السلام عليكم ورحمه الله وبركاته
حقيقه عاجز اعبر لكم عن شكري لكل القائمين على هذا المنتدى الاكثر من رائع وماهي غريبه عليكم دائما من ابداع الى ابداع ,, دائما اقرا مواضيعكم القيمه ,, سلمت اياديكم وعساكم عالقوه ,,
حقيقه انا توني متوظف وحبيت اطق موتر احلامي ولكن متردد بجم شغله .. فقلت اسأل الاخوان وما يقصرون باذن الله ,,
انا ابي جيب متحير مابين امرين :
1- جيب انفينيتي اف اكس07
2- جيب بورش كاين اس , موديل 2004 .. ماشي 70 الف
تقريبا كلهم نفس السعر , ويناسبون ميزانيتي الى حد كبير ,,
لكن لكل سياره مساوئ
الانفينيتي الاف اكس سياره اكثر من رائعه وشبابيه , لكن عيبها بتتغير سنه 2009 تغير كلي , والانفينيتي احس من يتغير بتروح هيبته في الشارع ..!
ومادري عن اسعار الصيانه ..
البورش كايين اس , من اسمه بورش له هيبه حتى لو تغير 2008 تغير طفيف , يضل قوي و8 سلندر , ويقوولون بورش top engeneer بالسيارات , لكن اللي يمنعني من البورش شيئين ماني متأكد منهم
1- هل صيانته غاليه؟ ولو ماعليكم امر تذكرون لي اسعار القطع الاستهلاكيه + سعر الصيانه الدوري
2- هل يتحمل جو الكويت (نفس جو الرياض تقريبا)<- طبعا الكويت احر مكان بالعالم ماتلحقون لنا ههههههههههه|2|
- - -
ادري ضيعتكم بالكلام بس الخلاصه , ابي تجاوبون على هاالاسئله
1- انفينيتي والا بورش وليش؟
2- احد يعرف عن صيانه البورش كاين اس ؟ جم اسعارهم ؟
ضروووري اللي يبي يرد يجاوب على هالسؤالين لا هنتوا ,,
بالاخير قلبي ميال للبورش اس بس متخوف من صيانته شوي + طقس الكويت .. ناطركم :)
