القرار الأخير لكم ... باجيرو وإلا يوكن

أنا كلمت العيسائى - فرع القصيم ... وأفادونى بالتالى :---
موديل 2008 الباجيرو سينزل خلال 10 أيام ..
سعر الفل حوالى 136000 ريال مع شاشة الملاحة
وبدونها حوالى 131000 ريال ....... طبعا من غير اللوحات والإستمارة
شرايكم سعره غالى شوى وإلا لا .........

الصراحة الباجيرو مش كل بس هوا انا من عندي شكله انسى مش ناااااااااااااافع
بس خود الحلو فيه انو قوة وعزم ودفع رباعي قوي جدا وبيستاهلك انك تملكه بجد سيارة مالها مثيل بس بتيجي بعد الكروزر بالاستخدام وما تهتم للشكل الخارجي انت اتطلع للقوتها ما تتطلع للشكل الشكل في الآخر اووووك

أشكر كل اللى شاركوا بالموضوع .....
وودى أعرف أسعار 2008 لليوكن القصير الدبل والباجيرو 5 أبواب الفل .
علما إنى كلمت العيسائى بحائل وقالوا 2008 مانزل ولا نعرف أسعاره.. وأستغرب من الأعضاء اللى يقولون أنهم شروه .... وين نازل؟ وبأى مدينة ؟

تكفون اللى عنده خبر يفيدنا وجزاه الله خير

يا جماعة الخير .. أنا عندي 2008 وفيه Rear D/L.. وكفى الله المؤمنين شر القتال :)

عندنا من 2007 وطالع الدف لوك يجي تجهيز قياسي في كل سيارات الباجيرو :cool:

عفوا عن المداخلة :D

نعم أخوي LAMBADA أنا مثلك ما كنت أعتقد أنه بيكون في دفلوك إلا بعد ما شفت هذي الصورة من رد أخوي Death_Like

أخوي البنشري .. واضح جدا انك متأكد ان الباجيرو 2008 يجي معاه ديف لوك ( هزاز )

فما أدري بصراحة وش المصدر !!

يعني ما فيه أي شي تأكد وكل الموضوع مجرد تخمينات وهرج مندوبين .. وانت أبخص مني بهرج المندوبين ..!!

وبالنسبة للشاشة .. وشي الوكالة اللي بتركب نفقيشن بـ 6000 ريال بس ؟!

وكيف يفكون الديكور .. و .. و .. الخ من الشغلات هذي !

انا برايي الشخصي ....الافضل باجيرو من ناحية الاعتماديه وقلة الاعطال

اليكون ممتاز ولكنه كبير جدا وعريض والسيارات الكبيره ممله مع الوقت وخاصة

داخل المدينه فهي ليست لديها مرونه في الزحمات وتصلح دائما للطلعات الرسميه

والعائله الكبيره وللسفر


والله الموفق

السلام عليكم
أنا أقول إذا كانت عائلتك لا تزيد عن سبعة (5 بالغين وطفلين) فخذ باجيرو وإنت مغمض
وإذا كانت أكثر فخذ يوكون أوسع مع أني لا أفضل اليوكون وأرى إن الأرمادا للعائلة الكبيرة أفضل منه
وبالتوفيق

بيتنا في الخبر و عندي رانجلر .... بس المشكلة إني بكندا ههههه .... قهر

حياك الله أخوي LAMBADA وأخوي البنشري ولا يهونون باقي الأعضاء وأرجوا ان نكون قد افدنا صاحب الموضوع

محب الشاص ... لا عدمناك يالغالي

وشاكر لك المعلومات القيمة

اذا كان استخدامك للبر فقط والطرق الجبلية الباجيرو افضل لك
اذا استخدامك سفريات وداخل المدينة وطلعات للبر على خفيف اليوكون افضل

لان اليوكون مصمم للطرق المعبده اكثر منه للطرق الوعره وليس بعنى ذلك انه مايصلح للطرق الوعره بالعكس
الباجيرو مصمم للطرق الوعره اكثر منه للطرق المعبده وهو ايضا ممتاز ومريح داخل المدينه

وكلا السيارتين حلوة وانا اميل لليوكون ولو بشتري بشتري يوكون

أبشر باسمه يالبنشري . لكن والله ما قلت اسمه علشان ما احصل ناس زعلانه!!
الجيب اللي سحبه الباجيرو كان باثفايندر من الموديلات الجديده (2006-2007) ما اعرف افرق بينهم.
صحيح اليوكن ما فيه انظمة دفع رباعي متطوره مثل الباجيرو ولكن مع سائق يدبر اموره و بدون تهور وتحدي للموتر وبتنسيم الكفر يستطيع الوصول لأماكن صعبه جدا (لنا في البليزر القديم مثال حيث انه إذا لم يكن اثقل من اليوكن فهو مثل وزنه او اقل قليلا و بمكينه اضعف و أداؤه في التطعيص و السحب و الفزعه في رأيي الشخصي افضل من الجيوب الجديده)
انا لا اقول ان اليوكن افضل من الباجيرو في البر ولكن اقول لا احد يستهين فيه أبدا
وعندما نجمع ونأخذ في عين الإعتبار جميع النقاط الأساسية اللتي تدفعك لشراء سيارة ما فإني شخصيا اجد ان اليوكن و التاهو يتفوقان على الباجيرو
بالنسبه لأداء اليوكن في البر فهو أفضل من اللاندكروزر GXR التماتيك وقد يماثل أداء الGXR القير العادي و الVXR التماتيك. وانا شخصيا اعتقد ان هذا كافيا جدا لشخص عاقل لا يريد إهلاك سيارته في التطعيص و المطامر و إنما للقياده البريه المحترمه والكشتات العائله (هي غالبا أقصى إستخدام الناس) أما بالنسبه للهستره في الجيوب فلها مواترها مثل التايوتا الكبسوله و النيسان الربع
ولا اعتقد شخصيا ان هناك شخص سيدفع 130000 ريال في الباجيرو (روعه الصراحه ويستاهل) لكي يجبرة على إستخراج كامل تقنياته البريه اللتي تفوقه على اليوكن
انت اخي البنشري تمتلك الباجيرو موديل 2004 (ما شاء الله عليه جبار) وهو لا يحمل أي من تقنيات الموديل الجديد ولله الحمد فأنت دائما تمدح أداؤه في الرمال!!! هل يعني نزول الباجيرو الجديد بتقنيات جديده ان موترك خلاص ما ينفع؟!!!
بالمناسبه دائما هناك في الهافمون تجد يوكن أو تاهو يطلع الطعص من الأسفل إلا الأعلى ويبدأ من مسافه لا تكاد تذكر ولم أرى اي جيب لاندكروزر او باجيرو يستطيع طلوعها!!! رأيت باترول 4800 يتمكن منها ولكن قليل . وحده اليوكن من فئة الجيوب الكبيرة يستطيع فعل ذلك وباقي المواتر الأخرى عبارة عن شيروكيات, تايوتا ربع(أكثر شيئ), شاصات تويوتا, نيسان باترول ربع,و هايلوكسات تجي مزوده ومقلعه ماشية مليون وبعض السيارات المعدله. غيرها ما شفت

هل هي الشاشة الأصلية ولا شاشة جارمن بريموت؟؟؟


والله ياشباب ذكرتوني بباجيرو كان عندنا يوم إني برابع إبتدائي (منتصف الثمانينات) .... كنت اشوف انها احسن سيارة بالعالم.....ليش؟......لأن كان فيها بوصلة في منتصف التابلوه ...