كتلوجات للجموس الكلاسيكية (ألحق النسخة محدودة)

مجهود أكثر من رائع أخوي أبوأسد

بصراحة موضوع مميز


يعطيك 2000 عافية

جبتها على الجرح يا ابو اسد

شف الجموس الصح
تحس ان فيها صدام بمعنى الكلمه
امش ولا تخاف من احد اللي يبي يلف عليك خله يلف هو الخسران
صدام تحس ان ودك اي واحد يسويلك قلق تخلص عليه تهشمه نهائيا
بس كل ما عليك هو ان تضغط على الفرامل بكامل قوتك وانت امامه لكي يتم تهشيم واجهة سيارته

أخوي Mr.GMC

أنت صاير لعاب أجل تدخل النت في الدوام :D خخخخخخخخخ
أهم شيء أن الموضوع أعجبك التنظيم والترتيب فيه مع أني أخاف أنك متضايق لأنك قد نزلت موضوع وأنا نزلت موضوع أحسن منه ;)
والله يرحم جدا ويسكنه الجنة وقصة الجمس معه عجبتني ذكرتني بواحد كبير من الأقارب معه جمس موديل 88 ماشاء الله عليه نظييييييييف مرة ولا يحركه كثير إلا للديرة ولتحميل الأغراض وحتى ماشاء الله لو أقولك كم ماشي ما راح تصدق |10| بس ماراح أقول خوفي أحد يحسده ههههه
وبصراحة أكثر شيء عاجبتني في هذي الجموس الكلاسيكية أنها أعتبرها أكثر الجيوب القديمة أنتشارا عندنا حتى لو تلاحظ في الرياض وِش أكثر سيارة جيب أو عائلية قديمة راح تلقى الجمس في المقدمة وهو أكثر شيء حتى ما أعتقد أن عدد اللاند والباترول القديمة مجتمعة توصل لعدد الجموس القديمة



والله شوف أنا تقدر تقول لقيتها بالصدفة

حيث طلعتها من yahoo image

كيف

دخلت مثل ما قلت لك موقع ياهو قسم البحث عن الصور وكتبت كذا

GMC SUPURBAN 1991

ثم طلعت لي صور كثير

من ضمنها هذي الكتلوجات ودخلتها ولقيت هذي الصور وقلت ما راح أبخل على حبايبي أعضاء منتدى السيارات

وهذي طريقتي في بحثي عن الصور الكلاسيكية للسيارات جربها أن شاء الله تضبط معك



وش دعوة الموضوع موضوعك



أنا خابرك تحب السيارات الأمريكية الكلاسيكية وتوقيعك خير كلام على ذلك وغير كذا تذكرك يومك حاط موضوع عن الجمس لذلك أرسل لك الدعوة


أخوكم أبــــــــــــوأســــــــــد|3|


هههههههههههههههه موب لعاب بس ياخي فاضي ماعندي شي
نظام شغلي لحسه :D
اقعد ساعتين فاضي ؟؟
وأبشرك والله الموضوع جداً جداً عجبني|1|
وصدقت انا نزلت موضوع قبل عن ولادة الجمس حتى الان:D
لكن فعلاً واقولها لك بكل صراحه موضوعك اجمل من موضوعي بكثير|1|
واهنيك بصراحه والله يوفقك إلى الافضل إن شاء الله

والله يرحم جميع اموات المسلمين : )
والجمس ناوين يبيعونه اللحين حق جدي
حتى الددسن موديل 85
وماشاء الله شكله ماشي شوي ماشاء الله تبارك الله بس لاتقول كم عشان لاينصك بعين
وصدقت اكثر السيارات القديمه إنتشاراً الجموس فقط
ومرغوبه بشكل خيالي إلى الان مرغوبه !!!!!
وعرفت نظان بحثك انا اسوي مثلك بقوقل وياهو


وتسلم يالغالي موضوعي وموضوعك واحد كلنا نرجع للجموس
وفعلاً تراني اعشق الامريكي الكلاسيكي لدرجة الجنون
ومافكر الا اني اقتني سياره كلاسيكيه ومب جديده
وابشرك توني شاري كابرس موديل 1979 ومابعد وصل للرياض لأني شاريه من خارج الرياض ونظيييييييييييييييييييييف ولله الحمد
لكن إذا وصل بصوره بالتصوير المفصل للسياره وانزله بالمنتدى عشان تشوفه
وابشر بإذن الله اول مانزل الموضوع بعطيك خبر برساله خاصه يالغالي
وصدقت بتوقيعي هذا دليل اني احب الكلاسيك
والسياره اللي بالتوقيع دودج شارجر موديل 1968
فديتها بسسسسسسسسسس

يعطيك الف عافيه مره اخرى وسلمت يمينك يابطل
اخـوك Mr.GMC

ياخي تعبت.............. ههههههههههه

ما شاء الله عليك الموضوع طويل و مفصل ومفيد وشفت فيه اشكال غريبه للجمس واشكرك عليه

(قال موضوع على الماشي قال...ههه)

ماشاء الله تبارك الله

ابداااااااااااااااااااااااااااااااااااااااااااااااااااااااااااااااع

الله يرزقك بالجمس اللي تتمناه

بصراحة الاحمر يذكرني بواحد يسميه حمرين نفس الموديل والشكل وكل شي

وبالنسبة للي كنه سيدان بس بيك اب ... موتر رااااااااايق


والصورة الثانية اللي فيها بليزر بصراحة يقطع القلب



الله يعطيك 1000 عافية

ولله انك كبير يا بو اسد ...


