مكيف الكامري 2007 ولا بريااااال...!!!!

انا مقدر اعمم على كل الكامريات 2007 لكن ابقول عن تجربه


استاجرت كامري 2007 ماشيه 30 الف والسياره نظيفه مره وقير اتوماتيك


بالليل المكيف ولا احلى لكن في الصباح بعد الساعة 10 المكيف سيئ والهواء ضعيف ولازم ترفع على اقوى


شي في المروحه ويالله يالله يبرد ويجيك هواء واعتقد والله اعلم بانه فيها اخطاء في التصنيع او اختلفت التقنيه عن

الكامري القديم








ولدي ملاحظه على بعض اقوال الاخوان من ناحية هذه الجمله وهي :: مكيف الكامري معروف انه يبرد


هنا لانقول شي معروف مثلا بالموديلات القديمه ولكن الجديده لربما اصبح فيه خلل او خطا تصنيعي


فدائما نحن نحكم من زاويه واحده ولا ننظر من جميع الزوايا كل شي وله نقاط سلبيه فلربما النقطه السلبيه في

الكامري 2007 هي المكيف وعدم كفائته في التبريد


ولاننسى بانني لم احكم على الكامري ككل وانما حكمت على سياره واحده فقط من تجربه شخصيه


والله الموفق

والله يا جماعة انا مستغرب مثلكم شلون مكيف كامري 2007 مو بارد؟ لابد بوجود سبب انصحك تشيك الوكالة يمكن سيارتك بالذات فيها مشكلة من بين سيارات الكامري كلها عادي حصلت واجد في عدة انواع من السيارات على العموم هذي نصيحتي روح الوكالة على طوووووول و بالتوفيق suga suga تشاو

يااااارجااال حتى انا عندي كاامري 2007 المكيف في الظهر ولا بقرش والله .
وعندك اذا لفيت لفه قوويه يبرد وبعدين يرجع نفس المشكله

اخوي انا معاك في هالشي ... مطلعين كامري 2007 ومكيفها في الظهرية ولا الصباح تبريده عادي جدا ...
ووديتها الوكالة قالوا مافيها شي !!!

معروف مكيف التويوتا وخصوصاً الكامري .............. يتميز بالبرودة ماشاء الله ..

لذا أعتقد ان المشكلة فردية ..

والمفروض يكون العنوان كالتالي :

مكيف سيارتي الكامري 2007 ولا بريااااااال .... !!!!

بدون التعميم على جميع موديلات 2007


لأنها مجربة والناس تشهد بكفائتها ...

يا اخي الكريم تأكد من اللمبة حقت الزر A\C مولعه عشان الكمبريسور شغال

او رح الوكالة وعلى الضمااااااااااااااااااااان

السلام عليكم جميعا
اي واحد يقول مكيف الكامري مو بارد واحدمن اثنين 1- كذاب ((معليش على اللفظ )) 2- او مكيفه خربان وبس
السيارات لي تخلي الوزتين تلتهب هي الكامري والكرولامن حدة البرودة
انت انسان توقف سيارتك في الشمس ولا تحط شماسية لك حل واحد تظليل عازل حراري وبس والله تدعيلي

طبعا الكلام هذا ينطبق حتى على موديل 2007 كامري انا مجرب هذا الشي

نعم .. هذا هو عيب الكامري و الأوريون مديل 2007

و للأسف المكيف فيها سئئئئئئ و كذلك التوزيع تبع الهواء .. !!

أنا أتوقع أن لون السيارة الخارجي له تأثير ، وكذلك اللون الداخلي .
فإن كانت من الألون الغامقة فهي تمتص وتحتفظ بحرارة الشمس .
كما أن لمكان وقوف السيارة أيضاً تأثير ، فعندما تقف في مكان مظلل في وقت الظهيرة ثم تركب السيارة وتشغل المكيف ستجد أن المكيف بارد ، بينما عندما تقف السيارة في مكان مكشوف وتحت أشعة الشمس ، فستجد أن المكيف وكأنه لايبرد ، والحقيقة أن المكيف في الحالتين واحد ، ولكن التأثير بسبب درجة الحرارة الداخلية للسيارة ، فتتأثر كفاءة المكيف بدرجة الحرارة الداخلية للسيارة ، والدلي أنظر إلى المكيف في الليل ، هل تغير المكيف ؟؟ الجواب طبعاً لا ، ولكن كفاءة التكييف تغيرت .

