اكسبلورر أم فورشنر

sharefi @user_45363 · 07-07-2007

استفسار بسيط ايهما الافضل من جميع النواحي الشكل الخارجي والداخلي القوة السياره في البر والمرتفعات
والأهم من ذلك ايهما اصبر على الكرف وارخص في قطع الغيار والأغلى عند البيع

بصراحه انا معجب بالسيارتان وهي تقريبا بنفس السعر وقوة المكينه

ارجو الرد مع الشكر

ابي سياره حق عشرسنوات

رافع العالي @user_51477 · 28-07-2007

J

JEDDAHBOY

الاكسبلورر وانت مغمض

يالربع الفورتشنر كانك ماخذ هايلكس

حرام ترمي فلوسك في سيارة مافيه فرق بينها وبين الوانيت

في رأيي الخاص .. كلامك سليم

ومع احترامي لأصحاب الفورتنر ولشركته وقوته و .. و

أنا كل ماأشوفه يعطيني انطباع .. بأنه ونيت "مصندق" عند السليماني ما أدري ليه !!

وجهة نظر !

الخل الوفي @user_44434 · 14-07-2007

ق

قناص محترف

اخي الخل الوفي إذا كان البنزين full كم كيلو يمشيك داخل المدينه وأثناء السفر (فورتشنر)

داخل المدينة يمشي 400 كيلو، وفي الخطوط يكمل 450 إذا ما تزيد على الـ 140 كلم/س.

LAMBADA @user_13601 · 14-07-2007

بالنسبة لي أفضل الاكسبلورر بكثير عن الفورتشنر ...

نظرا لجمال شكله الخارجي والداخلي وتعدد مواصفاته ..

وراحته وهدوئه .. الحسنة الوحيدة للفورتشنر هي قوته بالطرقات الوعرة

وبالنسبة للتحمل فالاكسبلورر معروف بتحمله وقلة أعطاله

والفورد عموما تحملها كبير جدا .. وذلك عن طريق تجربة ..

قناص محترف @user_21266 · 13-07-2007

اخي الخل الوفي إذا كان البنزين full كم كيلو يمشيك داخل المدينه وأثناء السفر (فورتشنر)

عابر البيد @user_12635 · 13-07-2007

ارى ان الفورتشنر افضل من ناحية الجودة والاعتمادية والاقتصاد في الوقود وكذلك في الطرقات الغير معبدة والسيارة سبق ان جربتها في رباضة وخرجت منها بكل سهولة وكان المحرك 4 اسطوانات. بينما يتميز الاكسبلورر في نعومة المحرك وهدوء المقصورة .. وحقيقة لايصلح للرمال الكثيفة والرباضات وذلك عن تجربة شخصية ..

تحياتي ..

C300-SRT8 @user_24687 · 12-07-2007

اذا بتقارن الاكسبلورر قارنه مع البرادو اذا تبغى تويوتا
لان البرادو معقول شكله وفخامته

الخل الوفي @user_44434 · 12-07-2007

الإكسبلورر أريح في الخطوط وأوسع داخلياً، وفيها وسائل أمان أكثر، والصراحة فعلاً شكلها جميل جداً. لكن إللي يقول مكينتها قوية، فهذه فقط في محرك الثمان سلندر، أما المحرك إللي يجينا، ست سلندر، فهو ضعيف نوعاً ما ولا يقارن في القوة مع السيارات المنافسة مثل فورتشنر وباثفايندر وتريل بليزر.

LT_RAM @user_19318 · 12-07-2007

ياجماعه...
لو سمحتوا حافظوا على ألفاظكم...والرجاء احترام أذواق الآخرين واحترام مشاعرهم...

ولا تنسوا ان المستشار مؤتمن...فلا تقل ماهو ليس في السيارة ولا تعطيها أيضا أكثر من حقها...

dar4arab @user_33607 · 12-07-2007

ا

الصارم البتار

عزيزي مر الصناعية وشوف اكثر سيارات متعطلة تجد اكثرها الفورد . ومر الحراج تلقها ارخص مافي السوق من سيارات هي الفورد. وانت تقول لي فورد. بصراحة الفورد صارت سيارات الناس المطفرينين الي يبي يكشخون

ماشاءالله الي يسمعك يقول مفتاح البنتلي ولا المايبخ بجيبك ..!

ياخي احترم نفسك وقدر الفاظك وش الي مفطرين كل سيارتهم فورد ..!

ياحبيبي الي مايطول العنب حامض عنه يذوووق

الفورد لو على قولتك خرابات كان ماخذته الدوريات في السعوديه وفي امريكا

ولو على قولتك خربات كان ماتشوفه انتشر بشكل رهيب مع ان سعر الكابرس واللومينا نفس موديله تحصلهم نفس السعر لكن الفورد انتشر

ومع هذا الفورد له 9 سنين ماتغير ومع هذا شوف الاقبال على موديل 2007 كيف

samy5689 @user_38901 · 12-07-2007

h

hasounah

سيارتي فورد اكسبلورر 2002 ولها معي سنتين ولااروع وسيعه من الداخل وصرفية بنزين ممتازه وراحه في الخط سافرت فيها الامارات وداخل المدينه جدا مريحه وقطع غيارها معقوله والوكاله ممتازه وماني من رواد البر نهائيا يعني حدي الشفا!

اما الفورشنر ماعندي اي معلومه عنه ومن الخطأ ياشباب الكلام عن اي سياره بدون تجربه!!:)

كلام سليم ميه ميه

ونصيحه للاخ انت جرب السيارة وانت حدد طلباتك وشتبي سيارة بر والا سيارة خطوط طويله

بالنسبه للي يقول كل من شرى الفورد ندم اقله بلاش تظليل لو انك مجرب الفورد كان تغير رايك للمعلوميه عندي شقيق الاكسبلولر ميركوري ماونتير 2007 والى الحين تمام وماشي 15 الف راحه وفخامه رغم اني كنت اشوف الفورد اسوء سيارة لكن بعد التجربه تغير كل شيء

وانت جرب ولاتسمع كلام الناس لان اكثر الناس متعصبين لسياراتهم يمدحونها ههههههه

وسلامتك

قناص محترف @user_21266 · 12-07-2007

كل سياره فيه سلبيات وفيها إيجابيات

hasounah @user_25171 · 12-07-2007

سيارتي فورد اكسبلورر 2002 ولها معي سنتين ولااروع وسيعه من الداخل وصرفية بنزين ممتازه وراحه في الخط سافرت فيها الامارات وداخل المدينه جدا مريحه وقطع غيارها معقوله والوكاله ممتازه وماني من رواد البر نهائيا يعني حدي الشفا!

اما الفورشنر ماعندي اي معلومه عنه ومن الخطأ ياشباب الكلام عن اي سياره بدون تجربه!!:)

الصارم البتار @user_44687 · 12-07-2007

عزيزي مر الصناعية وشوف اكثر سيارات متعطلة تجد اكثرها الفورد . ومر الحراج تلقها ارخص مافي السوق من سيارات هي الفورد. وانت تقول لي فورد.

تم التحرير...
الرجاء احترام مشاعر الأعضاء الآخرين وأذواقهم...

محب الموستنج @user_40552 · 11-07-2007

ا

الصارم البتار

أخوي للاسف من يحكم على الفورتشنر لا جرب ولا ساق .لكن بحكم تجربتي مع السيارة لمدة تصل سنتين خذ الفور تشينر وانت مغمض لعلمك كل من اشترى فورد ندم وانا منهم قبل سنوات شريت فوردوندمت (قال هايلكس مصندق صراحة هذا الكلمة تضحكني)

ما اصدق إنك مجرب الفورد لان ما سمعت واحد اشتره الفورد وندم
القصص زايده هذه الايام
الفورد شكل ومشية وقوة خيالية

الخل الوفي @user_44434 · 11-07-2007

والفورد إكسبلورر سبورت تراك مصندق ههههههه

youkn_2005 @user_49303 · 11-07-2007

مثل ما قالوا الشباب الفورشنر هايلوكس لكن مصندق
وما يستاهل سعره ابد
لكن الاكسبلورر شكله حلو ومريح

قناص محترف @user_21266 · 11-07-2007

السياره ماتحكم عليها الا بعد ماتعدي 100.000 كيلو

الصارم البتار @user_44687 · 10-07-2007

أخوي للاسف من يحكم على الفورتشنر لا جرب ولا ساق .لكن بحكم تجربتي مع السيارة لمدة تصل سنتين خذ الفور تشينر وانت مغمض لعلمك كل من اشترى فورد ندم وانا منهم قبل سنوات شريت فوردوندمت (قال هايلكس مصندق صراحة هذا الكلمة تضحكني)

عاشق اكسنت @user_36200 · 09-07-2007

الفورتشنر وبس والباقي خس