هل الكامري2007 تستحق 71 الف؟؟؟؟

الله يالدنيا حتى السوناتا صارات تنافس الكامري .......(حتى الذر يقرص )
خخخخخخخخخخخخخخخخخ

ياحبيبي وش جاب وش جاب اناااا اقووول والله اني عيب اني ارد على هالموضوع لانكم لابغيتوا تقارنون قارنوا سوناتا على مستواه ماهو تجيبون مستوى اكبر منه 1000000 مررررهـ |4|


واعذروني على هالكلام بس عجزت اصبرررررررر:mad:

ومن ناحية السعر انا دافع بموتري كامري 2007 79 الف ولا هو خساره عليها بالعكس دفعته وانااااااا مقتنع ولو تقولي ادفع على السونا 60 للفل كامل والله مادفعه عشانه كوريه وامتجيب سعر عند بيعه وتهرقل وتغثك وتطلع عليك بـ 120 الف مع الخرابات والدنيا فكنـــــآ فكنــــا...|3|


وكلن له وجهة نظر ........ هذا كلامي وكلام كل واحد مامعه سوناتا لان اكيد الي معه سوناتا ماراح يسبها والي معه ددسن موديل 80 ماراح يسبها ............يعني كل واحد راح يمدح سيارته

فياليت تخلون التعصب وتقولون السراحه ................................|1|




مشكور اخوي على الموضوع

الهيونداي في طور النمو ولحد الحين بدأت تتطور وتنمو وتكبر وتتربى بعز من شراها ان شاء الله هع هع
صراحه عندنا واحد لاعن ابو الاكسنت اللي عنده موديل 2001 وتوه بايعها 9000 وباقي تمشي لحد الحين بس عيبها تتهربد الديكورات والاكسسوارات والكماليات والحلويات >><< كأنه مصخها شوي يبيله تفقيع وجه
وصحيح ان الكامري تستحمل لكن الهيونداي بدت تتطور

سعرها كثير عليها لكن لأنها تمسك سعر فراح تعوضك عن الخسارة عند اعادة البيع

والكامري سيارة تضمنها 7 سنين بالراحة

والسوناتا ممتازة ولو فكرت اخذ سيارة السوناتا بتكون منافسة بقوة لكنها تفتقر للإعتمادية لأن شركة هيونداي لسه بارزة وتحتاج وقت أطول حتى تثبت نفسها بقوة ونظريا السوناتا ممتازة بحكم مراكز تقييم الجودة

الكامري افضل من السوناتا والماكس والاكورد واللومينا والكابريس
مع ان نصها مشلح من ابو جميل لكن تبقى الكامري كامري
توفير بنزين رخص قطع غيار ومن القهر تجده بالبقاله شكل رياضي يكفي انه من تويوتا وكرف
يالله باي

يا عمي .. الله يصلحك ليتك تشد حيلك وتشوف قطع الغيار بعدين قل إلي عندك

عندك الإسطب الخلفي الركن (إلي في الزاوية) بـ 330 والإسطب إلي في الخلف تماماً بـ 250


إلا وأنت طالع تصلح سيارتك ( الكــــامري) ليتك تشوف لي أسعار قطعها الإستهلاكية |1|

على طاري قطع الغيار

يعني ما مسكت الا على هيونداي

تويوتا رخيصه انا معكم

بس اذا انتم تقولون ان قطع غيار هيونداي غاليه

خذو من وقتكم شوي وشوفو اسعار الهوندا او السوبارو او نيسان او مازدا او الكابريس واللومينا او السيارات الاوروبيه

وبعدين تعالو وقولو قطع غيار هيونداي غاليه ولا رخيصه

انا جربت الكامري 2007

وكلمة حق اقولها لتويوتا .. بالفعل صنعتو سياره تستحق الاحترام

كامري 2007 غيرت نظرتي للكامري اللي كنت اكرها

بالنسبه لي افضل موديل نزل للكامري هو 2007

هذا بالنسبه للكامري

اما بالنسبه لهيونداي

انا عندي سوناتا 2002 وكارفها كرف لدرجة اني ظلمت السياره وممشيها 240 الف

السياره محترمه وتكد وماقصرت معي

عز الله انها تحملتني وتحملت الكرف والخطوط والحوادث اللي جتها

وللحين فيها حيل وللحين امسك فيها خطوط وماتقول اح

ومن تجربتي اقول هيونداي تكرف وتكرف وتكرف غصب عن اللي مايرضى

ولحد يجي يقول تحت الـ 2000

هيونداي بأت تطور من 2000وفوق

وزادت الجوده فيها بشكل ملحوظ من 2005

بس ماتوصل لجودة التويوتا على المدى البعيد بس تتفوق عليها بقلة العيوب الصناعيه

واللي يقول انها ما تخرب يفكرها نازله من السما

يعني مثل سيارتي غيرت فيها وغيرت فيها وغيرت فيها وشي عادي ليش لأني كارفها خمس سنوات

وماتجي بالعقل سياره ماشيه 240 الف وماتغير فيها شي

عموماً

السالفه مو تعصب

لكن السالفه هي كيف نتقبل ان هيونداي دخلت عالم المنافسه مع تويوتا وهوندا <<< ماقلت تتفوق عليهم قلت تنافسهم

وانا بأذن الله ناوي على ازيرا

وتأكدو ياللي تذمون في الكوري

لو ان السوناتا اللي معي خرده على كلامكم .. كان الحين ادور النحشه عن هيونداي ولا ابلش عمري فيها مره ثانيه

لو ان السوناتا الي معي كلها خرابات .. كان مافكرت ادفع في هيونداي 90 الف

معروف قطع الكامري رخيصه

انا معاي كامري 2007 انكسر عليه الاصطب الخلف القطعه الثانيه الكبيره الي تجي مع البودي مو مع الشنطه وغيرته ومن الوكاله 260 ريال قولي انت كم اسطب السوناتا ؟؟؟؟؟؟؟

هذا اذا لقيت عندهم اسطب ههههههههههههههههههههه

اقف احترام للكامري

أنا شاري سيارتي كامري 2006 من معرض بقيمة 69000 ريال فلا تستغر وهذا الحجي العام فلا تستغرب إذا كامري 2007 وكالة 71000 ريال يعني حيل من حظك

صراحه الكامري زاد سعرها والله سـعــر غـــــــــــــــــــــــــــــــــــــــــــالــــــــــــــــــــــــــــي
انا لو مكانك ادفها نيسان التميا احسن لك
مبروك مقدما
في امان الله

بس الكامري تجميع استرالي

أنا ما أقول إلا ..

شف الكابرس الـ 98 وما قبله وشف الـ 2000 وما بعده

يا أخي الكريم الحكم بالسيارة ليس فقط بالعمر :)

إنما بتقارير الخبراء ومنهم المجلات

ولو كان كلامك صحيح لما تفوقت السوناتا (الكورية إلي تحقرها) مستويات عالية في السلامة والجودة

وأخيراً أقول مثل ما قلت .. والله الكلام ضايع ... :)

لا والله ما تستحق

وانصحك بالهوندا اكورد جديد "الهوندا اصلي اصلي "

واذا تبغا سعر حلو راح ارسلك لواحد ماراح يقصر معاك