هل تعرف نيسان سيلفيا الرائعه؟ اذا كنت تريد التعرف عليها فأدخل !

king-camry


اشكرلك مرورك,, لاتستغرب من قوة السيلفيا تراها خطره

تحياتي

,,,

pnrb

اها !

شكرا لتوضيح بعض النقاط... تحياتي لك !

,,,

Initial D

صيح سمعت عن سيارة 240 اس اكس لكن بعد تطويرها مؤخرا اصبحت مجرمه وياليت لو تنزل عند الشباب في الخليج ,, بتصير انواع الهجوله والتفحيط عليها ,,,وشكرا لك

تحياتي

,,,

التيما اليتيمه (اليتيما),,,

صيح كلامك اخوي التيما

انا استغرب من دول الخليج كلها ومن الحكومات الخليجيه كلها وابغي جواب شافي من دول الخليج ..,,,

ليش يمنعون السيارات الرياضيه الي اسعارها في متناول الشباب ويسمحون بسيارات رياضيه اخرى ذات غلاء فاحش جدا جدا ؟؟؟

هل السبب هو الفلوس ؟؟؟ انا اتوقع ان الفلوس تلعب دور كبير جدا في المنطقه والواسطات بعد الله يخليهم..

الله المستعان

ولاشكر على واجب

تحياتي ,,,اتلانتس

السلام عليكم


السلام عليكم




كيف حالك أخوي

غريبه طيب أنا دايم أسمع إن فيه سيارات ممنوعه في الخليج أو في السعوديه فقط أو هكذا...

مثلاً حصل مع واحد من جيرانا أيام كنت في الكويت معاه جي سكاي لاين موديل 1989

وعزلوا من الكويت بحكم انهم سعوديين بس ما قدر يدخل السياره من جوازات الرقعي

وبعدها بكم يوم دخلها من جوازات الخفجي ( عن طريق واسطه )...

وأيضاً الجي تي هي ذاتها ولكن موديل 1992 وطالع تقريباً

منعت في الكويت أيضاً وكان لها إقبال كبير من الشباب الكويتي خاصه والإماراتي

فلا نعلم لماذا ...

وأيضاً الشاص الذي يمتلك تانكيين للبنزين كان في فتره عليه بعض التحفظ

جي ام سي 511 صحن أو 454 ممنوع من قبل المرور ولو أكتشفوا هذه الماكينه لتمت مصادرتها

وإبدالها بـ 350

ونجدهم من جهه أخرى يدخلون البورش 911 والفيراري واللومبرقيني والفايبر !!!



أخي أتلانتيس كل الشكر لك لإظهار هذه السياره من أرشيف النسيان

تحيتي

لا ياخوي, هذا هو شعار السلفيا ,يجي على شكل S :D والمفروض تكون عرف هالشيء بما انك نيساني .......
بالنسبة للصوره هذي انا شفتها سنة 2004 على انه راح ترجع السلفيا للتصنيع سنة 2006 لكن للأسف بعد كم شهر بندخل 2008 واحنه ماشفنا شيء ....
اخر موديل للسلفيا نزل للخليج كان الـ S13 او بالاسم الخليجي 240SX وانقطعت عن سوقنا سنة 1994
عندنا في قطر شفت كذا وحده مواصفات خليجيه ,ونفس الشيء في البحرين والكويت فيه بس قليل ,بس اكثر شيء تحصل منهم في الامارات لانه السوق مفتوح عندهم حق الوارد

انا قصدى عندنا بالكويت. كانت تجيبها الوكالة بالثمانينات مع السناتزا وبعدين توقفوا الثنتين. ما ادرى بصراحة إن كانت تجى السعودية.

ماشاء الله اربع اصطوانات وكل هالقوه

*z06*

مشكور على احلى هديه يا احلى عضو ! .. بس في اختلاف في شعار السياره ؟

ولا تحرمني من مشاركاتك الرائعه !

تحياتي

اعرفها من زمان وهي متوحشة ومشهورة في سباقات الدرفت لأنها دفع خلفي ستاندر
وهاذي السلفيا ال2008 هدية مني لك ولكل اخواني اللي قرأو الموضوع

pnrb

مشكور على المعلومه,, اول مره اسمع انها كانت تباع في السعوديه !! تحياتي لك !


,,,


salehhd

حياك الله اخوي صالح

نعم في سيارات قويه مره عندنا لكن ما يستطيع اي واحد يشتريهم الا اللي مخباه مليان فلوس !

وفي سيارات موجوده عندنا ومنها اللومينا اس اس هذه السياره البديعه جدا,, لكن يادوب تحصل غيرها في مستواها عندنا الا الشارجر,,! و الالتيما والافالون دفع امامي ما ينفعون حق دريفت

ومشكور على المشاركه تحياتي ..

,,,


أبو_تركي

اولا وقبل كل شي اشكرك على مشاركتك ..!

يمكن صحيح كلامك لاني سامع عن سيارات ممنوعه كثيره في الخليج

ويمكن تكون السيلفيا جوهرة اليابانيين المخصصه لهم ؟؟؟ كل شيء جايز.. احسد اليابانيين على سياراتهم الدريفتيه !!

تحياتي

يعطيك العافية


انا قبل اليوم ما اعرف ذا السيارة

مشكوررر

الله يعطيك العافيه على الموضوع
انا اسمع فيها بس ماعندي معلومات عنها

نفس الكلام مافيه شي اسمه السعودية او الخليج تمنع دخول سيارةما

السلام عليكم

مشكور على الصور والمعلومات ويعطيك العافية ونيسان مشكورة بمحركاتها الجبارة وتصاميمها المميزة
لاكن هناك نقطة المنع
لايوجد سيارة ممنوعة بالسعودية ولاكن المصنع هو الذي يحدد مكان التوزيع
فلدينا في السعودية الز ولدينا الدوج فايبر ولدينا لمبرجيني وبوغاتي وفراري وغيرها الكثير
لاكن هناك سيارات لايتم بيعها خارج اليابان مثل السكايلاين سابقاً واعتقد ان السلفيا ايضاً من تلك السيارات

السلفيا صارت بهالشكل !!! السيارة كانت تجى زمان عندنا وبعدين وقفوها. بس بذاك الوقت كانت غير مرة عن الشكل الحالى.

سريع جدا

صدقت والله انهم روعه وانت كذلك روعه


,,,

mnaief

صدقت يالغالي النيسان عذااااب و شركه الصراحه لا يعلى عليها في مجال السيارات الرياضيه

ويا بخت الي عنده نيسان له الفخر ان نيسان تنتج سيارات اسطوريه



,,,

تحياتي

النيساان عذااااب :)
لو ماتشوف بنيسان غير مكاينهم

روووووووووووووووووووووعه






يعطيك العافيه على الصور والمعلومات

سراب الحياة

السياره ممنوعه في دول الخليج كلها موبس السعوديه ....يمكن تحصلها في الامارات بس !!

,,,

fahod

اي والله صدقت اليابانيين مجننين العالم الا مخوفين العالم كله بوحوشهم,, وان شاء الله تطلع لك وحد وتكون مميز !! تحياتي

,,,

mr.magna1

نعم اخوي السياره فعلا رهيبه وعجيبه,,,

تسلم على مرورك

ماشاء الله سيارة حلوة فعلا
مشكور اخي العزيز على هالصور الحلوة

الله يخلي اليابان اللي مخبله العلم بسياراتها ...

والله حرام يمنعون هاي السياره فالخليج..

بس انشاءالله بييبلي وحده من يابان.