السلام عليكم ورحمة الله وبركاته
اخواني الاعزاء
حبيت اكتب لكم هالخبر اللي صار معي عشان تعرفون ان الورش ماعندك احد
ولد عمي معه كراون فكتوريا 2001 السياره فيها تقطيع وتفتفه
جاب لي الموتر وقال لي ان خلفيته بسيطه بالورش وطلب مني اصلحها له
المهم وديت الموتر لواحد من ربعي يشتغل بصيانة فورد (توكيلات الجزيره) وكشف كومبيوتر للسياره
وطلع التقطيع كله من الكويل رقم 4 فقط
وقيمته ب145
المهم قبل اركب الكويل حبيت اشوف كلام الورش واعرف الفاهم من اللي مو فاهم
وديتها لواحد مشهور وقلت له اكشف عليها كومبيوتر وقلي سبب التقطيع
المهم قعد 10 دقايق وهو ماسك الجهاز ولاهو داري وش السالفه
يوم انتهي يقولي السبب بنزين 91 لازم اثبت لك برنامج 91 قعدت اضحك وعطيته من الكلام اللي يبرد الحره
وديتها لواحد ثاني وكشف عليها وقال تنضيف بخاخ+بواجي+8كويلات جديده بس تجيني بعد العيد
انا عرفت انه فايق بعد العيد ويدور اي سياره يربح من وراها شغل يد كثير
طبعا الايام هذي مزحومين والله يكون بعون الزباينهم
طبعا اخذت الموتر وشريت الكويل وركبه لي خويي (اللي بالصيانه)
بعد التجربه هذي وبعد ماكتشفت لي كم ورشه
اكتشفت ان اغلب الورش اللي عندهم كومبيوتر مايعرفون يستخدمونه(مثل اللي قال لي سبب التقطيع بنزين 91 ولازم اثبت لك برنامج 91)
والبعض منهم يعرف يستخدمه لكن يزود لك بالخراب يعني بدال ماتكون بواجي يقولك كويلات وبواجي
عشان يكسب اكثر من شغل اليد
لكن انتبهوا منهم ولاتودون سياراتكم وتكشغون عليها كومبوتر الا عند واحد فاهم تشوف شلون يطق بالجهاز ويعطيك النتيجه او عند واحد تثثقون به
الخلاصه
ان اي تقطيع من السياره اسبابه
1 الكويلات
2 البواجي
3 البخاخ +صفاية البنزين
4 تكون ثلاجه المكينه مكسوره وتهرب الما على الكويلات والبواجي وتقطع السياره
البخاخ غالبا اذا كان محتاج تنضيف اذا كنت حاط السياره بوضع D وماسك فرامل تلاحظ ان السياره تتفتف وتنفض واحيانا تطفي
الكويلات غالبا تقطع بالسياره وتفتف على سرعة 70 كم و80 كم و90 كم
وتقبلوا خالص تحياتي
اخوكم : المارودر 2004
وكل عام وانتم بخير
