[COLOR="Navy"]السلام عليكم ورحمة الله وبركاته
مسااء\صباح الخيرر
هذي أول مشاركه وأتمنى عدم الجحده ;) وقبل كل شي أشكر جميع من شارك في هالمنتدى وبصراحه استفدت من تجارب الاخوان الشيء الكثيرر وهذا المطلوب من المنتديات تبادل الخبرات
عندي 30 سؤال أبختصرها في 4 أو 5 اسئله<<مدرس ثانوي في قريه كلهم من جماعته ويلخص لهم المنهج:p
عندي سياره قراند ماركيز2003 فل كامل جميع المواصفات ماعدا تدفئة المراتب طبعا تجي (التميت)
والبعض يسميها( ليمتد)<<الله يعطيك خيرها ويكفيك شرها ويرزق كل المسلمين وينعم عليهم
أنا اول مره اشتري فورد لاني ماكنت مقتنع فيه بس الحين الحمد لله غيرت رايي بس فيه اسئله كثيره ابي
اعرفها الله لايهينكم واللي عنده جواب لايبخل علي وعلى كل من يقرا الموضووع.
1- بالنسبه لتغيير زيت المكينة كم علبة بدون سيفون وكم علبة بالسيفون.
(تلاحظون العمال في البناشر يزودون دايم الزيت واذا قلت لهم لا يجلس يتفلسف عليك)
2- زيت القير كم ياخذ علبة ووش أفضل نوع وكم يكلف تغيير فلتر الزيت وأفضل فلتر.
3-الهيدروليك هذا سالفته سالفه ماعرف عنه شي بس احس الموتر احيان يكون نازل وأحيان وقفته عاديه
يعني مو نازل كثير واذا شغلت السياره أسمع صووت زي دينمو الهواء اذا اشتغل واحس ان الموتر يرتفع
شوي ويجي اذا شغلت الموتر واحيان اذا طفيته واحيان وهو واقف وشغال طبعا مايطول الصوت وأسمعه
احسه قدام في كبوت السياره؟؟
وابي اعرف الزر اللي بالشنطه تبع الهيدروليك بس فيه كلمة (off) يعني كيف اقدر انزل الموتر وكيف اقدر
ارفعه؟؟ والا الموضوع أتوماتيك وأنا انثبر(أنطق)=(أقعد) بمرتبة السواق واسكت؟؟|10|
هل يضر أني اخلي الزر على أوف يعني افصل الهيدروليك خصوصا انا اسافر على طريق مسار واحد
ومتكسر وكله مطبات يعني سمعت ان الهيدروليك اذا كان نازل يخرب ؟؟ طيب وش أفضل وقت افصل
الهيدروليك ووش افضل وقت اخليه شغال؟؟
4- النور الامامي الكل يتفق أنه مش حالك هل فيه طريقة اركب زينون عالي واطي بدون قطع أو جرح
اسلاك الوكاله؟؟وهل يفيد يعني احس بفرق كبير والا الموضوع بس زينة للسياره وأجهار للناس<<مايحب
الاذى بس يبي يشوف الطريق ويركز في الابل صح :rolleyes:
30- الكفرات أبي اغيرها مع العلم أن الموجود بالسياره جنوط 2006 بس نفس المقاس وأبي اعرف الجنوط
هل هي اصليه والا اي كلام لاني شاري الموتر من اسبوع ولادري عنه؟؟
والكفرات وش أفضل نوع يخفض ازعاج الخط ويتحمل الحراراه وثابت على الخط ومع المنعطفات؟؟
طوولت عليكم لاكن تحملوني شووي أخوكم وده بالزين ويخطيه دايم لكن هالمره قلت ابي استشير وماخاب
من استشار
وفي الاخير اتمنى الرد وعدم الاكتفاء بالنظر حتى لو تقول مادري بس رد ياخي وجبر الخواطر على الله
(الله يعينكم على فهم الكلام اللي فووق وعلى كثر الهرج)|3| [/COLOR]
