تشغيل المكيف والسياره واقفه لفتره طويله

اذكر حالتين وفاة بسبب ترك السيارة والمكيف شغال فيها دون حركه لأن غاز اول اكسيد الكربون يدخل علي الراكب بدون مايحس..........

الله يبعد عنك الشر .. أوقف عن ذا السالفه

خلني أعطيك معلومة مفيدة جدا جدا

كل ما كان المحرك أصغر كل ما كان له القدرة على تحمل الحرارة أكثر
حتى تشغيل المكيف واقف لساعات بالسيارات الأربع سلندر عادي
و بالذات اللي مكاينها أصغر من 2.0

بالتوفيق

أخوي أنا اللي أعرف حتى النص ساعه مضره جدا جدا جدا

قبل فترة سائق ليموزين يمتلك فورد كراون فيكتوريا ونام تقريبا لمدة 3ساعات واشتعلت السيارة والله سلمه
عندك السيارة الأمريكية لما توقفها لمدة ربع إلى نص ساعه المؤشر يرتفع وتخسن السيارة..

أيضا اللكزس عند واحد من الشباب تجلس فترة قصير والسيارة واقفه ترتفع الحرارة
فما بالك ب5-6ساعات حراااام عليك موت لك وللسيارة

بالتوفيق

يعطيكم الف عافيه اخواني وكل من رد على الموضوع والف شكر على المعلومات

أعتقد أن الضرر راح يكون على المدى البعيد .

اول شي شكرا على الموضوع_ مدام حرارة السيارة تمام ومدام باتغير الزيت وفي شي مهم اذا كان السيارة كامري من 2005الى 2007 لاتشيل هم انا جربة من الساعة 1ظهر الى3

سألت هل تضر ؟ اقولك نعم ..
لكن لو تسأل هل الضرر كبير؟ اقول لك لا
اللي ما يبي سيارته يصيبها شي لا يشغلها ويتركها في البيت !
اي سياره راح تتأثر سواء واقفه أو تسير.. والأجهزه اللي بالسياره لازم تعمل على مختلف السرعات حتى في حالة الوقوف .. وكل ما مشيت كيلو تأكد انه راح يأثر في عمر السياره وهذا شي طبيعي وأنا شخصيا اجزم انك لو تسير بسرعة 190 كيلو لمدة عشر دقائق اخطر من وقوفك بالسياره وتشغيل المكيف لساعات.....

اول شيء اسأل الله ان يرزقك ويوفقك

ثانياً وانا اخوك اكيد يضر ..

اولاً يضر طرمبه المويه ويضر المراوح .. انا جربتها بعدين صارت ترتفع الحرارة علي وصارت مشاكل

ارجو اني افدتك

تحياتي

والله ياأخي السيارة لوتشغلها وبدون مكيف خلال عشر دقائق ترتفع حرارتها إما الربع او النصف فكيف بست ساعات (( إذا كنت ماشي بها بخط يمكن لان الهواء يساعد الراديتر على التبريد اما وهي واقفة يخرج الماء من الماكينة حار ويرجع اليها حار ومايلحق يبرد الماء مما يرفع درجة حرارة السيارة تدريجياً )) وانت اخوي طبعاً نايم مآنت مراقب العداد ...
انا أقول إن هذي وسيلة للرزق .. وليس هناك مجال للمغامرة ؟؟ وأضم صوتي لصوت أبو بدران
وفقكم الله .

أخي الكريم لست خبيراً في الهندسة ولكن
رأي أنه يضر بالأدوات كما قال الأخ نتيجة الحرارة المكتومة داخل الكبوت مثل التوصيلات والسيور وكذلك جسم المكينة

ولو رجعت للكتالوج (كتاب التعليمات) ستجد شيئاً في هذا الخصوص وهو عدم ترك المحرك يعمل لمدة طويلة دون تحميل
في كتالوج سيارتي مثلا وجدت العبارات التالية :
1-لا تدع المحرك يدور بسرعة اللاتحميل لأكثر من 20 دقيقة.
2-تجنب تسريع المحرك بينما السيارة متوقفة.

أتمنى أنني قدمت فائدة

اذا كنت موقف عكس الهواء فماله تأثير ان شاء الله لان الهواء باتجاه الراديتر ويبرد
وايضا اذا كنت موقف في ظل ( مثل الربع اللي يوقفون تحت الكباري) ان شاء الله ما تأثر

وتوكل على الله قبل كل شئ

دور لك مسجد

وريح فيه احسن لك

والله يوفقنا ويوفقك والمسلمين

والسلام عليكم

وعليكم السلام ورحمة الله وبركاتة

اخوي يعطيك العافيه بس فكر فيها شوي سياره وبالحر واقفه وتشغل المكيف شنو يصير اكيد
تتعب المكينه والمرحه تتعب وديربالك من غاز الأقزوز ترى خطيير بس ريح السياره بحكم انها تكسي وراح تحتاجها وقت ثاني

لو ثلاث ساعــات ممكن بس تقول خمس او ســت أحس أنــــها صــــعبه شوي على السيارهـ
وخاصــه لمـــا تكون واقـــفــــه ومعــتمدهـ على المراوح فقــط راح تتعب الأوتماتيك حق المروحــه

أخوي ما دامك مداوم على تغيير الزيت كل فترة وتعمل للمكينه تصفية كل ما احتاجت الى ذلك، فليس هناك اي خطر أو تعطل اي شيء اذا كان كل شيء طبيعي يعني اذا كانت الحرارة طبيعية خلي بالك مطمئن، بس الكامري الي عندك 4 او سته مع العلم بان الـ 4 ما يستحملون كرف. بالاخير الكامري معروفه بصلابتها وهذا الشيء راجعلك في النهاية، يعطيكم العافية...

سألت رجال قالي يضر بالعزم بعد فتره

أضن أنه خطر على السيارة يعني 6 ساعات وقت طويل جدا وأكيد أن السيارة بتنضر وإذا هذا حالك كل يوم فهذي مشكلة أكيد أن السيارة بتخرب
هذا ما عندي

وعليكم السلام ورحمة الله وبركاته
الله يرزقك الرزق الحلال
صراح خمس الى ست ساعات وقت طويل جدا والضرر بيكون من ناحيتين
الضرر الاول الاجزاء البلاسيكيه داخل الكبوت من اسلاك واغطيه الخ تتأثر بالحراره لما تكون السياره واقفه اكثر لأن المروحه وحدها لا تكفي بطرد الحراره كما لو انا السياره تسير
ثانيا وهو الاهم صحتك السياره جديده يعني غازات العادم ما تقدر تميزها زي لما تكون قديمه
يعني لو تسرب اول اكسيد الكربون الى الداخل وانت نايم طبعا يعتمد على وقفه السياره واتجاه الهوا
وتدوير الهوا الداخلي بيكون عليك خطر كبير ما ينبغي تستامن وتنام مع هذا الخطر
والله يوفقك ويستر عليك