بحاول اني انزلهم كلهم لانهم مفيدين حييل ..



يعطيك الف عافييه :)

لا هذا شايفه بنفسي موديل 87 او 88 دفرنسين

يعطيك الف الف الف الف الف الف الف الف الف الف الف الف الف الف الف الف عافية

اه يالذكريات ايام زمان كنت على طول اول ما اشوف خمس لمبات صغيرة على التندة اعرف انه جمس وهو جاي من اخر الحارة

السيارة الي احبها من صغري ولازلت اقدر شئ اسمه جمس

ملاحظة : الامريكان من زمان ماكان ياخذون الا 1500

مشكور اخوي ابو اسد ولاهنت

بعطيكم بعض المعلومات عن الجموس الكلاسيكية خصوصا من 1980 وطالع

بعضها تكون فيها أنواع معينة مثل SIERRA وSUBURBAN

وهي الي يقولون عنها الناس قطع كذا

ففيها 3 أنواع

قطع 1500
قطع 2500
قطع 3500 <<< حاليا في الموديلات الحديثة جدا هذي ماتلقاها إلا في بيك أب فقط بينما سابقا تلقاها حتى في السوبربان الكلاسيكي! يمكن ما أحد يصدقني بس أنا شفت بنفسي سوبربان مكتوب عليه قطع 3500

وطبعا كل قطع يتميز عن الأخر بقدرة تحميل أعلى ويتميز قطع 1500 بمحرك أصغر وأقل أستهلاك وبمساعدات خلفية يايات ومريح جدا في الخطوط ووسط المدينة
بينما 2500 بمحرك أكبر وأستهلاك يكون أعلى شيء معروف لكن تتمتع بقدرة جر هائلة جدا ومعدل الراحة فيها ممتاز بس أقل من 1500 لأن مساعداته الخلفية هي سيست وليست يايات بس ميزتها أنها تتحمل الأوزان الثقيلة جدا ولا تنخفض للآسفل عند تحميلها
وقطع 3500 ليس لدي المعلومات الكافية عنه بس يتحمل في التحميل أكثر من غيره.



بعض السيارات تشوفون عليها تصنيفات حرفية قبل أسم السيارة في بعض الصور تلاحظ كلمة JIMMY بعض الأحيان تلقى قبلها حرف معين ومثل ما تلاحظون في بعض الصور تلقاها بهذا الشكل

V-JIMMY
K-JIMMY

هذي حسب معلوماتي فروق المواصفات عن التجهيزات الخارجية والميكانيكية وليست المواصفات الداخلية فقط

يعني خلنا بعطيكم مثال

السوبربان قطع 2500 يجي منه نوعين
R2500
V2500

تدرون وش الفرق بينها (طبعا في أنواع كثيرة وما أعرف الفرق بينها بس هذي هي الي عندنا في السعودية أو الخليج) الأول يعتبر دفع خلفي وبمحرك الضخم بينما الأخر دفع رباعي لكن بمحرك الأقل حجما

أنواع المحركات فيها والمعروفة عادة
محرك 454 ويبلغ سعته 7.4 لتر من 8 سلندر بشكل V ويبلغ قوته 250 حصان (من طراز BIG BLACK)
محرك 350 ويبلغ سعته 5.7 لتر من 8 سلندر بشكل V ويبلغ قوته 210 حصان في أخر الموديلات وبعضها 190 حصاناً. (من طراز SMALL BLACK)
ويوجد محرك سعته 6.2 لتر ديزل لكن ليس لدي معلومات عنها بأمكانكم الأطلاع عنها في الكتلوجات لمعرفة كل شيء عندها
بعض الأنواع والي كانت ممنوعة سابقا في السعودية (ما أدري الحين الوضع أختلف أو لا) تجي مكينة ممنوعة من طراز (BIG BLACK) وهو المحرك المرعب 502 وهو هذا الأسم الحقيقي له والبعض يسميه 512 والبعض يقول أيضا 511 لكن الرقم الصحيح له هو 502 وسعته تبلغ 8.3 لتر أما القوة لا أعرف عنها وكان يتوفر في سيارتين فقط وهي البيك أب وسوبربان وكان يتوفر في البيك أب الغمارة أكثر شيء والي يسمونه الناس عندنا بهبهاني :D


تتمتع الجموس الكلاسيكية ذات الدفع الرباعي أنها تجي دفرنسين يعني دفرنس خلفي ودفرنس أمامي وليست عكوس أمامية وهذا يعتبر في غاية التحمل والقوة والصلابة وأيضا الدبل قير |1| الموديلات الحديثة للآسف الشديد نسبة الدبل اليدوي فيها هي ما يقارب 8% وما تجدها إلا في أقل الفئات ذات الأقل مواصفات.

