خبر يضيق الصدر ان صح عن التاهو2007 والسوبر بان 2007

المكسيما من اول مانزلت الى الان ياباني 100%

من الان وحتى 2008 يكون بها الطريقة
باع اكثر من "يوكون" ويضمن ان العمولة اللي تطلع له من البيع مابتنقطع !!!!

مشكورين يا اخوان على تفاعلكم معي وانا هذا الي كنت متوقعه منكم.

لكن يا اخوان على اي اساس يقول هل كلام لو كان ما عندهم تاهو يقول زي كذا وش طريقة التسويق
الغبيه هذي.
طيب تدمر سمعت سياره على شان تبيع السياره الثانيه الي عندك طيب ما يدري ان راح يجيه
سيارات 2008 كيف راح يبيع التاهو اذا كان مطلع مثل هل الاشاعه والله غبى ؟

لكن يا اخوان لما سألنا عن التاهو الي في الجميح قال خلص كله مابقي الا الملكي .
والسوبر مثل مابقي الا كم حبه .

لكن الله ياخذ الي مسك هل الموظف مثل هل الوظيفه.

بالتوفيق يااخوان

,
,
,
يمكن قالك الموظف هذا الكلام لانه لم يتبقى عند الجميح او بالبيد او التوكيلات سيارات من طراز تاهوو 2007 بكل فئاتها

مقابل ان اليوكون متوفر بشكل اكبر


وجه نظري الشخصية

باين انه هلمندوب يعطيك صواريخ.. ما عمره التاهو صنع في استراليا! كندا والمكسيك وامريكا هي بس الي تصنعه

يا أخي من كثر فهم مندوبين المبيعات و الله قابلت كثير منهم فيه معلومات نعرفها من البديهيات في هالمنتدى و هم و الله ما يعرفون شي عنها حتى بعضهم ما يعرف ينطق اسم السيارة اللي هو يبيعها
خلها على الله بس ياخوي و اسال اخوانك المخلصين في هالمنتدى الطيب و تجيك العلوم السنعة الصادقة من القلب و لا تضيق صدور الناس بمعلومات ما انت متاكد منها و ممكن تكون دعايات مغرضة وفقنا الله و اياك

هذا الخبر عاري عن الصحة فالسيارة أمريكية 1000 %

يا أخوان كل سيارات شفروليه من موديل 2003 وما فوق من شركة دايو علشان الشفروليه اشترو دايو وواحد من أخواني معاه اوبترا 2005 المفتاح الاحتياط عليه علامة دايو

السلام

اخواني الاعزاء

منذ ان بدا الصراع بين الشفر والجمس بدات الاشاعات والحروب بين الشركتين وهم اخوان لام واحده

حيث يشعل دسيس اللغو بين الاخوة

وكله لصالح ال جي ام

الام

ابصم بالعشره ان السيارتين وجهين لعمله واحده ويفرق فقط المواصفات الاضافيه

فلو فرضنا ان صاحب الجيمس احتاج وايرات كهربا فقط يذهب لاي شركة اما الجمس او الشفر

ويطلب القطع ويبلغهم فقط بالموديل

وحجم المكينه

فجميع هذه الاشاعات تصدرها جهات لا تعي لمردودها

الزبده

الجمس والشفر صناعه امريكيه 100%

وهذا المتبقي من صناعة الجي ام الامريكيه المفتخر

فاذا انتقلت الى استراليا على حد قوله سوف تنتهي هذه الشركه

لان باقي سيارتها لا يمكن الاعتماد عليها

شكرا وتحياتي

ياخي الى متى نصدق اي كلام

وش فرق اليوكون عن التاهو
والسوبربان عن اليوكون اكس ال

الفرق مجرد شعـــــــار وشكليات

كلها تخرج من خط انتاج واحد

ولا تصنع الى بالولايات المتحدة وكندا والمكسيك

وفيه حركة بسيطه تقدر انت بنفسك تتاكد على نفس باب السيارة يجي مكتوب بلد الانتاج وصلى الله وبارك


زي ما طلع اشاعة قبل فتره عن الاكاديا انها كورية وفي الاخير ثبت انها صناعة امريكية

بعدين هولدن ماعمرنا سمعنا انها تصنع suv المعروف انها تصنع كومادور وستيت مان الى هما الكابرس واللومينا

هههههههههه حللللوة :)

والله صادق

كملت السالفه ...

