بدلت بواجي السيارة وقامت التفتف؟؟

السلام عليكم ورحمة الله وبركاته
زي مقالولك الشباب تاكد ان الاسلاك راكبه صح هذا اول شي
وبعد مااتتأكد انه راكبه صح ولاراحت التفتفه معك فك البواجي وتأكد انها نفس البوجي القديمه
واذا ودك تفتك من وجع الراس رجع القديمه وش فيه فرق معك ولا لا

عفوا اخوي نسيت لا اقولك ممكن تكون من اسلاك البواجي صارت معاي من قبل على العموم مشكلتك بسيطة يا انها من البواجي او اسلاك البواجي تشاو

السلام عليكم شباب اخوي السائل صارت معاي في سيارتي غيرت البواجي وقامت تتفتف و صار حرارة عند القير و طلع صوت مكينة زد مو جالنت المهم وديتها لورشة طلع الخبل في بوجي ما ركبه مظبوط و تجمع فيه كربون لاكن الحمد لله الورشة ظبطه و طلعت طبيعية اوكي يمكن الي عندك نفس المشكلة تشاو

قد حصلت نفس المشكله تماماً معي بسيارتي الكابرس
حيث ذهبت بسيارتي لمحل قطع غيار وطلبت بواجي جديده اصليه واعطاني اياها ويوم ركبتها ظلت تتفتف وتقطع وفي الاخير وفكيت مع الكهربائي البواجي القديمه وقارنتها مع الجديده واتضح لي ان هناك اختلاف بالرقم والكود وهنا المشكله

الحل يجب ان تفك البواجي مرة واحده وتسجل رقمهما وتحفظه لطلبه من محلات القطع

والله الموفق

حياك الله اخوي
الي فهمته من موضوعك انك قمت بنفسك بستبدال البواجي وقد يكون قمت بشئ خطاء مثلا تركيب سلك البواجي في غير محله
او
لم يركب بشكل جيد
او
او انك ركبته وضغطت عليه بقوه يعني رعصت على البواجي وشديت عليه م في التركيب
ولكن خذ الموضوع بشكل الاسهل يعني افحص الاسلاك وهل هو راكبين بشكل جيد واضغط على راس السلك من البواجي واضغط عليهم من اخر السلك

هلا أخوي
انا حصلت لي نفس مشكلتك من شهرين تقريبا
وكان السبب ان البواجي تختلف لكن تشتغل مع تفتفة بسيطة رغم اني ماخذها من الوكالة
المهم رحت لفرع وكالة غير الاول وطلبت بواجي لسيارتي السوناتا
فقالي تبغى عادي او الاكتروني
قلت وش الفرق
قال كلها تشتغل لكن الافضل لسيارتك الالكتروني
فخذت الاكتروني وراحت التفتفة لكن اكتشفت ان الوكالة الاولى كانت معطتني بواجي عادي
فهاذا هو سبب التفتفة
المهم اذا كنت تبي تتأكد ان البواجي اللي انت مركبها نفس البواجي القديمة
( اذا كانت عندك البواجي القديمة , اما اذا كان ماعندك البواجي القديمة فتحصل نوع البواجي المناسب لسيارتك في دليل المالك ) فشوف الارقام نفس بعض ولا لا
ومعليييييييش طولت عليك



أخوك
S O S O 2 0 0 4

المشكلة اكيد من اسلاك البواجي ، لأنه مع الفك والتركيب يمكن تتأثر ، بس تأكد من تركيبها صح في مكانها يعني تسمع صوت الكبسة واذا ما ضبطت معاك غير اسلاك البواجي وان شاء الله تضبط.

طيب تاكدت من ان البواجي خاصة لها يعني راعي المحل اعطاك البواجي الصحيح