لاحظتم كثيرا في مواقع اننا في السعودية محرومين من مواصفات كثيرة موجودة في سيارات تويوتا يعني انا احب الكامري وانا ادفع فوق الـ 80000 ريال عليها ولا فيه الا مسجل وقير ودركسون بينما في الخارج في امريكا يوجد نظام ايه بي اس ومانع انزلاق ووسائد هوائية جانبية ونظام بلوتوث بين السيارة وهاتفك النقال ويمكن التحدث عبر سبيكر السيارة والاستماع من السماعات اللي موجودة في السيارة ومسجل بسيدي وريموت اصلي غير كذا الكثيييييييييييييييييييييييييييير
وانا من اللي يحبون الكامري ولكن بالمبلغ هذا في الخارج تلقى الكامري فل كامل وايضا مواصفات اعلى من اللكزس ايه اس عندنا بس سكت قلت من حق ابو جميل انه ما يخرب على نفسه سوق اللكزس ...
ولكن بعدما رأيت اللكزس في الخارج ونظام ايقاف السيارة ونظام تحديد الطريق وشاهدت في احدى المنتديات هذا الاقتباس
(بالنسبة لنظام توقيف السياره وكذلك نظام التنبء المبكر بالحوادث مثل الموجود بالمرسيدس اس كلاس وايضا نظام ابقاء السياره بين الخطين في الشارع واحتساب المسافة بين السياره بالامام والخلف وكذلك نظام مراقبة السائق بواسطة حساس مركب فوق المقود يبقي السائق متيقظ.كل هذه الانظمة موجوده في الكزس المصنعة لامريكا واوروبا وشرق اسيا عدا الشرق الاوسط غير متوفره بحجة ان الوكيل لم يطلبها وهذا مش كلامي وانما كلام المصنع بعد عدة مراسلات واضيف ايضا ان وكلاء دول الخليج دون استثناء لم يطلبوا هذة المواصفات ليش ؟؟؟؟ الله اعلم )
يعني معقولة حتى اللكزس اللي نفع فيه ربع مليون ريال واكثر ومحرومين من اهم المواصفات وهي مواصفات امان ما هي ترفيه وبس واحنا تنازلنا عن الترفيه بس فيه انظمة كثيرة خاصة بالامان لنا ولاطفالنا واسرنا ومحرومين منها سياسة المبيعات هذه سيئة لابعد الحدود وفيها تلاعب باموالنا لدرجة ان اصحاب الهيونداي صارو يرفعون رؤوسهم امام اللي معه لكزس اي اس والله من حقه من زود المواصفات اللي عندهم يعني ما اقول الا اننا لازم نشوف حل للمسألة هذه حتى اذا كان فيها مقاطة للشركة بس تتعدل وفيه شي اهم من كذا انه ما فيه جمارك عالية هنا ولا فيه ضرائب عالية هنا ليش التنقيص في المواصفات والله ما فيه الا مقاطعة للوكالة وبس .