لا ومن الجميح بعد ههههههه

أتوقع ان ماعندهم في المستودع تاهو وما يبغى يخسر زبون قام طلعه له فقشه حلوه

ياليت تقول للي بيشتري يروح غير الجميح

عجباً !! بإمكانككم بكل بساطة فتح باب السائق بجانب خطاف الباب أو الكبوت وقرائة الآتي:

Made in United States of America = صنع في الولايات المتحدة الأمريكية

Made in Canada = صنع في كندا

Made in Mexico = صنع في المكسيك

Made in Australia = صنع في أستراليا

Made in Kingdom of Saudi Arabia = صنع في المملكة العربية السعودية (إن شاء الله :) )

هذا بدلاً من الاستماع لرجل مبيعات لا يفقه من السيارات سوى لونها وموديلها و فالحين في معرفة ان فيها تخشيب أو لا، علماً بأن ضعف مستوى معرفة رجال المبيعات ظاهرة متفشية في أغلب الوكالات.

سلاام

كلها من امريكا او المكسيك او كندا...

والفرق بين الشفر و الجي ام سي انو الجي ام سي افخم .... هذا اللي اعرفه

سلااام

وش مندوب المبيعات هالفاشل اللي بدل ما يسوق يروح يعيب منتجه :(

تخلف من جد

يااخي اقطع الشك باليقين وخليك من كل الكلام اللي ينقال ان كنت ماتصدق
روح الجميح
افتح باب السواق وطالع في الكتف حق البودي نفسه
اقصد طالع للمقعدة وبعدين دور عيونك يمييييييييييييين
تلقى استكر كبييييييييييير
لا ماهو كبير حيل بس يبان بسهولة
يكتب فيه سنة الانتاج ونوع المركبة والمصنع
ان كتب فيه جنرال موتورز استراليا فهو استرالي
وان كتب في نورث امريكا او ديترويت او ميكسيكو فهو امريكي
وحتى وان كان استرالي اخي العزيز
لا تخاف
معظم السيارات ان لم يكن جميعها يجمع في استراليا
كابريس
لومينا واصلها هولدين فوكسهول مونارو
ماكسيما
كامري
ماقنا
وكثير غيرها
وزي ماقال الاخ لا تستبعد انه ممكن في يوم بتلقى مرسيديس ولا بي ام دبليو استرالي
مع التحفظ لانه هذي شركات فوق المقارنة في اغلب الاحوال
لاننسى ذكر فولكس فاجن واودي بنت فولكس فاجن الاكبر
وان شاء الله مايسير الا اللي يرضيك
بعدين دقيقة انت تحسب اللي شغالين في الوكالات اهل للشغل
مع احترامي الشديد كثير منهم ممكن مايعرف اسم شركة السيارات اللي شغال فيها او اصلها الا بعد فترة من عمله
عشان كذا لا تاخذ على الكلام
اسف طولت عليك لكن كله عشان ترضى وترتاح اخي والسلام عليكم

اخوي عاشق الاودي
واخواني الاخرين شاكر لكم طرح هذا الموضوع
لكن جزاكم الله خير التأكد ثم التأكد من الكلام والمعلومات التي تطرحونها علينا
اولاً سيارات شفرلية وشي ؟؟؟؟
اذا كنت تعتقد ان سيارات شفر تنحصر على الي عندنا في الوكالة فانت وللاسف غلطان
كابرس و لومينا و ابيكا جزاك الله خير خذ لك لفه في النت شف اصل هذي السيارات
قد سمعت في شركة اسمها هولدن
طيب اكيد تعرف شركة دايو
السيارات هذي عندك الكابرس و اللومينا هذولي هولدن الاصل والله اعلم
اما الابيكا والسيارة الصغير ة الثانية مادري وش اسمه هذولي دايو الاصل والله اعلم
هذي بصراحة سيارات لا يعرف اصلها وفصلها
لكن اذا كنت ستتكلم عن سيارات شفرولية الاصل
زر موقع شفرولية www.chevrolet.com
شاكرك اخوي هذا الموقع امامك زره وتأكد بنفسك

يا جماعة الخير

ما تفرق اذا كان التجميع و التصنيع

أمريكي أو مكسيكي أو كندي أو استرالي

أهم شئ ان السيارة

تمشي معاي بلا خرابات

و تشد معاي و تفيدني

أما ان مسألة

أقيم السيارة

على بلد الصنع و التجميع

فما أعتقد انها الطريقة السليمة

للحكم على السيارة ...