ارجوكم ضروري مشكلة بالفورد جراند ماركيز 2004 امريكي

العفو وحياك الله .. بالنسبة لنسخ الكلام وتوريه راعي الورشة .. أرجو رجـاء ألا تسوي هالطريقة .. علشان مـا يستغفلك ويقول هـذا ماله خبرة .. اكتب عندك هالكلمتين ( المقصات الخلفية العلوية والسفلية ) يفكهم ويشحم فتحات ربط المسامير ) واحفظهم حتى توصل للمهندس .. وإذا كنت من الريـاض ارسلي رسالة خاصة وبوصفلك ورشة مضبوطة سووهـا لموتري ..

اما بالنسبة لإرتفاع صوت المكينة وعزمهـا المفاجئ .. والله مدري وش المشكلة بالضبط يمكن الشباب يفيدونك فيهـا .. والله يكون بعوننـا وإياك وكل مسلم مبتلي بالفورد

تحياتي :)

مشكووور اخوي بروقهاام

الف شكررر

وتراني ماعني خبره بالسيارات ابدا

ولكن راح انسخ كلامك واوريه راعي الورشة وهو يتصرف


وعلى فكرة اليوم صار لي شيء غرريب جدا

وهو بعد ماغيرت السيفون والزيت حطيتها بالـ D ومشيت وتجي اشاره

واضغط فرامل الا السيارة استهاجت علي وتمشي واترك البنزين وتدووس !!

<< وانا في قمة الاستغراااب !!

وعلى طول ضغطت فرامل وحطيتها الـ N واسكرهاا

واشغلها واسمع صوت دعسة ويجي يمر واحد من عندي

وقال سلامات قلت والله مدري وش فيها واشغلها ويسمع الصوت وقالي ادعس وتزبط ان شاء الله ودعست بنزين وفعلا الحمدلله رجعت لحالتها الطبيعية

وقلت وش المشكلة قال هي كذا بعض المرات اذا غسلتها او توك مغير شيء فيها تعلق !!

لكن انتم وش راايكم ياشباب وهل الاشياء هذي عادية ؟

لاني توني جديد على الفورد

الله يصبحك بالنور يـا أبو جـاسر .. وضحكة العافية يـارب :D .. والله يسمـع منك .. محتاجين دعواتك ودعوات الجميـع .. يـا إن المشكلة تنحل ، أو إن الله يجعل فورد للخسـاير اللي تخليهم يحرجون على الشركة .. |1| |6| .. تحياتي لك :)

بروقهام .... اضحكتني مع الصبح وأنا توني ما أفطرت ......أضحك الله سنك :D

الله يخارجكم من هالقرقعة في أسرع وقت ممكن وتهدى حياتكم ... ويصبح شعار النقابة بعد أن يكرمكم الله بعلاج هذه القرقعة ( لاقرقعة بعد اليوم )

لا أجل مـاضبطت معـانـا .. ولا راح يشرفنـا بالنقابة .. دام صوت صرصرة .. فالحمد لله المسألة بسيطة .. ومرت علي .. هذا الصوت سلمك الله مصدره المقصات الخلفية فيهـا ربلات وقطعة حديدية إذا اصيبت بالصدأ قامت السيـارة تصرصر صرصرة بسيطة ومـع ذلك تقهههههههههر .. الحل إنك تخليهم يفكون لك المقصات الخلفية ( العلوية والسفلية ) ويشحمونهـا لك ..وجرب السيارة ترى بتروح الصرصرة يوم او يومين .. الهدف من التجربة علشان نتأكد فعلاً من إن الصرصرة مكانهـا المقصات الخلفية مو شيء ثاني ، وبعد التشحيم إذا راحت ورجعت فإعرف إن المشكلة من المقصات الخلفية بدلهم كلهم علوية وسفلية بمقصات أصلية ، وإذا مـاراحت بعد التشحيم فمعنـاتـه إنك لابد وتشيك على مسامير المساعدات الأمامية اللي شابكة بالمقص ، وبرضه تشيم على ربلات الأذرعة .. سوي اول شيء تشحيم المقصات الخلفية لإني متأكد منهـا 100 % ..إذا مـا راحت خبرني وانا براجع إرشيفي وبخبرك بحل .. تحياتي لك ..

مشكورين اخواني على الرد والمرور

ولكن الصوت احسه كذا صوت صرصرة خفيف

واظن انه مثل ماقال راعي الورشة ان الصوت طالع من البدي


لكن ماادري بالظبط من وين الله يعين :(

والحل طيب يااخووااان ؟؟؟

أنصحك عدم غسل السيارة بستم نهائياً لأن العمال اللي مايفهمون راح يغسلون المكينة وكل شي تحت الكبوت بالديزل ثم يرشون الماء والصابون على الماكينة وهذا يأثر على الكويلات التي تعمل على الكهرباء وبعد فترة تبداء السيارة تقطع وتفتف معك
إذا حبيت تغسل السيارة بستم أغسل السيارة من تحت فقط ولا تخلي احد يفتح الكبوت ابدا وخلك معاهم حتى لايغلطون ويغسلولك الماكينة
أما بالنسبة للقرقعة فحياك الله معنا في نقابة ضحايا قرقعة مكائن فورد على الرابط اللي عطاك هوه أخونا بروقهام (وللمعلومية اخونا بروقهام هوه مؤسس الرابطه) ولا تخاف إن شاء الله بسيطة وبنلقى لها حل

تحياتي

والله شف احسلك رح لورشه ثانيه يمكن يعطيك الخراب هذ

والسلام خير ختام:cool: