بسم الله الرحمن الرحيم
طبعا انا زي ما كتبت بالعنوان اول مرة بدخل عالم المرسيدس لاني دايم اشوفه لكن احاول ابتعد عنه لكثرة نصائح الناس لي بان المرسيدس يحتاج لميزانية خاصة بالصيانة.
لكن لشدة تعلقي بالمرسيدس اتخذت قرار ان اترك كلام الناس خلفي وخصوصا من لم يجرب المرسيدس من قبل , وقررت ان اعطي الخبز لخبازه واجي اعندكم واطلب مشورتكم بحكم انكم اهل الاختصاص.
اولا احب ان اسرد اسبب عدم امتلاكي لاي مرسيدس من قبل وهي كالتالي بناء على كلام الناس:
اسعار القطع الاستهلاكية وغير الاستهلاكية ناااااار ؟ فهل هذا صحيح
صيانة المرسيدس متكررة وتحتاج عناية خاصة ؟ فهل هذا صحيح
صيانة المرسيدس صعبة و مكلفة ولا يمكن لاي احد ان يعمل لها صيانه الا الوكالة والمراكز المشهورة؟ فهل هذا صحيح؟
ثانيا معلومات عني لكي تبنوا عليها هل ينفع لي المرسيدس ام لا
سواقتي هادية غالبا و نادر اسرع اكثر من 140 ك/س مع هذا الا ان رجلي ثقيلة شوي على السيارة
مشاويري اليومية كثيرة , والسيارة ما يسوقها غيري.
اهتم بغيار الزيوت والبواجي والفلاتر والسيور اما غيرها فلا اوليه اهتمام (لاني ما اعرف لهالأمور اساسا).
امسك خطوط بمعدل سفرية كل ثلاثة شهور من الرياض للشرقية او من الرياض لجدة او مكة.
معي حاليا لومينا والحمدلله لم تطلب مني اي شي ولم تتعطل علي فيما عدا القطع الاستهلاكية الاعتيادية على الرغم من ان الناس تقول اللومينا خراباتها كثيرة.
ثالثا السيارة التي سوف اشتريها ان شاء الله هي فياجرا موديل 99 الماني 320 شاص قصير ماشية 140000 كيلو سماوي من الخارج رصاصي من الداخل. (كم تسوى برأيكم)
اخيرا ابي شوركم ونصايحكم بالمرسيدس بشكل عام وبهالسيارة بشكل خاص
ابي امثلة على اسعار قطع الغيار لوتكرمتوا ووش الاشياء الغالية بالمرسيدس ووش الاشياء الرخصية
اذا شريها باذن الله هل يتوجب علي اني انتبه لاشياء معينة بالشيارة عشان ما تخرب علي واتورط ولا عادي .
ابي افضل مراكز صيانة للمرسيدس بالرياض وارخصها.
يعني باختصار وش عيوب الفياجرا ومشاكلها؟؟؟؟؟؟؟؟؟؟
الله يجزاكم خير جميعا
سأنتظر ردودكم بكل شغف قبل ما تطير السيارة.