وعلى سبيل المثال أنا لدي جيب مرسيدس بمراتب جلد ، وكنت أشتكي من المكيف في النهار ، وبالذات عند وقت الخروج من العمل حيث كنت أركن سيارتي في مواقف مكشوفة ، ثم بعد أن أصبحت أوقفها في مواقف شراعية مظللة تغير الوضع وتحسن المكيف ، وعندما أصبحت أوقفها في مبنى المواقف ( مبنى كامل مخصص للوقوف ) أصبحت كفاءة المكيف أفضل بكثير وكأنه في الليل . والسبب في ذلك يعود إلى أن درجة الحرارة الداخلية للمواقف أقل بكثير من خارجها ، بل هي أقل أيضاً من المواقف الشراعية والتي تحجب أشعة الشمس ولكنها لا تحجب حرارتها .

آسف على الإطالة ، وكان ردي هذا للتوضيح عن سبب الإحساس برداءة المكيف في النهار ، ولا أظن أن كامري من تويوتا تعاني من مشاكل في التكييف ، فهي إن جاز لي التعبير ثلاجة في سيارة أو سيارة في ثلاجة ( ما شاء الله ) .

انا معاي كامري 2007 ومكيف الكامري ماعليه اي كلام اذا مايبرد عندك ياخي منت خسران شي روح للوكاله ويعدلونه على اضمان
بعدين لاتقول جديده ومافيها شي عادي تحصل في السيارات الجديده انا اذكر واحد على ايام 2005 اشترى جيب شاص من الوكاله وكان يشغل المكيف يجيه حار راح شيك عليه في الوكاله حصلو الفريون فاضي وعبوه له وهو واقف

قل الحمد لله انه مهوب مكيف لومينا

تحطه على 3 يجي زي LO في الكامري

صورت قوي وبرد شوي

واي ريحه قدامك تدخل زي السلام عليكم
وانت حاط A/C

ما أدري بعض الردرد تقول

شغل A / C وبعضها يقول ما عرفت تشغله


الرجال يقول انه ما يبرد بالشكل المطلوب

وما قال أنه حار أو ما يشتغل



أنا أملك سياره تويوتا

ولما تكون السياره واقفه في الشمس ( فتره الظهر )

طبيعا جدا ان المكيف ما يبرد بسرعه فياخذ وقت علشان يعمل بالشكل المطلوب


بس اذا كانت المكيف ما يبرد بشكل واضح سواء في الليل أو النهار


فهناك مشكله في المكيف ( شيك على الفريون )

مكيف الكامري من اقوى المكيفات في السيارات الخليجية

واحد من الشباب عنده اوريون 2007 نفس الشي المكيف سيء جدا جدا بالظهر ..
وداها الوكالة وقال لهم عليه .. عدلوا له الفريون تحسن شوي ولكن مازال سيء جدا ..
في الليل تبريده اوكي .. بس في الظهر يبي له ربع ساعة لين مايبرد ..

صدقني أنت ماعرفت تشغله :)

اصلا مكيف الكامري من 2003 الى 2007 فاشل جدا
معي كامري 2006 ومكيفها الظهر تقول مكيف صحراوي حق عزبة هنود
فرق بين مكيف الكامري ومكيف الماكس اللي كانت معي الثرا عن الثريا
مكيف الماكس في الظهر تقريبا درجة الحرارة في عز الصيف تقريبا 49 اذكرها ماشاء الله تقول
فريزر تجميد اما الكامري فاشل حق 2002 افضل بكثير

اخوي الكريم

لازم تكون لمبة الاضائه حقت الزر A\C مولعه عشان كذا يكون الكمبريسور شغال

بعدين الكامري لا ترفع مكيفها للاخير خليها على درجتين

وانا مجرب كامري 2007 شخصيا ومكيفها جدا جدا بارد

اتمنى اني افدتك

محمد ...

انا اتكلم عن كامري 2007 مو3 200

بعدين لاسيارة جديدة وما فيها اي مشكلة

بس ممكن ما ارعف اشغل المكيف صح ولا ايش؟

كيف طريقة تشغيل المكيف؟ وما تحسون به؟