الماركيز / مشورتكم

اخواني انا قاعد افكر بالماركيز بس عندي جم سؤال


السلام عليكم شلونكم شخباركم انشالله مرتاحين شنو كان غداكم ومنو كله معاكم شربت ببسي اليوم ولا لا :)


اني الحين حق الاسعار والاسئلة

الوكاله

الفكتوريا تي عندنا الكويت نوع واحد ستاندر
سعرها 5700 او 5500 (ماسئلت عن سعرها بس قالي تفرق عن الجي اس ب 500 )

الماركيز جي اس قالي تفرق عن الفكتوريا بس بالريموت+ الخشب الي داخل جنب السايق الكرسي يدوي

ب 6200

الماركيز ال اس سعرها 8200 واهي الفل بس جنه مو جلد مخمل


محصل ماركيزات 06 ال اس مستعملات وارده الوكاله ومو مشاشية شي يعني حصلتلي وحده 06 ماشيه 18 الف فل جلد لونه الي صاير فضي على اخضر قالي ب 5400 بس ماكانت من نصيبي والله يهني راعيها فيها وثانيه 05 فل كحلي ماشي 16 الف ب 4950 بس قلت السعر شوي جنه فوق لنه موديل 05

شوفو الاسعار اهني للمستعمل

http://www.q8car.com/Arabic/main.asp?brand=%DD%E6%D1%CF&model=%CC%D1%C7%E4%CF+%E3%C7%D1%DF%ED%D2&Year=15&Price=&WebPage=CarsList

بس ملاحظ انه اكثر الي موجود ال اس وسئلت جم واحد قالي اخذ جي احسلك لا هيدرولك ولا عوار راس باجر يخترب عليك ولا شي قلت يمكن علشان جذي كله للبيع ال اس واسعاره حلوه


انتو شرايكم بالكلام هذا

في دقمه يم مالت تعديل الدواسات مكتوب عليها اوف مالت شنو (موجوده بال ال اس )

الي ادري عنه انه الفورد 0 بالثبات ( معلوماتي قديمة من ايام موستنغ 90 ) بس صاحبي يقول انه عنده 01 وثباته ممتاز حتى بالمطر ويقول 04 وانت صاعد احسن بعد صحيح الكلام هذا خصوصا انه احيانا اصير مطفوق :)

شنو السيارات الممتازه بحدود القيمه هذي سعر الوكاله وعلى فكرة سئلت عن اللومينا اليديده قالي ب 6800 ال اس بس شنو مواصفاتها ماادري

السعر بالدينار الكويتي


عذروني شوي مستعيل بس قلت اي لازم اكتب ما اقول كل يوم باجر :)

اي شي راح يطري ابالي راح اسئله لنه في اكثر من سؤال بس مو ياين على بالي حاليا