وهذي المعلومات التي لدي حاليا وأن توفرت لي معلومات أخرى أو أحد يبي يسأل راح أجاوبة بالي أعرفه

أخوكم أبـــــــــــــوأســـــــــــد|3|

أخوي سريع جدا


منور بزيارتك للموضوع :)

وبصراحة مالاحظت المرايات في البداية تودي أدري!

مع أني ما بعد شفت عندنا جموس كلاسيكية عندنا في الرياض مراياتها صغار مثل الموديلات المذكورة أغلبها ألقاها كبيرة مرة أو نفس الي في موديل 1976 أن كان الموديل أقل من 1985 ألاحظها كذا

ومشكور على مرورك





أخوي start over

تسلم والله على كلامك

وفعلا الجموس كلها كذا |1|





أخوي Mr.GMC

أنت صاير لعاب أجل تدخل النت في الدوام :D خخخخخخخخخ
أهم شيء أن الموضوع أعجبك التنظيم والترتيب فيه مع أني أخاف أنك متضايق لأنك قد نزلت موضوع وأنا نزلت موضوع أحسن منه ;)
والله يرحم جدا ويسكنه الجنة وقصة الجمس معه عجبتني ذكرتني بواحد كبير من الأقارب معه جمس موديل 88 ماشاء الله عليه نظييييييييف مرة ولا يحركه كثير إلا للديرة ولتحميل الأغراض وحتى ماشاء الله لو أقولك كم ماشي ما راح تصدق |10| بس ماراح أقول خوفي أحد يحسده ههههه
وبصراحة أكثر شيء عاجبتني في هذي الجموس الكلاسيكية أنها أعتبرها أكثر الجيوب القديمة أنتشارا عندنا حتى لو تلاحظ في الرياض وِش أكثر سيارة جيب أو عائلية قديمة راح تلقى الجمس في المقدمة وهو أكثر شيء حتى ما أعتقد أن عدد اللاند والباترول القديمة مجتمعة توصل لعدد الجموس القديمة



والله شوف أنا تقدر تقول لقيتها بالصدفة

حيث طلعتها من yahoo image

كيف

دخلت مثل ما قلت لك موقع ياهو قسم البحث عن الصور وكتبت كذا

GMC SUPURBAN 1991

ثم طلعت لي صور كثير

من ضمنها هذي الكتلوجات ودخلتها ولقيت هذي الصور وقلت ما راح أبخل على حبايبي أعضاء منتدى السيارات

وهذي طريقتي في بحثي عن الصور الكلاسيكية للسيارات جربها أن شاء الله تضبط معك



وش دعوة الموضوع موضوعك



أنا خابرك تحب السيارات الأمريكية الكلاسيكية وتوقيعك خير كلام على ذلك وغير كذا تذكرك يومك حاط موضوع عن الجمس لذلك أرسل لك الدعوة

أخوكم أبــــــــــــوأســــــــــد|3|

هلا ابو اسد
فعلاً فعلاً فعلاً شغل مضبوط وشغل عدل وشغل %100|1|
ماشاء الله عليك وسلمت يمينك
والله اشكال الجموس والشفر فخامه كلاسيكيه وجمال ولا احلى
تصدق جدي (الله يرحمه) عنده سوبربان موديل 86 وكاله للحين موجود ماشاء الله رشة الوكاله فيه
احمر من الوسط وفوق وتحت لون رصاصي غامق نظييييييييييييييييييييييف ماشاء الله
ومايطلعه الا للسفريات او المناسبات (تعرف انه حق رسم ):D ومكيف ولا احلى مره شغل مضبوط
واللحين موقفينه في البيت ولا حركناه له تقريباً 10 شهور
بس اعذرني تصفحت الصور بشكل سريع لاني ارد عليك من الدوام:D
< شغال بالتلفزيون وداخل النت حقهم خخخخخخخخخخخخخخخخخخخ
وابشر إذا رحت البيت ادخل واقعد امخمخ عليه وافصفصه حبه حبه ونا ادور زي هالمجله من زماان عشان اخذ معلومات عن الجمس والشفر
لكن يالغالي ودي اعرف من وين جبت هالمجله لاني ادور عن اكثر من مجله لانواع من السيارات
مثل الدودج مودلات 1968 إلى 1970 وفورد وبونتياك موديلات الـ60 إلى 70
ودي اطلعها بس علمني الله لايهينك
وآسف عالاطاله يابطل
ويعطيك الف عافيه وشاكر لك على الدعوه ولاهنت|3| |1|

تقبل مروري وسلامي أخـوك :
Mr.GMC

وربي انك مبدع يا أبوأسد على هالموضوع
وفعلا GMCابدعت في سياراتها القديمه والحديثه

أخوي أبـوأسـد



ما شاء الله عليك موضوعك رائع ومتميز


وأكثر شي شدني ولاحظته هو المرايات الجنابيه


في الموديلات من 1971 // 1983


صغيره جدا وكأن السياره سيدان متوسطه الحجم

غريييييييييييييبه



أكرر شكري لك على الموضوع





تحيااااااااااااااااتي