محتار بين التاهو ول gxr مطلوب رايكم؟

الاخ برق وسحاب انت تعرف وش معنى كلمة modified ؟ يعني معدّل يعني مزوّيد يعني ببساطة عليها تربو (اللاند و البرادو اثنينهم)
انا إختياري للبر ( مرّه إلا مرتين في الأسبوع مع الشباب يعني رجّه) لاندكروزر ليس بسبب قوة مكينته ولكن لتحمّله الأعلى
انا اختياري للبر (مرّتين في الشهر إلى مرّه في الأسبوع وطلعات محترمه عاقلة مو ملعنة خيّر للموتر 4 ساعات أسبوعيا و إلا شبه يوميا زي بعض الشباب الله يهديهم!!!) + خطوط + راحة+صرفية ممتازه+إستجابة وقوة اداء+مواصفات = تاهو او يوكن
كل موتر له زباينه وله مستخدميه
يعني اللاندكروزر لو تلقى واحد عزوبي شاريه تقول ينفع لكن التاهو ينفع للعايلة اياً كانت اشاء الله واحد وزوجته لكن واحد عزوبي احس ان شكله مو لايق عليه و الناس اذوااااق

المحرك اضعف من التاهو هذا صحيح........بس ضعيف جدا <<<<<<<<<<مبالغ ونا اخوك.

وقير اللاند اقوى من التاهو ............

شوف المقطع هذاوقلي يقدر التاهو يسوي بالرمل كذا.........
http://www.youtube.com/watch?v=5AvfJD6ApsI

وشوف هذا المقطع:
http://www.youtube.com/watch?v=iOkgKuskhKo



وخويك الي يقول فرق السما عن الارض شكله حق مدينة ولاهو حق جبال وبران وطعوس..


تحياتي.

يا خوك انا مجرب اللاندكروزر موديل 96 شاريه وكاله ما خليت عليه مكان سفريات و بر و صار لي عليه حادثين قويه و الى اليوم و السياره ماشيه معاي زي الحلاوة لو كان امريكي والله ما يصبر

اذا انت راعي بر لاند كروزر وانت مغمض
واذا بالمدينة التاهو كمان وانت مغمض

والله يوفقك إن شاء الله

نصيحة اذا انت راعي بر وصيد ومتعود على لعن الموتر وماتشيك على السيارة الى كل شهرين انصحك بلاند كروزر ....... اما غير كذا التاهو .......|1|

التاهو من السيارات اللي تتحمل وتكرف وممتازة جدا للخطوط

لأنها مريحة ومحركها قوي على عكس اللاندكروزر ( محركه ضعيف جدا )

لي صديق كان يمتلك لاندكروزر جكس آر واشتري يوكون قبل فترة ويقولي فرق السما عن الأرض

طبعا لصالح اليوكون ... انت استخر وشف اللي يناسب لك ,,

هذا كلام فارغ الياباني كان في السابق يتميز بالجودة اما الان اصبح من اسوأ السيارات جودة اذا كان الشئ الوحيد الي يخليك تاخذ gxr هو عشان الجودة فهذا غلط لان زيه زي اي سياراة ثانية ليس بمعنى كلامي ان تاخذ التاهو ولكن حتى لو تفكر في بديل اخر

الي بيفكروا في التاهو تاااااااااهواااااااااا

اللاند أغلى
التاهو أريح
اللاند أقوى
التاهو أحلى

أرجح التاهو

GXR

وبس

خصوصا الموديلات الجديدة نظام دفع رباعي مستمر

لاتحتار لان لاتوجد مقارنه بين التاهو ولكروزر خصوصا في السفر والخطوط

التاهو افضل في الخطوط ويتحمل ومريح

راعي بر؟ ولا مدينة؟

هذا يحدد اختيارك

ياخي من ناحية الجودة فالأمريكي (جمس وتاهو و إكسبدشن) ما يعيبهم شيئ ابد و إذا انت تحافظ على الموتر يعطيك عشر سنين مرتاح. إذا السيارة للخطوط والسفر فالجمس (يوكن , سوبر, تاهو) والفورد (إكسبدشن, إكسبلورر) هذه مواتر الخطوووووط بلا منازعة.

من ناحية الأجود فاللاندكروزر اجود يعني يعطيك 15 سنة إذا انت حافظت عليه و شكل ارزّ واداء عالي في البر(التماتيك في البر لا يتفوق على التاهو بل يمكن العكس) تحمّل اعلى في البر لكن للخطوط لا يقارن بالتاهو و الجي إم ( سيارة مثبت سرعة مافيها تطلع حقت خطوط؟!!! وسيت التاهو سُمكه يسوي إثنين اسيات لاندكروزر)
ببساطة حق كشخه وبرّان وداخل البلد : لاندكروزر
حق سفر وخطوط وداخل البلد(نفس حجم اللاند) وبرّان مرّه في الشهر طلعات عاقلين: تاهو
الله يعينك و الله ادري انها حوسه الواحد مجمع دراهمه سنتين يبغى يطلع موتر ويجي يلقى السوق اشكال والوان لكن عليك بالإستخارة اولاً وشوف اللي يناسب إحتياجاتك ولا تراعي الناس واذواقهم

من راقب الناس مات هماً