيحة أو غلط ولكن لاتنسى إني مارحت وجربت الموضوع بنفسي .

تقبل تحياتي

silk @user_46162 صاحب الموضوع · 28-05-2007

خي الفاضل لي صديق يعمل بالمواصفات والمقاييس وقد اخبرني منذ فتره طويله بأن الرسوم تتحدد بناء على سعر البطاقه الجمركيه للسياره وموديلها
واذا انت بالشرقيه خبرني
وافيدك اكثر
بس شوف ترى سيارات الامارات ماانصحك فيها ابدا ملعوب فيها كثير

وتحياتي
مشكور اخوي نابولي بس للاسف انا في الرياض بس تقدر تفيديني في موضوع البطاقة الجمركية هذه يعطوني اياها من المعرض ولا من مرور الامارات يعني ولا وش سالفتها؟:confused:
بالنسبة لموضوع السيارة غالبا راح تكون مرسيدس صغيرة 190 او 230 (فرخ الشبح) وموضوع نظافة السيارة بحاول آخذها على مركز من مراكز الخدمة المحترمة عشان الواحد لا يتوهق
واخيرا لقيت الجملة هذه واحد كاتبها في منتدى وما ودي احط الرابط عشان لا تصير دعاية الاخ كتب بالحرف الواحد:
[SIZE=2]فرضوا عليه رسماً لسيارة مرسيدس s300 موديل 1992 مبلغاً وقدره 5700 ريال !!
نعم 5700 رأيت بيانها الجمركي بأم عيني !!
فهل تصدقون ذلك ؟!!
بصراحة تاريخ مشاركته بشهر 3 سنة 2005 بس شكله من الرابط اللي عطاني اياه الاخ الاصمعي اعتقد ان موضوع التقدير كان قديم؟ ولا انت رايك؟
[/SIZE]

نابولي89 @user_38727 · 25-05-2007

اخي الفاضل لي صديق يعمل بالمواصفات والمقاييس وقد اخبرني منذ فتره طويله بأن الرسوم تتحدد بناء على سعر البطاقه الجمركيه للسياره وموديلها
واذا انت بالشرقيه خبرني
وافيدك اكثر
بس شوف ترى سيارات الامارات ماانصحك فيها ابدا ملعوب فيها كثير

وتحياتي

silk @user_46162 صاحب الموضوع · 24-05-2007

شكرا على المعلومة اخوي mis_kfu
كفيت و وفيت يالأصمعي فعلا روابطك مفيدة
و انشاء الله اذا الله وفقني وشريت اول شي بحط صورتها هنا و آخذ رايكم
ويعطيكم العافية

mis_kfu @user_33309 · 24-05-2007

جمارك 5% من قيمة السيارة

اللوحه والاستماره والمواصفات والمقاييس تقريبا 1000 ريال

وبالتوفيق

الأصمعي @user_35042 · 23-05-2007

أخوي silk

في الرابط التالي حوار مع مدير عام الجمارك صالح المبارك تطرق الى ضوابط استيراد السيارات المستعملة

http://www.al-jazirah.com.sa/cars/13122006/viw2.htm

وفي هذا الرابط التعرفة الجمركية لمعدات النقل من المصلحة العامة للجمارك

http://www.customs.gov.sa/CustomsNew/tariff/seccls.aspx?sectionno=17&secname=معـــــــــــدات%20نقـــــــــــــــــل

وهذا الرابط الصفحة الرئيسية للجمارك السعودية

http://www.customs.gov.sa/CustomsNew/default.aspx

وبانتظار الأعضاء اصحاب الخبرة في مواضيع الجمارك حتى يفيدوك

وتقبل تحيتي

الأصمعي @user_35042 · 23-05-2007

الله يوفقك ياخوي وتحصل مبتغاك

انتبه للسيارات اللي يكون معدل المقود فيها!

بالنسبة للجمارك على مااعتقد ان السيارة ياخذون منك على حسب الموديل يعني حديث او قديم....

او احسب 5% من قيمة السيارة نسبة ماياخذونه منك

الكلام السابق مجرد اجتهاد مني لا اعلم مدى صحته لاني سألت فيه قريب لي!!

تحيتي لك

silk @user_46162 صاحب الموضوع · 23-05-2007

Senior الله يجزاك خير وما قصرت يالحبيب
بصراحة يا اخوي الاصمعي انا اللي فهمته انه بالنسبة للاسعار مافي فرق كبير بس الفرق يكون
في حالة نظافة السيارة واستعمالها هذا اللي انا سامعه يعني اعتقد عندهم معارض فيها شي اسمه مستعمل فائق الجودة
وبيني وبينك انا اللي مخوفني الجمارك اخاف تطلع عليا جمارك 4000 او 5000 يعني ما سويت شي
وشكلي كذا بروح اقضي اجازتي واشوف ان زان لي شي خذيت وان لا اسمي قضيت اجازتي
يعطيكم العافية مرة ثانية وما قصرتوا واتمنى احد يفيدني في موضوع الجمارك

الأصمعي @user_35042 · 23-05-2007

الله يرزقك ياخوي بالسيارة النظيفة واللي تريحك

مااادري وش تفرق السيارات بالامارات عن هنا ؟؟

هذاك اول كانت السيارات عندهم ارخص بالسعر ويمكن احسن مواصفات

لكن اللحين اشوف انه نفس السعر ويمكن عندنا ارخص والمواصفات ماتفرق كثير

تتحيتي لك

S E N I O R @user_31926 · 22-05-2007

مرحبا اخوي

اتمنى منك الانتظار ريثما يردون عليك بقية الاعضاء

وبالتوفيق